Eyasentlango 29 FHB Father's Heart Bible™

29 ¹“Ngenyanga yesixhenxe, ngosuku lokuqala, noba nentlanganiso engcwele. Ize ningenzi msebenzi wakukhonza; luya kuba lusuku lokuvuthela kwenu amaxilongo. ²Nosondeza idini elinyukayo, libe livumba elithozamisayo kuBawo wethu: inkunzi entsha ibe nye, ithole lenkomo, nenkunzi yemvu ibe nye, neemvana ezisixhenxe ezimnyaka mnye, zonke zigqibelele. ³Nomnikelo wazo wokudla womgubo ocoliweyo, ugalelwe ioli: izahlulo zeshumi zibe zithathu kuyo inkunzi entsha, nezahlulo zeshumi zibe zibini kuyo inkunzi yemvu, ⁴nesahlulo seshumi ngasinye kuyo imvana enye, kuzo iimvana ezisixhenxe; ⁵nenkunzi yebhokhwe exhonti ibe nye, ibe lidini lesono, lokunicamagushela. ⁶Ngaphandle kwedini elinyukayo lokuthwasa kweenyanga nomnikelo walo wokudla, nedini elinyukayo lamaxesha onke nomnikelo walo wokudla, neminikelo yazo ethululwayo, ngokommiselo wazo—ivumba elithozamisayo, ukudla kwasemlilweni kuBawo wethu.

Usuku Lokucamagusha

⁷“Ngosuku lweshumi kule nyanga yesixhenxe, noba nentlanganiso engcwele, niyithobe imiphefumlo yenu; ize ningenzi namnye umsebenzi. ⁸Nosondeza idini elinyukayo kuBawo wethu libe livumba elithozamisayo: inkunzi entsha ibe nye, ithole lenkomo, nenkunzi yemvu ibe nye, neemvana ezisixhenxe ezimnyaka mnye, zonke zigqibelele. ⁹Nomnikelo wazo wokudla womgubo ocoliweyo, ugalelwe ioli: izahlulo zeshumi zibe zithathu kuyo inkunzi entsha, nezahlulo zeshumi zibe zibini kuyo inkunzi enye yemvu, ¹⁰nesahlulo seshumi ngasinye kuyo imvana enye, kuzo iimvana ezisixhenxe; ¹¹nenkunzi yebhokhwe exhonti ibe nye, ibe lidini lesono, ngaphandle kwedini lesono lokucamagusha, nedini elinyukayo lamaxesha onke, nomnikelo walo wokudla, neminikelo yazo ethululwayo.

Umthendeleko Weminquba

¹²“Ngosuku lweshumi elinesihlanu enyangeni yesixhenxe, noba nentlanganiso engcwele. Ize ningenzi msebenzi wakukhonza; nenze umthendeleko kuBawo wethu iintsuku ezisixhenxe. ¹³Nosondeza idini elinyukayo, ukudla kwasemlilweni, ivumba elithozamisayo kuBawo wethu: iinkunzi ezintsha ezilishumi elinamithathu, amathole eenkomo, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele. ¹⁴Nomnikelo wazo wokudla womgubo ocoliweyo, ugalelwe ioli: izahlulo zeshumi zibe zithathu kwinkunzi entsha nganye, kuzo iinkunzi ezintsha ezilishumi elinamithathu, nezahlulo zeshumi zibe zibini kwinkunzi yemvu nganye, kuzo iinkunzi zombini zezimvu, ¹⁵nesahlulo seshumi ngasinye kwimvana enye, kuzo iimvana ezilishumi elinamine; ¹⁶nenkunzi yebhokhwe exhonti ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla, nomnikelo walo othululwayo.

¹⁷“Ngosuku lwesibini: iinkunzi ezintsha ezilishumi elinambini, amathole eenkomo, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ¹⁸nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko; ¹⁹nenkunzi yebhokhwe exhonti ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla, neminikelo yazo ethululwayo.

²⁰“Ngosuku lwesithathu: iinkunzi ezintsha ezilishumi elinanye, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ²¹nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko. ²²Nenkunzi yebhokhwe ibe nye, ibe lidini lesono, ngaphandle kwedini elinyukayo lamaxesha onke nomnikelo walo wokudla nomnikelo walo othululwayo.

²³“Ngosuku lwesine: iinkunzi ezintsha ezilishumi, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ²⁴nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko; ²⁵nenkunzi yebhokhwe exhonti ibe nye, ibe lidini lesono, ngaphandle kwedini elinyukayo lamaxesha onke nomnikelo walo wokudla nomnikelo walo othululwayo.

²⁶“Ngosuku lwesihlanu: iinkunzi ezintsha ezisithoba, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ²⁷nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko. ²⁸Nenkunzi yebhokhwe ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla, nomnikelo walo othululwayo.

²⁹“Ngosuku lwesithandathu: iinkunzi ezintsha ezisibhozo, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ³⁰nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko; ³¹nenkunzi yebhokhwe ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla, neminikelo yalo ethululwayo.

³²“Ngosuku lwesixhenxe: iinkunzi ezintsha ezisixhenxe, neenkunzi zezimvu zibe mbini, neemvana ezilishumi elinamine ezimnyaka mnye, zonke zigqibelele, ³³nomnikelo wazo wokudla neminikelo yazo ethululwayo kuzo iinkunzi ezintsha, neenkunzi zezimvu, neemvana, ngenani lazo, ngokwesiko; ³⁴nenkunzi yebhokhwe ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla nomnikelo walo othululwayo.

³⁵“Ngosuku lwesibhozo noba nengqungquthela yokuvala; ize ningenzi msebenzi wakukhonza. ³⁶Nosondeza idini elinyukayo, ukudla kwasemlilweni, ivumba elithozamisayo kuBawo wethu: inkunzi entsha ibe nye, nenkunzi yemvu ibe nye, neemvana ezisixhenxe ezimnyaka mnye, zonke zigqibelele, ³⁷nomnikelo wazo wokudla neminikelo yazo ethululwayo kuyo inkunzi entsha, nenkunzi yemvu, neemvana, ngenani lazo, ngokwesiko. ³⁸Nenkunzi yebhokhwe ibe nye, ibe lidini lesono, ngaphandle kwedini elinyukayo lamaxesha onke, nomnikelo walo wokudla nomnikelo walo othululwayo.

³⁹“Ezi zinto nozenza kuBawo wethu ngamaxesha enu amisiweyo, ngaphandle kwezibhambathiso zenu neminikelo yenu yokuqhutywa yintliziyo—nokuba ngamadini anyukayo, neminikelo yokudla, neminikelo ethululwayo, nemibingelelo yoxolo.”

⁴⁰UMoses wabaxelela oonyana bakaSirayeli konke, njengoko uBawo wethu abemwisele umthetho uMoses.