ዘሌዋውያን 12

12 ¹አባታችን ሙሴን እንዲህ ሲል ተናገረው፦

²“ለእስራኤላውያን እንዲህ ብለህ ንገራቸው፤ ሴት ጸንሳ ወንድ ልጅ ብትወልድ፣ በወር አበባዋ ወቅት ርኩስ እንደምትሆነው ሁሉ ሰባት ቀን ርኩስ ትሆናለች። ³በስምንተኛውም ቀን የሸለፈቱ ሥጋ ይገረዛል። ⁴ለሠላሳ ሦስት ቀን በመንጻትዋ ደም ትቆያለች። የመንጻትዋ ዘመን እስኪፈጸም ድረስ ቅዱስ የሆነውን ማንኛውንም ነገር መንካት ወይም ወደ መቅደስ መግባት የለባትም። ⁵ሴት ልጅ ብትወልድ ግን፣ በወር አበባዋ ወቅት እንደምትሆነው ሁሉ ሁለት ሳምንት ርኩስ ትሆናለች፤ ከዚያም ስድሳ ስድስት ቀን በመንጻትዋ ደም ትቆያለች።

⁶“ለወንድ ወይም ለሴት ልጅ የመንጻትዋ ዘመን ሲፈጸም፣ የአንድ ዓመት ጠቦት ለሚቃጠል መሥዋዕት፣ የርግብ ጫጩት ወይም ዋኖስ ለኀጢአት መሥዋዕት ወደ መገናኛው ድንኳን ደጃፍ ለካህኑ ታመጣለች። ⁷እርሱም በአባታችን ፊት ያቀርበዋል፤ ያስተሰርይላታል፤ እርሷም ከደም መፍሰሷ ትነጻለች። ወንድ ወይም ሴት ልጅ ለምትወልድ ሴት ሕጉ ይህ ነው።

⁸“ጠቦት ለመግዛት አቅም ከሌላት ግን፣ ሁለት ዋኖሶች ወይም ሁለት የርግብ ጫጩቶች ትውሰድ፤ አንዱ ለሚቃጠል መሥዋዕት፣ ሌላው ለኀጢአት መሥዋዕት ይሆናል። ካህኑም ያስተሰርይላታል፤ እርሷም ትነጻለች።” ^a a v8 ቤተ ሰቡ ጠቦት ለመግዛት አቅም ባጣ ጊዜ፣ አባታችን በዚህ ያነሰ ስጦታ ለድኾች ስፍራ አበጀላቸው፤ ማርያም ኢየሱስን በቤተ መቅደስ ባቀረበችበት ጊዜ ያመጣችው መሥዋዕት ይኸው ነው።