Sen Haükushi hoba Kaibü Thenyek Hautikushi
Chia songdakbou shanga. Kongkin pithung yoa. Nyensang chia che. Chia che.
Phanga leibabü tei haükubü ngüh. Mütshuongei seneibü Bou to jembü thüka onou hoba thenyek shingbü lamda, khei haoeibü lamnyu kho jiji ngean kila shanga, hoba lamku che nyiyoa weanda: mütshuong—pendou—haoei sangshima hoba olinshima.
67 1Seneibü Bouei sen to onoushima, hoba sen haükushima, hoba haoeibü thenyek sen to hautikushima, a a v1 Sela: chia ayingsi welaubü jiha haksola ngetibü tetsi che ki; ho ngühei ai lauda dogo tükdeko aoeikei angekei. 2Khei kaibü lamnyu kho kaodak ka ngean kilabü, kaibü khümenbü phang pendou yoa ngean kilabü. 3Mütshuongei ka sangashi, O seneibü Abou; mütshuong pendouei ka sangashi. 4Phangshuongei olinashi hoba olinyobü chia lautiashi, aishanga nyi mütshuong ngühmaia matjemda, hoba nyi kaodak ka kibü phangshuong leida.
5Mütshuongei ka sangashi, O seneibü Abou; mütshuong pendouei ka sangashi. 6Kaodakei haoeibü youshou kukei; seneibü Bou, seneibü jembü Bouei, sen haükuda. 7Seneibü Bouei sen haükushima, hoba kaodak thonbü pendouei hao to hattishi.
