ائسرایئل شئتّئمده
شئتّئمده ائسرایئل موآب قیزلاری واسئطه‌سی‌ائله بَعَل-پِعورا قوشولور، و آتامیزین قضبی بئر وبادا آلوولانیر. هامی آغلایارکن پئنِخاس بئر نئزه ائله حرکت ادر، وبا ائیئرمی دؤرد مئن نفرده دایانیر، و اونا ابدی کاهئنلئک عهدی ورئلئر.
25 1ائسرایئل شئتّئمده یاشادیغی واخت، خالق موآبین قیزلاری ائله جئنسی گوناها باشلادی. 2اونلار خالقی اؤز آللاهلارینین قوربانلارینی یمه‌یه دعوت اتدئلر؛ خالق دا ییئب اونلارین آللاهلارینا سجده اتدی. 3بله‌جه ائسرایئل بَعَل-پِعورا قوشولدو و آتامیزین قضبی ائسرایئلئن ضئدّئنه آلوولاندی.
4آتامیز موسایا ددی: «خالقین بوتون باشچیلارینی گؤتور و منئم قاباغیمدا، گوندوزون آیدینلیغیندا اونلاری اؤلدور کی، منئم آلوولانان قضبئمی ائسرایئلدن دؤندَرئم.»
5موسا ائسرایئلئن داورلرئنه ددی: «هر بئرئنئز اؤز آداملاریندان بَعَل-پِعورا قوشولانلاری اؤلدورون.»
6او واخت بئر ائسرایئل‌لی کئشی، موسانین و ائسرایئلئن بوتون جاماعاتینین قاباغیندا، اونلار حوضور چادیرینین گئرئشئنده آغلایاندا، قارداشلارینین یانینا بئر مئدیانلی آرواد گتئردی. 7اِلعازار اوغلو، کاهئن هارونون نوه‌سی پئنِخاس بونو گؤردو، جاماعاتدان قالخیب الئنه بئر نئزه آلدی. 8و او ائسرایئل‌لی کئشئنئن دالینجا اوتاغا گئرئب هر ائکئسئنی، او ائسرایئل‌لی کئشی ائله آروادی، آروادین قارنیندان دِشدی. بله‌جه ائسرایئل اؤولادلارینین ضئدّئنه اولان وبا دایاندی. 9وبادان اؤلَنلر ائیئرمی دؤرد مئن نفر ائدی.
10سونرا آتامیز موسایا ددی:
11«کاهئن هارونون نوه‌سی، اِلعازار اوغلو پئنِخاس، اونلارین آراسیندا منئم قیرتئمه گؤره قیرت گؤرسه‌دئب، قضبئمی ائسرایئل اؤولادلاریندان دؤندَردی؛ اونا گؤره اؤز قیرتئمله ائسرایئل اؤولادلارینی یوخ اتمه‌دئم. 12بونون اوچون دِه: من اونا اؤز باریش عهدئمی ورئرم. 13او و اوندان سونرا نسلی اوچون ابدی کاهئنلئک عهدی اولاجاق، چونکی او منئم اوچون قیرت گؤرسه‌دئب و ائسرایئل اؤولادلارینی کفّاره اتدی.» a a v13 پئنِخاسین ابدی کاهئنلئک عهدی و اونون کفّاره عملی، عئسایا، ابدی کاهئنه ائشاره ادئر کی، اونون آتامیز اوچون قیرتی و بئر دفه‌لئک قوربانی، هچ بئر ائنسان کاهئنئن تأمئن اده بئلمه‌دئیی داوام‌لی بئر سالاماتلیق گتئرئر.
14مئدیانلی آروادلا بئرلئکده اؤلدورولَن ائسرایئل‌لی کئشئنئن آدی زئمری ائدی، شَمعونلولارین بئر طایفا باشچیسی اولان سالو اوغلو. 15اؤلدورولَن مئدیانلی آروادین آدی کوزبی ائدی، مئدیانین بئر طایفا باشچیسی اولان صور قیزی.
16سونرا آتامیز موسایا ددی:
17«مئدیانلی‌لارلا دوشمن کئمی رفتار ات و اونلاری اؤلدور، 18چونکی اونلار اؤز حئیله‌لری ائله سئزئن دوشمنلرئنئزدئرلر کی، پِعور ائشئنده و اؤز باجیلاری، یعنی مئدیان باشچیسی اولان بئر آدامین قیزی کوزبئنئن ائشئنده کی، پِعور اوزوندن وبا گونونده اؤلدورولدو، سئزی آلداتدیلار.»
