Küshühce No Seyo
Tsale pi kethimi la; lireko la. David chele.
Semeto cholü kecho, süsa pü la: khünelü mi lü kükrepü bi. Pu ngomuko thezhoro mhakhre khripü bi zo, mu uko jüpo mirho zo. Davide ha Po ce po die, kümütso miko mhüjü kemezi cholü pu la süte.
5 1A Po, a jüko reni süte; a panyo rünyi süte. 2I semeto füphra reni süte, a khrühi süyi ketola, a kedeo mu a Po, kükrelamori i noce kecho thizo.
3A Po, küshüh-o no afü seyo; küshüh-o i a kecho noce vorizü, mu kemerilü rechü bazo. 4Kükrelamori no mesakemolü kenü kemo ha Po zo; kesuo no züde hüyi hozo. 5Kemehamiko no mhüjüce sütha yi hozo; kesu thimiko mütü no mütsü yo. 6No kejo pomiko meka sü to; a Po thüza süyi kenyümi mu mhakedo thimiko ngokemetsü yo.
7Vele i, no jütsüjükho kekhrü shupü yolü, no kilü vorito; no khri prüde no kereshü kemesa thi mhüjülü chietü püto. 8A Po, no kemezilü a kekha süte; a jo tayi khü kebako la, a mhüjüce no chode kümüziyite. 9Kükrelamori uko talü züketsoyi nothi ta mote; uko kemeno thümao thüla zo. Uko mezhoroko mhakhre kecebi zo; uko meyilü mirho ta cüzo. 10Uko joo khipote, a Po; uko utho dorhü yolü jotahite. Uko lüda mesü kükro la hu süte, kükrelamori uko noyo lüda mesü teho. a a v10 David pü jütho süyi semeto mhotsu niece ha Poce vorisü, Pue süo bu kemo de ngode shelizo. Mesakemo müka süyi kenyüo Jisulü thotü kesü vorisü, kükrelamori Pu kemezi kümütü mu phikemezhe kümütüo zo.
11Vele noce rezhüyi kebako mütü nenü hite; uko nüde zapozale tsale thihite. No sheli uko kelü khrasüte, side no zalü kekhrümiko nolü kenüde hüyi ketola. 12Kükrelamori no, a Po, kemeziko jo tsüto; shie thibi kenüo lü uko hu püyito.
