1 Kronika 8

8 ¹Benjamini bí Bela àkọ́bí rẹ̀, Ashbeli èkejì, Ahara ẹ̀kẹta, ²Noha ẹ̀kẹrin, àti Rafa ẹ̀karùn-ún. ³Bela ní àwọn ọmọ: Addari, Gera, Abihudi, ⁴Abiṣua, Naamani, Ahoa, ⁵Gera, Ṣefufani, àti Huramu. ⁶Wọ̀nyí ni àwọn ọmọ Ehudi—àwọn olórí ìdílé lórí àwọn olùgbé Geba, tí a kó ní ìgbèkùn lọ sí Manahati: ⁷Naamani, Ahijah, àti Gera—Gera ni ó kó wọn ní ìgbèkùn—ó sì bí Ussa àti Ahihudi.

⁸Ṣaharaimu bí àwọn ọmọ ní ilẹ̀ Moabu lẹ́yìn tí ó ti lé àwọn aya rẹ̀ Huṣimu àti Baara lọ. ⁹Nípasẹ̀ Hodeṣi aya rẹ̀ ó bí Jobabu, Sibia, Meṣa, Malkamu, ¹⁰Jeusi, Sakia, àti Mirma. Wọ̀nyí ni àwọn ọmọ rẹ̀, àwọn olórí ìdílé. ¹¹Nípasẹ̀ Huṣimu ó bí Abitubu àti Elpaali. ¹²Àwọn ọmọ Elpaali: Eberi, Miṣamu, àti Ṣemedi, ẹni tí ó kọ́ Ono àti Lodu pẹ̀lú àwọn ìlú tí ó yí i ká, ¹³Beria àti Ṣema ni àwọn olórí ìdílé àwọn olùgbé Aijaloni; wọ́n sì lé àwọn olùgbé Gati jáde. ¹⁴Ahio, Ṣaṣaki, Jeremoti, ¹⁵Sebadiah, Aradi, Ederi, ¹⁶Mikaeli, Iṣpa, àti Joha ni àwọn ọmọ Beria. ¹⁷Sebadiah, Meṣullamu, Hiski, Heberi, ¹⁸Iṣmerai, Isliah, àti Jobabu ni àwọn ọmọ Elpaali. ¹⁹Jakimu, Sikri, Sabdi, ²⁰Elienai, Silletai, Elieli, ²¹Adaiah, Beraiah, àti Ṣimrati ni àwọn ọmọ Ṣimei. ²²Iṣpani, Eberi, Elieli, ²³Abdoni, Sikri, Hanani, ²⁴Hananiah, Elamu, Antotijah, ²⁵Ifdeiah, àti Penueli ni àwọn ọmọ Ṣaṣaki. ²⁶Ṣamṣerai, Ṣehariah, Ataliah, ²⁷Jaareṣiah, Elijah, àti Sikri ni àwọn ọmọ Jerohamu. ²⁸Wọ̀nyí ni àwọn olórí ìdílé àti àwọn olóyè, tí a kọ sílẹ̀ nínú ìtàn ìran wọn; wọ́n sì ń gbé ní Jerusalemu.

²⁹Ní Gibeoni ni baba Gibeoni ń gbé, ẹni tí a ń pe orúkọ aya rẹ̀ ní Maaka, ³⁰ọmọ àkọ́bí rẹ̀ sì ni Abdoni, lẹ́yìn náà Suri, Kiṣi, Baali, Nadabu, ³¹Gedori, Ahio, àti Sekeri. ³²Mikloti bí Ṣimea. Àwọn wọ̀nyí pẹ̀lú ń gbé lẹ́gbẹ̀ẹ́ àwọn ẹbí wọn ní Jerusalemu.

³³Neri bí Kiṣi, Kiṣi bí Saulu, Saulu sì bí Jonatani, Malki-ṣua, Abinadabu, àti Eṣbaali. ³⁴Ọmọ Jonatani ni Meribu-baali, Meribu-baali sì bí Mika. ³⁵Àwọn ọmọ Mika: Pitoni, Meleki, Tarea, àti Ahasi. ³⁶Ahasi bí Jehoadda, Jehoadda bí Alemeti, Asmaweti, àti Simri, Simri sì bí Mosa. ³⁷Mosa bí Binea; Rafa ni ọmọ rẹ̀, Eleasa ọmọ rẹ̀, Aseli ọmọ rẹ̀. ³⁸Àwọn ọmọ Aseli mẹ́fà: Asrikamu, Bokeru, Iṣmaeli, Ṣeariah, Obadiah, Hanani—gbogbo wọn ni àwọn ọmọ Aseli. ³⁹Àwọn ọmọ Eṣeki arákùnrin rẹ̀: Ulamu àkọ́bí rẹ̀, Jeuṣi èkejì, àti Elifeleti ẹ̀kẹta. ⁴⁰Àwọn ọmọ Ulamu jẹ́ akíkanjú jagunjagun, àwọn ọlọ́gbọ́n tafàtafà, tí wọ́n ní ọ̀pọ̀lọpọ̀ ọmọ àti ọmọ-ọmọ—àpapọ̀ àádọ́jọ. Gbogbo àwọn wọ̀nyí ni àwọn ọmọ Benjamini.