Mga Awit 121

121 ¹ Itinitingala ko ang aking mga mata sa mga burol—saan magmumula ang aking saklolo?

² Ang aking saklolo ay nagmumula sa aking Ama, ang Manlalalang ng langit at lupa.

³ Hindi niya hahayaang madulas ang iyong paa; ang nagbabantay sa iyo ay hindi iidlip. ⁴ Tunay nga, ang nagbabantay sa Israel ay hindi iidlip ni matutulog man.

⁵ Ang iyong Ama ang nagbabantay sa iyo; ang iyong Ama ang lilim sa iyong kanang kamay. ⁶ Hindi ka tatamaan ng araw sa maghapon, ni ng buwan sa magdamag.

⁷ Iingatan ka ng iyong Ama sa lahat ng kapahamakan; babantayan niya ang iyong buhay. ⁸ Babantayan ng iyong Ama ang iyong paglabas at pagpasok, ngayon at magpakailanman.