Bana ba Kola: Mukunga wa Nzoluka
Kwena mutu wuna wisi twadisa mikunga; bwosu Gititi. Mukunga wa bana ba Kola.
Mutu wa nzila wisi zola kukala hanga nuni yina yisi wana zamba ha mesa ma bimenga ma Tata wetu mu bilumbu byosu. Mu kuhitila mu beti dya khatu, bakwa nzila bisi sisa zinto za mamba ku manima ma bawu, bisi kwenda tukidila ngolu ku ngolu. Kilumbu kimosi muna luphangu luna kiluti mboti ku bilumbu funda dimosi kuma kwahika.
84 1A Tata, Mukwa ngolu zoosu, homa haku ha kuzingila, mbi phila hakasemi! 2Moya wama wubati nzoluka, wukhani zima, kikuma kya luphangu lwa Tata wetu; mbundu yama yi lutu lwama bisi yimbila mu kyesi kwena Tata wetu wa moya. 3Mbatanana nuni wámona nzu, amana yembi wámona zamba kikuma kyandi meni, kwakuna kalenda kolisa bana bandi—ha mesa maku ma bimenga, A Tata, Mukwa ngolu zoosu, Kyamvu wama yi Tata wama. 4Kyesi kwena bana bisi zingila mu nzu yaku; bisi kuzatula kosu tangwa.
5Kyesi kwena mutu wuna ngolu zandi zenina mwena ngeyi, wuna muna mbundu yandi muna mena nzila za kwenda ku Siyoni. 6Muna kuhitila mu Beti dya Baka, bisi kudikhitula homa ha zinto za mamba; mvula wa theti phi wusi kudifukila ni makheti. a a v6 Baka disongidila «kudila». Muna nzila ya kwenda kwena Tata wetu, mbatanana beti dya mansanga dikhituki homa ha zinto za mamba. 7Bisi kwenda, tukidila ngolu ku ngolu; kosu mutu kamonika kuna thwala ya Tata wetu ku Siyoni. 8A Tata, Mukwa ngolu zoosu, yuka lombilu lwama; hinikina, A Nzambi wa Yakobi.
9Tala kibalaka kyetu, A Tata wetu, amana tala mutu waku wuna wásitiwa mananasi. b b v9 «Mutu waku wuna wásitiwa mananasi» disongidila kyamvu wa Kiseledi, pfumu wuna Nzambi kásola amana wávambisa kikuma kya batu bandi. 10Mukuma kilumbu kimosi mu luphangu lwaku kiluti mboti ku bilumbu funda dimosi kuma kwahika. Bulungi kwena meni kukala tsinzidi wa muelo mu nzu ya Tata wama, kaasi ka kuzingila mu masombolu ma batu bambi. 11Mukuma Tata wetu kenina tangwa yi kibalaka; Tata wetu wisi hana khenda yi khembu; kisi bwisa kima kya mboti ku kwena bana bisi dyata mu masonga. 12A Tata, Mukwa ngolu zoosu, kyesi kwena mutu wuna wisi kwikila mwena ngeyi!
