Apam Chi Hāngchithei; Davidna Khorumshim Vang Ngarān
Davidna lanpum chi Ishavāwui shim sākhavai apam da hāngshokhaowa, chieina nganuida makharānglaga naomayarawui vang lung, ngasāk, bronze kala cedarthing ngarānsangda awui pangshap saikora zatthuihaowa. Amāngna khiwui vang masāpaimara kaji chi ana phungkhavāi eina hānga: ana ashee kachungkha tāngasakhaira.
22 1Davidna hānga, "Hi ithumwui Avāwui shimna, kala Israelwui vang rikkatā kachigatwui hanphut hina."
2Davidna Israelli khalei yur kateibingli kazipkhui khavai kasoi, chieina ithumwui Avāwui shim sākhavai ngalung kasing kahar khavai ngalung kaharbingli phāsanga. 3Davidna khamong khāmongwui yotpi kala semkhuiwui vang mari mavātla ngarān sai, kala pithraila kharit onshaptheikhamāng mavātla ngarāna, 4kala cedarthing mashānrarmana, kaja Sidonnaobing kala Tyrewui mibingna Davidli cedarthing mavātla khuiungmi. 5Kaja Davidna hānga, "Inaomayara Solomon yaronnao sāda ning makāshungranga, kala ithumwui Avā vang sākahai shim chi kachangkhat eina hakkhamahā, mingkhamahā, kala ngalei kachida tekhamateina khavai ngasāphalungra. Ina chiwui vang ngarān sali." Chiwui vang eina Davidna mathiranglakha eina ngarān kachungkha ngarān sai.
6Chieina ana anaomayara Solomonli hokhuida Israelwui ithumwui Avā vang shim sākhavai ali kasoi. 7Davidna Solomonli hānga, "Inaomayara, ina iwui Avāwui ming vang shim sākhavai iningli phaninga.
8Ithumwui Avāwui tui china ili rāhānga: 'Nana ashee kachungkha tāngasaka, kala rai kachungkha ngararhaira. Nana iwui ming vang shim masāmara, kaja nana imangāli okathuili ashee kachungkha tāngasakhaira.'
9Nali naomayara akha pharāra; ana ngasāmkakhui kasā mi akha ngasāra; ana kuinam khalei awui yangkashe saikorawui eina ina ali ngasāmkakhui mira. Awui ming Solomon hora; awui atamli ina Israelli chingri kahai kala va̱ri kahai mira. a a v9 Solomon ming hi chingri kahai da ningmi—awui khamung eina ithumwui Avāna mira da hāngkahai ngasāmkakhui kala va̱ri kahaina. 10Ana iwui ming vang shim sāra. Ana iwui naomayara ngasāra, kala ina awui avā sāra. Israellungli awui wungpamkhong chi mashimānla ina nganingshing ngasakra. 11Ara, inaomayara, ithumwui Avāna nali ngasomiranu, chieina ana nawui pongli hāngkahai athishurda, na okthuida nawui Avāwui shim chi sāshapra. 12Kha ithumwui Avāna nali Israeltungwui kashina sāngasak tharan nawui Avāwui ain mayon khavai thangkhamei kala theishingkakhui ngarumsangmiranu. 13Chieina, ithumwui Avāna Israelwui vang Mosesli kaso kahai shiyan-chikan kala sharphahor chi nana ningsanglak eina mayonakha, na okthuira. Pingmeida sālu, lungsanmeilu. Mangacheealu lah ningla masuitāhaialu. 14Yanglu, khameikahai pangshap eina ina ithumwui Avāwui shim vang sinā ton thingmati shakha, lupāsā ton thinghangthum kala thingmati shakha, kala pithrai kala mari kharit onshaptheikhamāng, mavātla ngarān sai. Ina thing kala ngalungla ngarān sai; nana chili mataisangra. 15Nala otkasā mi kachungkha lei: ngalung kaharbing, ngalung mistribing, thing mistribing, kala ot yur saikorali them kathema mibing kachungkha lei. 16Sinā, lupāsā, pithrai, kala marili them kathema mashānrarmana. Ngakarthuida ot sālu; ithumwui Avāna nali ngasomiranu."
17Davidna Israelwui akhokabing saikorali anaomayara Solomonli ngachonmi khavai kasoda hānga,
18"Nathumwui Avā nathumli ngasodalei maningmala? Ana nathumli achikun kachiva̱li ngasāmkhui ngasaka maningmala? Kaja ana ngalei chiwui mibingli iwui pāngli horsangmi kahaina, kala ngalei chi ithumwui Avā kala awui mibingwui mangāli yuikhuihaira. 19Ara nathumwui wuklung kala manglā tongda nathumwui Avāli phālu. Ngakarthuilu; awui tuingashit oko kala awui kathara khorkhongbing awui ming leikhavai sākahai shimli khuiung khavai, ithumwui Avāwui kathara shim sākālu."
