Tamphaang lang daan ongga Hungro
Hungnu inthumnu laan ga dat rwe, khatle hei kaan bi Paul na noh to damnu nun ding hoi thanglaye. Christa na maan paan bina kabiaye dinu badan ding bani lou pem rwe, atibriakpina maanna tamphaangnu ga pi kale nge: nani raantoza ding tamphaang ngo. Maan lat hungluga re basiat langna, ani Pa om ngam bi sonnu danga ong beida bani ding kasanu bi mu lang pem nge.
13 1Hei ga eina nani khou hungnu inthumnu laan gaye. “Lang khat khat ga sake mi pat ni mak tabe pat thum om sake paan bina pi tip thang ding gaye.” 2Kamaga noh to damnu nun khatle mi katei rwan bing ding le, kaninu laan nani le ong bacham nu kaan bi rinnu danga, atun langkaang la ongga le eina bani khou kamaga rinnuwe: eina lat hungne dabe, bani ding hoi thanglaye, 3Balangbe Christa na ei paan bina kabianuwe dinu badan ga nanina nwamnu briakpina. Maan ga nani khou son make, atiyeda nani lak pi ngam amnuwe. 4Balangbe Maan ga sonnu bi cross pi bakhai thang rwe, atiyeda Maan ga ani Pa om ngam bina ringnuwe. Balangbe ani le Maan khou sonnuwe, atiyeda nani khou ani Pa om ngam bina Maan le diga ringlune.
5Nani raantoza ding tamphaang ngo—nani balumsanu bi ongbo? Nani raantoza ding tamphaang ngo. Jisu Christa nani khou ongnuwe dinu nanina thei makpo?—nani tamphaang bi za make dabe. 6Atiga ani raantoza ga tamphaang bi za make diga nanina thei latlune diga ei balumsaye.
7Nanina kasianu khatchale to mak lang ani Pa khou anina kalumme—ani raantoza za thangnu ga indao lang make, atiyeda nanina kasanu ga to lang, ani ga za thang maknu danga mu beida le. 8Balangbe anina bazenu ding kakhang lang ngam make, atiyeda bazenu lang biza ngam amnuwe. 9Ani sonnu ga nani ngam ongnu kaan bi anina karowe; atiga nani pi baze thang latnu lang bi le anina kalumme. 10Hei langna ei langkaang la ongga hei bing nga eina hiaknuwe, balangbe nani le hung ongnu kaan bi, Pukraangba na akhou pi thangnu zathang ga sizinga, ei sia ga to lang bathaang mak lang—bacha thou lang, rai sat lang make.
Pa om Kriangnu khatle Dai Bazaangnu
11Kakham bi unao rwan ga, karowo, pi baze thangnu lang karammo, khat le khat bathem thang kaleyo, sung khatcha towo, dai bazaangnu bi ong ngo—atiga kriangnu khatle dai bazaangnu om ani Pa na nani le ong bacham lune. 12Nani khatna khat ting bathiangnu kaputnu le bachamga kalummo.
13Bathiangnu mi bingna nani ding kalumme.
14Ani Pukraangba Jisu Christa om phaangkriang, ani Pa om kriangnu, khatle Katha Bathiangnu om badam lou bachamnu ga nani mi bing le ong bacham lune. a a v14 Hei kakhamnu bi om rithoi chong heiya mi pat thum—Sa Kapaisa, Pa khatle Katha Bathiangnu—ding khatcha toga meng koune. Heiya Baom mi nun chung bi ani Pa om meng bang thangnu takolu om rithoi chong ding chonglang rwan na pi han lat swaknu gaye.