Bouei Mosa to Lauda
Sao bukbü phaia nyu che bousushou shanga chalou nyet, yaksashou shanga bale nyi asaopoko kilabü, kheijinei saopobü peisilei to atla shaang hao saüenbü chalou sem longjan. Haoei sanlon paang che hoba au che sungbajan, lausikei sanlon lemla athüklonga, au penyi sungbajan.
12 1Seneibü Bouei Mosa to laukei,
2“Israel shousi shuong to lenshi, ladang yaksa cheei mangakongko apko bousushou che buklaje, sao chalou nyet asaopoko kilabü; sao perizbü asaopobü chalou tegü asaopoko kilabü. 3Hobaje setbounyet hao tangkabü khop kipan aplabü. 4Sao saüenbü sii ka chalou khujinto sem longlabü. Sao saüenbü chalou apen shongko, sao saopobü peisilei aikei temeiti hoba sanchem to atla athükkei. 5Lausikei sao yaksa shou che buklonga, sao perizbü tegü bale nyi asaopoko kilabü; hoba kho phaia sao saüenbü sii ka chalou saosemto lak longlabü.
6Bousushou yingsikei yaksashou shanga sao saüenbü chalou apen shongko, sao kamshang neichem koukhün to juokbü lembü shanga po cheeibü sanlon paang che, hoba shabü lembü shanga dukutuk shoushou che ayingsi jemau che ungshedbou jungto sungbajan. 7Haoei kho seneibü Bou thedanga lemlabü hoba hao shanga saumei saülabü; hoba sao sii saangbü ka saüenan kilabü. Bousushou yingsikei yaksashou bukbü yaksa shanga ngühkhüm habü ho ki.
8Lausikei sao sanlon shoushouei lemla athüklonga, sao jemau penyi ayingsi dukutuk shoushou penyi lelabü; che juokbü lembü shanga hoba che shabü lembü shanga. Hoba ungshedbouei hao shanga saumei saükulabü, hoba sao saüenlabü.” a a v8 Chem müt shuongei sanlon shoushouei lemla athüklaje, seneibü Bouei habü sikbü lembü danko hatbü shuong shanga lam yeikukei — hoba hibü lembü kho Mariaei Jisu kho Mühghaü chem to apyobü chaloua sao sungbabü lembü tegütham ong ki.
