د قورح زامن: د ارمان يوه نغمه

د موسيقۍ د مشر دپاره؛ د ګتيت په طرز. د قورح د زامنو يو زبور.

يو زيارت کوونکی پر هغې چڼچڼې حسد کوي چې ټول کال زموږ د پلار د قربانګاه سره ځاله جوړوي. مسافر چې له يوې وچې درې تېرېږي، چينې شاته پرېږدي، او له ځواک نه ځواک ته ځي. په هغو انګړونو کې يوه ورځ په بل هر ځای کې له زرو ورځو غوره ده.

څپرکی 84.

ستا د اوسېدو ځائ څومره خوږ دے، اے د آسمان د لښکرو پلاره! زما روح د زمونږ پلار د انګنونو دپاره ارمان کوى، بلکې بېتابه کيږى؛ زما زړۀ او زما بدن د زمونږ ژوندى پلار ته د خوشحالۍ سندرې وائى. حتىٰ مرغۍ هم يو کور موندلے دے، او ممولې خپل دپاره يوه ځاله، چرته چې هغه خپل بچى لوئ کولے شى — ستا په قربان‌ګاهونو کښې، اے د آسمان د لښکرو پلاره، زما بادشاه او زما پلاره. مبارک دى هغه کسان چې ستا په کور کښې اوسيږى؛ هغوئ تل ستا ثنا وائى.

مبارک دے هغه څوک چې طاقت يې په تا کښې دے، چې د هغۀ په زړۀ کښې د صيون لارې دى. کله چې هغوئ د بکا د درې نه تيريږى، نو هغوئ يې د چينو ځائ جوړوى؛ اولنے باران هم په برکتونو يې پوښوى. ^a هغوئ د طاقت نه طاقت ته روان وى؛ هر يو په صيون کښې د زمونږ پلار په حضور کښې حاضريږى. اے د آسمان د لښکرو پلاره، زما دُعا واؤره؛ غوږ ونيسه، اے د يعقوب خُدايه.

اے زمونږ پلاره، زمونږ ډال وګوره، او ستا په مسح شوى باندې نظر وکړه. ^b ځکه چې ستا په انګنونو کښې يوه ورځ د بل ځائ د زرو ورځو نه بهتره ده. زۀ به دا غوره ګڼم چې زما د پلار په کور کښې دروازه بان شم، نسبت دې ته چې د بدکارۍ په خېمو کښې اوسم. ځکه چې زمونږ پلار لمر او ډال دے؛ زمونږ پلار فضل او لوئى بخښى؛ هغه د هغو کسانو نه چې په راستۍ ګرځى، هيڅ ښۀ شے نۀ ساتى. اے د آسمان د لښکرو پلاره، مبارک دے هغه څوک چې په تا باندې بهروسه کوى!