ସ୍ଥାନ ଘୋଷଣା; ଦାଉଦ ମନ୍ଦିର ନିମନ୍ତେ ପ୍ରସ୍ତୁତ ହୁଅନ୍ତି

ଦାଉଦ ସେହି ଖଳାକୁ ଆମ ପିତାଙ୍କ ଗୃହର ସ୍ଥାନ ବୋଲି ଘୋଷଣା କରନ୍ତି, ତାʼପରେ ନିଜର ଶେଷ ଶକ୍ତି ଜଣେ ଯୁବକ ଓ ଅପରୀକ୍ଷିତ ପୁତ୍ର ପାଇଁ ପଥର, ଲୁହା, ପିତ୍ତଳ ଓ ଏରସ କାଠ ସଞ୍ଚୟ କରିବାରେ ବିତାନ୍ତି। ସେ ନିଜେ କାହିଁକି ଏହା ନିର୍ମାଣ କରିପାରିବେ ନାହିଁ ସେ ବିଷୟରେ ସେ ଖୋଲାଖୋଲି କହନ୍ତି: ସେ ଅତ୍ୟଧିକ ରକ୍ତପାତ କରିଛନ୍ତି।

ଅଧ୍ୟାୟ 22।

ଦାଉଦ କହିଲେ, “ଏହା ଆମ୍ଭମାନଙ୍କ ପିତାଙ୍କ ଗୃହ, ଓ ଏହା ଇସ୍ରାଏଲ ନିମନ୍ତେ ହୋମବଳିର ବେଦି।”

ଦାଉଦ ଇସ୍ରାଏଲରେ ଥିବା ବିଦେଶୀମାନଙ୍କୁ ଏକତ୍ର କରିବା ନିମନ୍ତେ ଆଜ୍ଞା ଦେଲେ, ପୁଣି ଆମ୍ଭମାନଙ୍କ ପିତାଙ୍କ ଗୃହ ନିର୍ମାଣ ନିମନ୍ତେ ଗଢ଼ା ପଥର କାଟିବାକୁ ପ୍ରସ୍ତରଖୋଦକମାନଙ୍କୁ ନିଯୁକ୍ତ କଲେ। ଦାଉଦ ଦ୍ଵାରକବାଟର କଣ୍ଟା ଓ ଅଣ୍ଟା ନିମନ୍ତେ ପ୍ରଚୁର ଲୁହା, ପୁଣି ତୌଲିବା ଅସାଧ୍ୟ ପ୍ରଚୁର ପିତ୍ତଳ ଯୋଗାଇଲେ, ଆଉ ଗଣନା କରିବା ଅସାଧ୍ୟ ଏରସ କାଷ୍ଠ ଯୋଗାଇଲେ, କାରଣ ସୀଦୋନୀୟ ଓ ସୋରୀୟମାନେ ଦାଉଦଙ୍କ ନିକଟକୁ ପ୍ରଚୁର ଏରସ କାଠ ଆଣିଲେ। କାରଣ ଦାଉଦ କହିଲେ, “ମୋହର ପୁତ୍ର ଶଲୋମନ ବାଳକ ଓ ଅନଭିଜ୍ଞ, ପୁଣି ଆମ୍ଭମାନଙ୍କ ପିତାଙ୍କ ନିମନ୍ତେ ନିର୍ମିତ ଗୃହ ପ୍ରତ୍ୟେକ ଦେଶରେ ନିତାନ୍ତ ବୃହତ, ପ୍ରସିଦ୍ଧ ଓ ମହିମାମୟ ହେବା ଆବଶ୍ୟକ। ମୁଁ ଏଥିନିମନ୍ତେ ପ୍ରସ୍ତୁତ କରିବି।” ଅତଏବ ଦାଉଦ ଆପଣା ମୃତ୍ୟୁ ପୂର୍ବରୁ ପ୍ରଚୁର ସାମଗ୍ରୀ ସଞ୍ଚୟ କଲେ।

