Babylonwui eina Lemmet akha
Babylonwui paomebingna khangachom tui hāngda ngalamkhui, Hezekiahna awui khalalei saikora athumli chitheisera. Isaiahna ithumwui Avāwui tui khuirā: chi saikora, kala awui naomayarabing ngasoda, Babylonli kakāra. Hezekiahna chi tui phāra da hānga — kaja kakhamāng chi awui kharing thotwui ngahui shokra. Chi khanganāmi chi khikha mahāngla chithāda thā.
39 1Chitharan atamli, Hezekiah kazāda kharai samphanga da shaida, Babylonwui awunga, Baladanwui nao Merodach-baladanna Hezekiahli chithi eina lemmet chihovai. 2Hezekiahna athumli mathānthup eina samphangda, awui lanshimli khalalei lupāsā, sinā, nganamkaphā otyur, aman kasaka thao, awui khutlaishim katonga, kala awui kazipshimli khalalei saikora athumli chitheisera. Awui shimli kala awui wungramli khalalei chi Hezekiahna athumli makachithei maleimana. 3Chieina Isaiah marānna awunga Hezekiahli vāda hānga, "Mibing hina khi rāhāngkhala? Kala athum kachiwui eina kharākhala?" Hezekiahna hānga, "Ngalei katāva̱, Babylonwui eina kharāna."
4Ana ngahāna, "Athumna nawui shimli khi theihairakhala?" Hezekiahna hānga, "Athumna iwui shimli khalalei saikora theihaira; iwui kazipshimli khalalei ina makachithei maleimana."
5Chieina Isaiahna Hezekiahli hānga, "Saikorawui Avāwui tui nganālu:
6Kaji atam rārāli, nawui shimli khalalei saikora, aja rāshungda navā ngarāna kazip kahai lan, Babylonli khuivāserhaora; akha eina tangda mataimara, da ithumwui Avāna hānga. 7Nana pharākakhui nanao, nawui ara̱-azā eina tangda, kaikhalibing tukvāhaora; Babylon awungawui konungli athumna otva̱bing sāda apamra."
8Chieina Hezekiahna Isaiahli, "Ithumwui Avāwui tui nana kahāng hi phāra," da hānga. Kaja, "Iwui mirin thotli chingri kala tāphup ning leira," da ana phaninga.
