Achooru Kwondo ne Kilewen
Parweet ne ming'in ne birchini iyanik si kobendatee eng' imanit ak chamyet, ak koriibegei kaberberik.
1 1Poisyondet, achooru kwondo ne kilewen ak lagokyik, che achame eng' imanit—ma anee kityo, ago piik tugul che ngen imanit, a a v1 Ng'olyoochu “Kwondo ne kilewen ak lagokyik” ko kergei kole ibware kanisa ne mi olooto ak piik che mi. 2amu imanit ne menyei eng' acheek ak ne tebee kobootech koigeny. 3Ingotep kobootech myeeindo, rireenet, ak kaalyeet ne punu Kwandanyo ak Jeso Kristo, Weeriitap Kwandanyo, eng' imanit ak chamyet.
4Kaaboiboitu miising' ye kaanyooru lagokyuk alak che wendote eng' imanit, ko uu ye kiging'atech Kwandanyo. 5Nguno asoomin, kwondo ne achame: ma ng'atuutyet ne leel, ago nooto ne kitinye kobooch taunet—ochamyegei. 6Ni chamyet: si kebendatee eng' ng'atuutikyik. Ni ng'atuutyet, ko uu ye kigas kobooch taunet: si owendotee eng' chamyet.
7Amu kagoba ng'wony kaberberik che chaang', che ng'aanyei kole ma kanyo Jeso Kristo eng' poorto. Ni kaberberindet ak punyondetap Kristo. 8Oriipkei, si matobeeti ne kiboisyechi, ago osich melekto ne nyiitaat. 9Age tugul ne landoi, ne ma tebee eng' kaneetisyetap Kristo, ko ma tinyei Kwanda; ago ne tebee eng' kaneetiset ko tinyei Kwanda ak Weeriit tuwai. b b v9 Ngo ng'aany chii Weeriit ko kabeeti Kwanda. Mogol barwaetap Johana kole ma kimuuchi kebes icheek tuwai — ngo itebi chii eng' kaneetisyetap Jeso ko tinyei Kwanda ak Weeriinnyi tuwai. 10Ngo nyoonjin chii ne ma tinyei kaneetisyoni, metyach ineendet eng' koong'ung', anan igat, 11Amu age tugul ne gatei ineendet ko tyach kebeberta eng' poisyonikyik che yaacheen.
12Atinye che chaang' che asiire, ago kaigai amaboisyen karatasiit ak wino. Amang'u anyoon ang'alaalji togeng'ung' ak togeennyu, si konyiitaat poiboiyennyu. 13Igatin lagogap chepkamenng'ung' ne kilewen.