ତତ୍ପରେ ସେ ଆପଣା ପୁତ୍ର ଶଲୋମନଙ୍କୁ ଡାକି ଇସ୍ରାଏଲର ଆମ୍ଭମାନଙ୍କ ପିତାଙ୍କ ନିମନ୍ତେ ଗୃହ ନିର୍ମାଣ କରିବାକୁ ଆଦେଶ ଦେଲେ। ଦାଉଦ ଶଲୋମନଙ୍କୁ କହିଲେ, “ହେ ମୋହର ପୁତ୍ର, ମୋହର ପିତାଙ୍କ ନାମ ନିମନ୍ତେ ଏକ ଗୃହ ନିର୍ମାଣ କରିବାକୁ ମୋʼ ମନରେ ଥିଲା।

ମାତ୍ର ଆମ୍ଭମାନଙ୍କ ପିତାଙ୍କ ବାକ୍ୟ ମୋʼ ନିକଟରେ ଉପସ୍ଥିତ ହେଲା, ‘ତୁମ୍ଭେ ବହୁତ ରକ୍ତପାତ କରିଅଛ ଓ ମହାଯୁଦ୍ଧ କରିଅଛ। ତୁମ୍ଭେ ଆମ୍ଭ ନାମ ନିମନ୍ତେ ଗୃହ ନିର୍ମାଣ କରିବ ନାହିଁ, କାରଣ ତୁମ୍ଭେ ଆମ୍ଭ ସମ୍ମୁଖରେ ପୃଥିବୀ ଉପରେ ଏତେ ରକ୍ତପାତ କରିଅଛ।’

ଦେଖ, ତୁମ୍ଭର ଏକ ପୁତ୍ର ଜନ୍ମ ହେବ, ସେ ବିଶ୍ରାମପୁରୁଷ ହେବ; ଆମ୍ଭେ ତାହାର ଚତୁର୍ଦ୍ଦିଗସ୍ଥିତ ସମସ୍ତ ଶତ୍ରୁଠାରୁ ତାହାକୁ ବିଶ୍ରାମ ଦେବା। ତାହାର ନାମ ଶଲୋମନ ହେବ; ଆମ୍ଭେ ତାହାର ସମୟରେ ଇସ୍ରାଏଲକୁ ଶାନ୍ତି ଓ ସୁସ୍ଥିରତା ଦେବା। ^a ସେ ଆମ୍ଭ ନାମ ନିମନ୍ତେ ଏକ ଗୃହ ନିର୍ମାଣ କରିବ। ସେ ଆମ୍ଭର ପୁତ୍ର ହେବ, ଓ ଆମ୍ଭେ ତାହାର ପିତା ହେବା। ଆମ୍ଭେ ଇସ୍ରାଏଲ ଉପରେ ତାହାର ରାଜସିଂହାସନ ଅନନ୍ତକାଳ ସ୍ଥିର କରିବା। ଏବେ, ହେ ମୋହର ପୁତ୍ର, ଆମ୍ଭମାନଙ୍କ ପିତା ତୁମ୍ଭ ସଙ୍ଗରେ ଥାଉନ୍ତୁ, ଯେପରି ତୁମ୍ଭେ କୃତକାର୍ଯ୍ୟ ହୋଇ ତୁମ୍ଭ ପିତାଙ୍କ ବିଷୟରେ ସେ କହିଥିବା ପ୍ରକାରେ ତାହାଙ୍କ ଗୃହ ନିର୍ମାଣ କର। କେବଳ, ଆମ୍ଭମାନଙ୍କ ପିତା ତୁମ୍ଭକୁ ଇସ୍ରାଏଲ ଉପରେ ଶାସନଭାର ଦେବା ବେଳେ ତୁମ୍ଭ ପିତାଙ୍କ ବ୍ୟବସ୍ଥା ପାଳନ କରିବା ନିମନ୍ତେ ତୁମ୍ଭକୁ ଜ୍ଞାନ ଓ ବୁଦ୍ଧି ଦେଉନ୍ତୁ। ତେବେ ଆମ୍ଭମାନଙ୍କ ପିତା ଇସ୍ରାଏଲ ନିମନ୍ତେ ମୋଶାଙ୍କୁ ଆଜ୍ଞା ଦେଇଥିବା ବିଧି ଓ ଶାସନ ତୁମ୍ଭେ ଯତ୍ନପୂର୍ବକ ପାଳନ କଲେ, ତୁମ୍ଭର ମଙ୍ଗଳ ହେବ। ବଳବାନ ଓ ସାହସୀ ହୁଅ। ଭୟ କର ନାହିଁ କିମ୍ବା ନିରାଶ ହୁଅ ନାହିଁ। ଦେଖ, ମୁଁ ବହୁ କଷ୍ଟରେ ଆମ୍ଭମାନଙ୍କ ପିତାଙ୍କ ଗୃହ ନିମନ୍ତେ ପ୍ରାୟ ଚାରି ହଜାର ଟନ ସୁନା, ପ୍ରାୟ ଚଉତିରିଶ ହଜାର ଟନ ରୂପା, ପୁଣି ତୌଲିବା ଅସାଧ୍ୟ ପିତ୍ତଳ ଓ ଲୁହା ଯୋଗାଇଅଛି—ତାହା ଏତେ ଅଧିକ। ମୁଁ ମଧ୍ୟ କାଷ୍ଠ ଓ ପଥର ଯୋଗାଇଅଛି; ତୁମ୍ଭେ ସେଥିରେ ଆହୁରି ମିଶାଇ ପାର। ତୁମ୍ଭ ସଙ୍ଗରେ ଅନେକ କର୍ମକାରୀ ଅଛନ୍ତି: ପ୍ରସ୍ତରଖୋଦକ, ରାଜମିସ୍ତ୍ରୀ, ବଢ଼େଇ, ଓ ପ୍ରତ୍ୟେକ କର୍ମରେ ନିପୁଣ ସମସ୍ତ ପ୍ରକାର ଶିଳ୍ପକାର। ସୁନା, ରୂପା, ପିତ୍ତଳ ଓ ଲୁହା କର୍ମରେ ଅଗଣିତ ନିପୁଣ ଲୋକ ତୁମ୍ଭ ସଙ୍ଗରେ ଅଛନ୍ତି। ଉଠି କର୍ମ କର; ଆମ୍ଭମାନଙ୍କ ପିତା ତୁମ୍ଭ ସଙ୍ଗରେ ଥାଉନ୍ତୁ।”

