Yihuda nung metetba
Kentenba tongtipurba dang: kentenki den. Asaph ken, songtok ka.
Ken tenzükdang rara aji tongogo. Salem nung jong, nok aser rara nok tsüngpreta lir, rararertem alu, kortem sümanga longdak. Iba Israel tashiwaa mali saka asen Tebu alima ajemalurtem kümzüktsü asoshi apusoba lir.
76 1Tebu Yihuda nung metetba lir; Israel nung pa tenüng tulu lir. 2Pa süki Salem nung lir, pa talidak Zion nung lir. a a v2 Salemji Yirusalem akhidang tenüng lir — Tebui pa ki yangludaktsü shimtetba yimti lir. 3Yangji pai jong aser nok aser rara nok o nütem, tsüngpret lijakjang raksa.
4Na sentsüpranga lir, shi ngusadak tenemtem dang nungi na tali majem lir. 5Tasü tait nisungtem pei makzükba oset agizük; parnok pei mejangba nung alu; raraba nisung kari pa teka mekanga menoktet. 6Oh Yakob Tsüngrem, nai arürtsüba agi, kor talungtsü aser kor anaprong sümanga longdak. 7Na, na tetsübutsüba lir! Ne ain adokdang, shibai ne madang noktaka alitsü? 8Nai kotak nungi o bendang jembi; alima tsübua mokorai liasü, 9Alima ajemalurtem ajak kümzüktsü asoshi, Tebui o bendangtsü aramesoa.
10Atangji nisung terasabai na asangtsü, aser iba tanüngba agi nai na sobushitsü. b b v10 Nisung Tsüngrem anema ain adokbasa tongbangi pa dang sentsüwangshi bener aittsü — pai parnok terasaba takok amai sobur. 11Ne Tebu dang atemzükjang aser aji atalokjang; pa meketa alir ajaki tetsübutsüba dang sempet bener arudakjang, 12Pai tamarenertem tanela leptoktsü, alima chubatemi pa dang tetsübutsü.