Tipaseni Nkhombo Mbamuceza
Kwa nyakutsogolera nyimbo. Na pyombo pyakuimbira pya nthambi. Salmo. Nyimbo.
Ndi nkhombo ing'ono ya ntsiku ya kubvuna yakufuna dziko yonsene. Mbumba isaphemba Baba wathu kuti aibverere ntsisi mbaiyetimisira nkhope yace, toera njira zace zidziwike pa dziko yonsene. Iwo asaphemba kawiri cinthu cibodzi: madzindza onsene amutende mbakomerwa.
67 1Baba wathu mbatibvere ntsisi mbatipase nkhombo, mbacitisa nkhope yace iceze pa ife, a a v1 Selah: cidzindikiro ca kupuma mu nyimbo peno mu kulambira; mabvekero ace andimomwene nkhabe kudziwika mwadidi. 2toera njira zanu zidziwike pa dziko yapantsi, upulumuki wanu pakati pa madzindza onsene. 3Mitundu ya anthu mbakusimbeni, Baba wathu; mitundu yonsene ya anthu mbakusimbeni. 4Madzindza mbakomerwe mbaimbe mwakutsandzaya, thangwi Imwe musatonga mitundu ya anthu mwakulungama mbamutsogolera madzindza pa dziko yapantsi.
5Mitundu ya anthu mbakusimbeni, Baba wathu; mitundu yonsene ya anthu mbakusimbeni. 6Dziko yapantsi yapereka mabvuno yace; Baba wathu, Baba wathu wene, asatipasa nkhombo. 7Baba wathu mbatipase nkhombo, malekero onsene a dziko yapantsi mbam'gope Iye.
