Yahudoda tanilgan
Nagʻmachilar boshligʻi uchun: torli asboblar joʻrligida. Asafning zaburi, qoʻshiq.
Sano boshlanganda jang allaqachon tugagan. Salemda o'qlar, qalqonlar va qilichlar sinib yotibdi, jangchilar uxlab qolgan, otlar karaxt bo'lib yotibdi. Gap Isroilning mahoratida emas, balki Otamiz yerning kamtarlarini qutqarish uchun o'rnidan turganida.
76 1Otamiz Yahudoda tanilgandir, Isroilda Uning nomi ulugʻdir. 2Uning chodiri Salemda, maskani Sionda. a a v2 Salem — Quddusning qadimiy nomi, Otamiz Oʻzining maskanini barpo qilishni ixtiyor etgan shahar. 3Oʻsha yerda U yaltiroq oʻqlarni, qalqon, qilichni va jang qurollarini sindirib tashladi.
4Sen nur sochasan, oʻlja togʻlaridan-da ulugʻvorroqsan. 5Eng qudratli jangchilar oʻljalaridan mahrum boʻldilar, uyquga choʻmdilar, bironta jangchi qoʻlini koʻtara olmadi. 6Ey Yoqubning Xudosi, Sening tanbehingdan jang aravasi ham, ot ham qotib qoldi. 7Sen, Sendan qoʻrqmoq kerak! Gʻazabing qoʻzgʻalganda, kim Sening oldingda tura oladi? 8Osmondan Sen hukm chiqarding, yer qoʻrqib, jim boʻldi, 9Otamiz hukm chiqarishga, yerdagi barcha kamtarlarni qutqarishga oʻrnidan turganida.
10Albatta, inson gʻazabi Seni ulugʻlaydi, qolgan qismini esa Oʻzingga kiyib olasan. b b v10 Xudoga qarshi qaratilgan inson gʻazabi ham oxir-oqibat Unga shuhrat keltiradi — U ularning gʻazabini gʻalaba nishoni sifatida kiyib yuradi. 11Otangizga ontlar ichib, ularni bajaringlar, Uning atrofidagilarning bari qoʻrqmoq kerak boʻlgan Zotga sovgʻalar keltirsin, 12U amirlarning ruhini qirqadi, yer yuzi shohlari Undan qoʻrqadi.