1 Thotrinchān 8

8 ¹Benjaminna naochizai Belawui avāva̱na, kakhane Ashbel, kakathuma Aharah, ²khamate Nohah, kala kaphangā Rapha. ³Belawui naomayarabing: Addar, Gera, Abihud, ⁴Abishua, Naaman, Ahoah, ⁵Gera, Shephuphan, kala Huram. ⁶Hibing hi Ehudwui naomayarabingna, Gebali kapāna mibingwui avāva̱ ngarā shimkhurwui wungva̱bing, kala Manahathli tukvā kahaibingna: ⁷Naaman, Ahijah, kala Gera. Gerana athumli tukvāhaowa, kala ana Uzza eina Ahihudwui avāva̱na.

⁸Shaharaimna apreiva̱ Hushim eina Baarali chihovā kahaiwui thili, Moab ngaleili naomayara pharai. ⁹Awui preiva̱ Hodeshna kapharā Jobab, Zibia, Mesha, Malcam, ¹⁰Jeuz, Sachia, kala Mirmah. Hibing hi awui naomayarabing, avāva̱ ngarā shimkhurwui wungva̱bingna. ¹¹Awui preiva̱ Hushimna Abitub eina Elpaalli pharai. ¹²Elpaalwui naomayarabing chi Eber, Misham, kala Shemed hoi; athumna Ono, kala Lod chiwui kha̱bing eina ngasoda sākhui, ¹³Beriah eina Shemana Aijalon kapama mibingwui avāva̱ ngarā shimkhurwui wungva̱bingna; athumna Gath kapāna mibingli kashamshoka. ¹⁴Ahio, Shashak, Jeremoth, ¹⁵Zebadiah, Arad, Eder, ¹⁶Michael, Ishpah, kala Johana Beriahwui naomayarabingna. ¹⁷Zebadiah, Meshullam, Hizki, Heber, ¹⁸Ishmerai, Izliah, kala Jobab hi Elpaalwui naomayarabingna. ¹⁹Jakim, Zichri, Zabdi, ²⁰Eliena-i, Zillethai, Eliel, ²¹Adaiah, Beraiah, kala Shimrath hi Shime-iwui naomayarabingna. ²²Ishpan, Eber, Eliel, ²³Abdon, Zichri, Hanan, ²⁴Hananiah, Elam, Anthothijah, ²⁵Iphdeiah, kala Penuel hi Shashakwui naomayarabingna. ²⁶Shamsherai, Shehariah, Athaliah, ²⁷Jaareshiah, Elijah, kala Zichri hi Jerohamwui naomayarabingna. ²⁸Athum hi avāva̱ ngarā shimkhurwui wungva̱bing kala kathānabing, athumwui thot-thotwui athishurda kapisangserhai; kala athum Jerusalemli pama.

²⁹Gibeonshavā chi Gibeonli pamsai. Apreiva̱wui ming Maacah hoi, ³⁰kala awui naochizai naomayara Abdon, chiwui thili Zur, Kish, Baal, Nadab, ³¹Gedor, Ahio, kala Zecher. ³²Miklothna Shime-ahwui avāva̱na. Athum hila athumwui theisābingli ngasoda Jerusalemli pama.

³³Nerna Kishli pharai, Kishna Saulli pharai, kala Saulna Jonathan, Malchishua, Abinadab kala Eshbaalli pharai. ³⁴Jonathanwui naomayara chi Merib-baal hoi; kala Merib-baalna Micahli pharai. ³⁵Micahwui naomayarabing: Pithon, Melech, Tahre-a, kala Ahaz. ³⁶Ahazna Jehoaddahwui avāva̱na, Jehoaddahna Alemeth, Azmaveth kala Zimrili pharai. Zimrina Mozali pharai. ³⁷Mozana Bine-awui avāva̱na; awui naomayara Raphah, awui naomayara Ele-asah, kala awui naomayara Azel. ³⁸Azelwui naomayarabing tharuk chi hi: Azrikam, Bocheru, Ishmael, She-ariah, Obadiah eina Hanan; athum saikora Azelwui naomayarabingna. ³⁹Awui achinā Eshekwui naomayarabing: naochizai Ulam, kakhane Jeush, kala kakathuma Eliphelet. ⁴⁰Ulamwui naomayarabing rai kapingabing, malā kasing kathembing china; athumwui naomayara kala ara̱ngarā kachungkha leisai; athum saikora shākha hangphangāna. Athum saikora hi Benjaminwui naomayarabingna.