1 நாளாகமம் 8

8 ¹பென்யமீன் பெற்ற பிள்ளைகள்: அவனுடைய முதற்பேறான பேலா, இரண்டாவது அஸ்பேல், மூன்றாவது அகரா, ²நான்காவது நோகா, ஐந்தாவது ராப்பா என்பவர்களே. ³பேலாவுக்கு இருந்த குமாரர்கள்: அத்தார், கேரா, அபியூத், ⁴அபிசூவா, நாகமான், அகோவா, ⁵கேரா, செப்புப்பான், ஊராம் என்பவர்களே. ⁶கேபாவின் குடிகளுக்கு வம்சத்தலைவர்களாயிருந்து மனாகாத்துக்குச் சிறைப்பட்டுப் போன ஏகூதின் குமாரர்கள் இவர்களே: ⁷நாகமான், அகியா, கேரா என்பவர்களே; அவர்களைச் சிறைப்படுத்திக் கொண்டுபோன கேரா, ஊசாவையும் அகியூதையும் பெற்றான்.

⁸சகராயீம் தன் மனைவிகளாகிய ஊசீமையும் பாராளையும் அனுப்பிவிட்ட பிறகு, மோவாப் தேசத்தில் பிள்ளைகளைப் பெற்றான். ⁹அவன் தன் மனைவியாகிய ஓதேசினிடத்தில் யோபாபையும், சீபியாவையும், மேசாவையும், மல்காமையும், ¹⁰எயூசையும், சகியாவையும், மிர்மாவையும் பெற்றான்; இவர்களே அவனுடைய குமாரர்கள், குடும்பத் தலைவர்களே. ¹¹அவன் ஊசீமினிடத்தில் அபிதூபையும் எல்பாலையும் பெற்றான். ¹²எல்பாலின் குமாரர்கள்: ஏபேர், மிஷாம், சேமேத் என்பவர்களே; இவனே ஓனோவையும், லோதையும் அதைச் சூழ்ந்த ஊர்களையும் கட்டினான். ¹³பெரீகாவும் சேமாவும் ஆயலோன் குடிகளின் குடும்பத் தலைவர்களாயிருந்தார்கள்; இவர்களே காத்தின் குடிகளைத் துரத்திவிட்டார்கள். ¹⁴அகியோ, சாசாக், எரிமோத், ¹⁵செபதியா, ஆராத், ஏதேர், ¹⁶மிகாயேல், இஸ்பா, யோகா என்பவர்கள் பெரீகாவின் குமாரர்களே. ¹⁷செபதியா, மெசுல்லாம், இஸ்கி, ஏபேர், ¹⁸இஷ்மேராயி, இஸ்லியா, யோபாப் என்பவர்கள் எல்பாலின் குமாரர்களே. ¹⁹யாக்கீம், சிக்ரி, சப்தி, ²⁰எலியேனாய், சில்தாய், எலியேல், ²¹அதாயா, பெராயா, சிம்ராத் என்பவர்கள் சிமியின் குமாரர்களே. ²²இஸ்பான், ஏபேர், எலியேல், ²³அப்தோன், சிக்ரி, ஆனான், ²⁴அனனியா, ஏலாம், அந்தோதியா, ²⁵இப்தெயா, பெனூயேல் என்பவர்கள் சாசாக்கின் குமாரர்களே. ²⁶சம்சேராயி, செகரியா, அத்தலியா, ²⁷யாரேசியா, எலியா, சிக்ரி என்பவர்கள் எரோகாமின் குமாரர்களே. ²⁸இவர்கள் தங்கள் வம்சாவளியின்படி பதிவுசெய்யப்பட்ட குடும்பத் தலைவர்களும் பிரதானிகளுமாயிருந்தார்கள்; இவர்கள் எருசலேமில் குடியிருந்தார்கள்.

²⁹கிபியோனிலே கிபியோனின் தகப்பன் குடியிருந்தான்; அவனுடைய மனைவியின் பெயர் மாக்காள். ³⁰அவனுடைய முதற்பேறான குமாரன் அப்தோன், பின்பு சூர், கீஸ், பாகால், நாதாப், ³¹கேதோர், அகியோ, சேகேர் என்பவர்களே. ³²மிக்லோத் சிமியாமைப் பெற்றான். இவர்களும் தங்கள் சகோதரரோடேகூட எருசலேமில் அவர்களுக்கு எதிராகக் குடியிருந்தார்கள்.

³³நேர் கீசைப் பெற்றான், கீஸ் சவுலைப் பெற்றான், சவுல் யோனத்தானையும், மல்கிசூவாவையும், அபினதாபையும், எஸ்பாலையும் பெற்றான். ³⁴யோனத்தானின் குமாரன் மேரிபால்; மேரிபால் மீகாவைப் பெற்றான். ³⁵மீகாவின் குமாரர்கள்: பித்தோன், மேலேக், தரேயா, ஆகாஸ் என்பவர்களே. ³⁶ஆகாஸ் யோகதாவைப் பெற்றான், யோகதா ஆலெமேத்தையும், அஸ்மாவேத்தையும், சிம்ரியையும் பெற்றான்; சிம்ரி மோசாவைப் பெற்றான். ³⁷மோசா பினியாவைப் பெற்றான்; இவனுடைய குமாரன் ராப்பா, இவனுடைய குமாரன் எலியாசா, இவனுடைய குமாரன் ஆத்சேல். ³⁸ஆத்சேலுக்கு ஆறு குமாரர்கள் இருந்தார்கள்; அவர்களுடைய பெயர்கள்: அஸ்ரீக்காம், போகிரூ, இஸ்மவேல், செகரியா, ஒபதியா, ஆனான் என்பவர்களே; இவர்கள் அனைவரும் ஆத்சேலின் குமாரர்கள். ³⁹அவனுடைய சகோதரனாகிய ஏசேக்கின் குமாரர்கள்: அவனுடைய முதற்பேறான ஊலாம், இரண்டாவது எயூஷ், மூன்றாவது எலிப்பேலேத் என்பவர்களே. ⁴⁰ஊலாமின் குமாரர்கள் வில்லை நன்றாய் வளைக்கத் தேர்ச்சிபெற்ற பலசாலிகளான போர்வீரராயிருந்தார்கள்; அவர்களுக்கு அநேக குமாரர்களும் பேரப்பிள்ளைகளும் இருந்தார்கள்; மொத்தம் நூற்றைம்பதுபேர். இவர்கள் அனைவரும் பென்யமீனின் குமாரர்களே.