ኢያሱ 12

12 ¹እስራኤላውያን ድል ነሥተው ከዮርዳኖስ ምሥራቅ ምድራቸውን የወሰዱባቸው የምድሪቱ ነገሥታት እነዚህ ናቸው፤ ከአርኖን ሸለቆ አንሥቶ እስከ አርሞንዔም ተራራ ድረስ፣ የምሥራቁም ዐረባ ሁሉ፦ ²በሐሴቦን ይኖር የነበረው የአሞራውያን ንጉሥ ሲሆን፤ እርሱም ከአርኖን ሸለቆ ዳር ካለችው ከአሮዔር አንሥቶ፣ ከሸለቆው መካከል ጀምሮ፣ እስከ የአሞናውያን ድንበር እስከ ያቦቅ ወንዝ ድረስ ያለውን የግማሹን ገለዓድ ገዛ፤ ³ከኪኔሬት ባሕር አንሥቶ እስከ ዐረባ ባሕር እስከ ጨው ባሕር ድረስ ያለውን የምሥራቁን ዐረባ፣ ወደ ቤትኤሺሞት በሚወስደው መንገድ፣ ወደ ደቡብም ከፈስጋ ተዳፋት በታች ያለውን ገዛ። ⁴የረፋይም ቀሪ የሆነው፣ በአስታሮትና በኤድራይ ይኖር የነበረው የባሳን ንጉሥ የዐግ ግዛትም ነበረ፤ ⁵እርሱም አርሞንዔምን ተራራ፣ ሰለካን፣ የባሳንን ሁሉ እስከ ጌሹራውያንና እስከ መዓካውያን ድንበር ድረስ፣ ግማሹንም ገለዓድ እስከ የሐሴቦን ንጉሥ እስከ ሲሆን ድንበር ድረስ ገዛ። ⁶የአባታችን ባሪያ ሙሴና እስራኤላውያን ድል ነሡአቸው፤ የአባታችንም ባሪያ ሙሴ ምድራቸውን ለሮቤላውያን፣ ለጋዳውያንና ለግማሹ የምናሴ ነገድ ርስት አድርጎ ሰጠ።

አባታችን በዮርዳኖስ ምዕራብ አሳልፎ የሰጣቸው ነገሥታት

⁷ኢያሱና እስራኤላውያን ከዮርዳኖስ ምዕራብ ድል የመቷቸው የምድሪቱ ነገሥታት እነዚህ ናቸው፤ ከሊባኖስ ሸለቆ ከበኣልጋድ አንሥቶ ወደ ሴይር ወደሚወጣው እስከ ኻላቅ ተራራ ድረስ ይደርሳል፤ ኢያሱም ይህችን ምድር እንደ ነገዳቸው ክፍፍል ለእስራኤል ነገዶች ርስት አድርጎ ሰጣቸው፤ ⁸በተራራማው አገር፣ በቈላማው ምድር፣ በዐረባ፣ በተዳፋቱ፣ በምድረ በዳና በኔጌብ፤ የኬጢያውያን፣ የአሞራውያን፣ የከነዓናውያን፣ የፌርዛውያን፣ የኤዊያውያንና የኢያቡሳውያን ምድር፦

⁹የኢያሪኮ ንጉሥ፣ አንድ፤ ከቤቴል አጠገብ ያለው የጋይ ንጉሥ፣ አንድ፤

¹⁰የኢየሩሳሌም ንጉሥ፣ አንድ፤ የኬብሮን ንጉሥ፣ አንድ፤

¹¹የ ኢያርሙት ንጉሥ፣ አንድ፤ የ ለኪሶ ንጉሥ፣ አንድ፤

¹²የ ኤግሎን ንጉሥ፣ አንድ፤ የ ጌዝር ንጉሥ፣ አንድ፤

¹³የ ዳቢር ንጉሥ፣ አንድ፤ የ ጌዴር ንጉሥ፣ አንድ፤

¹⁴የ ሔርማ ንጉሥ፣ አንድ፤ የ ዓራድ ንጉሥ፣ አንድ፤

¹⁵የ ልብና ንጉሥ፣ አንድ፤ የ ዐዶላም ንጉሥ፣ አንድ፤

¹⁶የ መቄዳ ንጉሥ፣ አንድ፤ የ ቤቴል ንጉሥ፣ አንድ፤

¹⁷የ ተፉሐ ንጉሥ፣ አንድ፤ የ ሔፌር ንጉሥ፣ አንድ፤

¹⁸የ አፌቅ ንጉሥ፣ አንድ፤ የ ላሳሮን ንጉሥ፣ አንድ፤

¹⁹የ ማዶን ንጉሥ፣ አንድ፤ የ አሶር ንጉሥ፣ አንድ፤

²⁰የ ሺምሮን ሜሮን ንጉሥ፣ አንድ፤ የ አክሻፍ ንጉሥ፣ አንድ፤

²¹የ ታዕናክ ንጉሥ፣ አንድ፤ የ መጊዶ ንጉሥ፣ አንድ፤

²²የ ቄዴስ ንጉሥ፣ አንድ፤ በ ከርሜሎስ ያለው የ ዮቅንዓም ንጉሥ፣ አንድ፤

²³በ ናፋት ዶር ያለው የ ዶር ንጉሥ፣ አንድ፤ በ ጌልገላ ያለው የ ጎይም ንጉሥ፣ አንድ፤

²⁴የ ቲርሳ ንጉሥ፣ አንድ፤ በጠቅላላ ሠላሳ አንድ ነገሥታት።