Chāng Tamyang Sākhavai Ngarānda Rālu
Kakathuma rāki chi ngarānhaira, kala morei sāchingbingli ana ara mashivāmmara. Khristana awui mangā eina matui kaji athumna shākhi ningchānga, chiwui vang ana chāngkhamatam chi athumwuili ngareiungmi: nathum khalatta chāng tamyanglu. Ana rāda sākhai khavai eina ithumwui Avāwui pangshapli ngazan thāda ungda athumli kapemtha̱ samphangpai chi kaphā hakmei da phaninga.
13 1Ina nathumli rāki hina kakathumana. "Ot kachiva̱ saikora mi khani lah kathumwui shākhi eina shāptitmiphalungra." 2Morei sākhare kala khangatei mi saikorali, kakhane rālaga nathumwui ngachaili leilakha ina hāngkahai chithada, ara maleila ina sāngngarānda hāngkahaina: ina rāluishitakha, athumli mashivāmmara; 3khikhalajila Khristana iwui mangā eina matui kaji theikhui nathumna ningkachānga. A nathumwui vang ngazanmana, kha nathumwui alungli pangshap leilaka. 4Kaja a ngazan tharan krushli shaoshāna, chithālala ithumwui Avāwui pangshap eina kharingna. Kaja ithumla ali ngazana, chithālala nathumwui vang ithumwui Avāwui pangshap eina ali ngasoda ringra.
5Nathum khalatta chāng tamyanglu; nathum shitkasangli leila? Nathum khalatta machukyanglu. Nathum chāng makhuisangkapaibing maningakha, Jishu Khrista nathumli lei kaji nathumna matheila? 6Kala ithum khalatta chāng makhuibing maningmana da nathumna phāshokra da ina chihāna.
7Nathumna khangui ot khikha masaalu da ithumna ithumwui Avāli seihā sāna. Chi ithum khalatta khuisangkapai da theikhui khavai maningmana; ithum khuisangkapai maningkha kaphaningla, nathumna khamashung khangarong chi sā khavaina. 8Kaja ithumna khamashung chi mamayā masārarmana, kha khamashungwui vang mānga. 9Ithum ngazanda nathum pangsang tharan ithum ringphāra; kala nathumwui katang khangachon khavai ithumna seihā sāna. 10Chiwui vang eina, I leilakha Prohona ili khami pangshap chi otthuiwui vang ina sāshi hāng darkar masā khavai, ara maleila hi ina kapina. Chi pangshap nathumli sākā khavaina, sākhai khavai maningmana.
Avāwui Leikashi kala Chingri
11Naomeikapta, ivānaobing, ringphālu, khangachon khavai hotnālu, akha eina akha kasatsang ngaroklu, ningphanin akha eina sālu, chingri kahaili leilu. Kala leikashi kala chingri kahaiwui ithumwui Avā nathumli leichingra. 12Kathara khamaya̱ eina nathum akha eina akha shālam sāngaroklu.
13Katharabing saikorana nathumli shālam chiphunli.
14Ithumwui Proho Jishu Khristawui lukhamashan, ithumwui Avāwui leikashi, kala Manglā Katharawui ngarumsak chi nathum saikorali ngasomiranu. a a v14 Naomeikapwui sokhami hina mi kathum saikora—Anaomayara, Avā, kala Manglā Kathara—khokkha sāda aming shānkhui; hi pāngmonna ithumwui Avāwui ming awui mibingtungli haihaiwui sokhami chiwui paokazatbingwui khon ngachonna.