ଦାଉଦ ଆପଣା ପୁତ୍ର ଶଲୋମନଙ୍କୁ ସାହାଯ୍ୟ କରିବା ନିମନ୍ତେ ଇସ୍ରାଏଲର ସମସ୍ତ ଅଧିପତିଙ୍କୁ ମଧ୍ୟ ଆଜ୍ଞା ଦେଇ କହିଲେ,

“ତୁମ୍ଭମାନଙ୍କ ପିତା କି ତୁମ୍ଭମାନଙ୍କ ସଙ୍ଗରେ ନାହାନ୍ତି? ସେ କି ତୁମ୍ଭମାନଙ୍କୁ ଚତୁର୍ଦ୍ଦିଗରେ ବିଶ୍ରାମ ଦେଇ ନାହାନ୍ତି? କାରଣ ସେ ଏହି ଦେଶର ଲୋକମାନଙ୍କୁ ମୋʼ ହସ୍ତରେ ସମର୍ପଣ କରିଅଛନ୍ତି, ପୁଣି ଏହି ଦେଶ ଆମ୍ଭମାନଙ୍କ ପିତା ଓ ତାହାଙ୍କ ଲୋକଙ୍କ ସମ୍ମୁଖରେ ବଶୀଭୂତ ହୋଇଅଛି। ଏବେ ତୁମ୍ଭମାନଙ୍କ ପିତାଙ୍କର ଅନ୍ଵେଷଣ କରିବା ନିମନ୍ତେ ଆପଣା ଆପଣା ଚିତ୍ତ ଓ ପ୍ରାଣ ନିବେଶ କର। ଉଠ, ଆଉ ଆମ୍ଭମାନଙ୍କ ପିତାଙ୍କ ଧର୍ମଧାମ ନିର୍ମାଣ କର, ଯେପରି ତାହାଙ୍କ ନାମ ନିମନ୍ତେ ନିର୍ମିତ ଗୃହକୁ ତାହାଙ୍କ ନିୟମ-ସିନ୍ଦୁକ ଓ ତାହାଙ୍କ ପବିତ୍ର ପାତ୍ରସମୂହ ଆଣି ପାର।”