Joshua 12

12 ¹Israelwui mibingna sāthatserhaida, Jordan kānda zingshoshong, Arnon tampāk eina thuilaga Harmon Kaphung shangshungda, kala zingshoshong khalei Arabah katonga, athumwui ngalei kakhuikahai ngaleiwui awungabing chi hina: ²Amorwui awunga Sihon, Heshbonli pānkasā, Arnon tampākpheili khalei Aroer eina thuilaga, tampāk alungthung eina, kala Gilead tangkhai, Jabbok kong vāshungda, Ammonnaobingwui thari vāshungda munga; ³kala zingshoshong khalei Arabah, Chinnereth Ngayi eina thuilaga Arabahwui shamadru (Salt Sea) vāshungda, Beth-jeshimoth vāk, kala azingshong Pisgah amai ungshungda munga. ⁴Kala Ashtaroth eina Edre-ili pānkasā, Rephaimwui shākkahai, Bashanwui awunga Ogwui leiret hina. ⁵Ana Harmon Kaphung, Salecah, Bashan saikora Geshurnaobing eina Ma-acathnaobingwui thari vāshungda, kala Gilead tangkhai, Heshbonwui awunga Sihonwui thari vāshungda munga. ⁶Ithumwui Avāwui rao Moses eina Israelwui mibingna athumli yuihaowa; kala ithumwui Avāwui rao Mosesna athumwui ngalei Reubennaobing, Gadnaobing kala Manasseh shang tangkhaili shimlui sāda mi.

Avāna Sangmikahai Awungabing, Jordan Kānda Zingtunshong

⁷Joshua eina Israelwui mibingna Jordan kānda zingtunshong, Lebanonwui tampāk Baal-gad eina thuilaga Seirshong shangda Halak Kaphung vāshungda, sāthatserkahai ngaleiwui awungabing chi hina. Joshuana chi Israel shangnaobingli, athumwui khayar athishurda, shimlui sāda mi. ⁸Kaphungram, angako, Arabah, kaphungphei, lamhāng, kala Negeb, Hitnaobing, Amornaobing, Canaannaobing, Periznaobing, Hivnaobing, kala Jebusnaobingwui ngalei:

⁹Jerichowui awunga, akha; Bethelwui rāki khalei Aiwui awunga, akha;

¹⁰Jerusalemwui awunga, akha; Hebronwui awunga, akha;

¹¹Jarmuthwui awunga, akha; Lachishwui awunga, akha;

¹²Eglonwui awunga, akha; Gezerwui awunga, akha;

¹³Debirwui awunga, akha; Gederwui awunga, akha;

¹⁴Hormahwui awunga, akha; Aradwui awunga, akha;

¹⁵Libnahwui awunga, akha; Adullamwui awunga, akha;

¹⁶Makkedahwui awunga, akha; Bethelwui awunga, akha;

¹⁷Tappuahwui awunga, akha; Hepherwui awunga, akha;

¹⁸Aphekwui awunga, akha; Lasharonwui awunga, akha;

¹⁹Madonwui awunga, akha; Hazorwui awunga, akha;

²⁰Shimron-meronwui awunga, akha; Achshaphwui awunga, akha;

²¹Taanachwui awunga, akha; Megiddowui awunga, akha;

²²Kedeshwui awunga, akha; Carmelli Jokne-amwui awunga, akha;

²³Naphath-dorli Dorwui awunga, akha; Gilgalli Goiimwui awunga, akha;

²⁴Tirzahwui awunga, akha; awunga saikora thumrāda akhana.