Elakeli ekei likolo ya mokili
Bimonano mibale ya ndenge ndembo ezali kosilisama: mokanda oyo ezali kopumbwa ekei lokola elakeli mabe likolo ya miyibi mpe ya bato bapikamaka ndcongo na lokuta, mpe mwasi oyo abengami Mabe akangami na ekuku, na likoló ya plomb, mpe amemami na Sinari. Tata na biso andimi mabe te, alongoli yango.
Tata na biso alobi na molongo 4
5 1Natombolaki lisusu miso na ngai mpe natalaki, mpe namonaki mokanda moko ya kopumbwa liboso na ngai. 2Atunaki : « Ozali komona nini ? » Nazongisaki : « Nazali komona mokanda moko ya kopumbwa, molai na yango futi tuku misato, bonene na yango futi zomi na mitano. »
3Bongo alobaki na ngai : « Oyo ezali elakeli oyo ezali kobima likolo ya mokili mobimba. Moto nyonso oyo azali koyiba akolongolama na ngambo moko na yango ; moto nyonso oyo azali kolapa ndayi ya lokuta akolongolama na ngambo mosusu. »
4« Natindi yango, elobi Tata ya mampinga ya Likolo, ekokota na ndako ya moyibi mpe na ndako ya moto oyo azali kolapa ndayi ya lokuta na Kombo na Ngai, ekofanda kuna mpe ekolia yango, nzete mpe mabanga esika moko. »
Mabe ememami na esika na yango
5Bongo anjelu oyo azalaki koloba na ngai ayaki liboso mpe alobaki na ngai : « Sik’oyo tombola miso mpe tala nini oyo ezali kobima. »
6Natunaki : « Ezali nini ? » Alobaki : « Ezali kitunga oyo ezali kobima. » Bongo alobaki lisusu : « Oyo ezali lisumu na bango na mokili mobimba. »
7Mbala moko, ebandeli ya plomo etombolamaki, mpe mwasi moko azalaki kofanda kati na kitunga. 8Alobaki : « Oyo ezali Mabe. » Atindikaki ye lisusu kati na kitunga mpe atiaki libanga ya plomo likolo ya monoko na yango na nguya.
9Natombolaki miso mpe namonaki basi mibale bazali koya, mompepe ezalaki kati na mapapu na bango, mapapu lokola ya ndeke monene ya mai, mpe batombolaki kitunga katikati ya mabele mpe likolo. 10Bongo nalobaki na anjelu oyo azalaki koloba na ngai : « Bazali komema kitunga wapi ? »
11Alobaki na ngai : « Mpo na kotonga ndako mpo na yango na mokili ya Sinala ; mpe tango ekobongisama, kitunga ekotiama kuna likolo ya ekitelo na yango. » a a v11 Sinala ezali kombo ya kala ya Babilone, mokili ya bokangami monene ya Isalaele.
