Kün Mangh Libü Shuong Tegü Kikei
Angbü chia che.
Longeibü küksithang shuongei laukei, chem to longeibü kho mangh libü tegü kikei hoba haoeneibü tong olinbüei shenkei—kheijinei haoenei seneibü Bou to thu aeibou kümetbü ngakei, Negeba shumang dei longeibü tegü. Tou shanga thekubü kho nyeksi yoa lilibü shuongei youthep künlangan chem to longeilabü dogo ki.
126 1Ladang seneibü Bouei Zion thu kümetkukei, kün mangh libü shuong tegü kikei. 2Kheijinei seneibü sembung nyibüei shenkei, hoba seneibü tongde olinbü ngekbüei shenkei; kheijinei phangshuong yoa laueikei, “Bunyubouei haoen to kümsilei yaang kümbei.” 3Seneibü Bouei kün to kümsilei yaang kümbei; kün olinbüei shenkei.
4O seneibü Abou, seneibü thu Negeba shumang dei tegü kümetkushi. a a v4 Negeb kho Israel yungkük aenei kibü chanepbü woklong ki, lanei aeto ka dei lotbü phaia dei akibü shumang shuong tongdetham deiei shenda — kho thu tongdetham sepeian longeibü tetsibü che ki. 5Nyeksi yoa keaongbü shuongei olinbü ngekbü yoa latlabü. 6Aoyouei lilabü sek neimok künan haapbo haulaje, haoei maimaitham olinbü ngekbü yoa youthep shuong künlangan chem to longeilabü.
