داوودون نئجات اوچون فریادی
موسئقی رهبری اوچون. تللی آلَتلرله. داوودون بئر حئکمت مزمورو، او واخت کی، زئفلی‌لر شاعولون یانینا گدئب ددئلر: «مگر داوود بئزئم آرامیزدا گئزلنمه‌یئب؟»
زئفلی‌لر تزه‌جه داوودو شاعولا تسلئم اتمَیی تکلئف اتمئشدئلر. دوعاسی قیسا و ساده‌دئر — آدینلا منه نئجات ور — و بئر ثابئت ائدّئعادا قرار توتور: دوغرودان دا، آتام منئم کؤمکچئمدئر، حیاتیمی ساخلایاندیر.
54 1ای آتام، آدینلا منه نئجات ور، و قودرتئنله حاقّیمی آل. 2ای آتام، دوعامی اشئت؛ آغزیمین سؤزلرئنه قولاق آس. 3چونکی یاد آداملار منئم ضئدّئمه قالخیب، رحمسئز آداملار منی اؤلدورمک ائسته‌یئرلر؛ اونلار آتامیزی نظره آلمازلار.
4دوغرودان دا، آتام منئم کؤمکچئمدئر؛ آغا آتا منئم حیاتیمی ساخلایاندیر. 5او، پئسلئیی منه کمئن ادنلرئن اوستونه قایتاراجاق؛ وفادارلیغینلا اونلاری یوخ ات. 6اؤز گؤیلو ائله سنه قوربان کسه‌جه‌یم؛ آدینا حمد اده‌جه‌یم، ای آتام، چونکی یاخشی‌دیر. 7چونکی او، منی هر دارلیقدان قورتاردی، و دوشمنلرئمئن اوستونه ظفر ائله باخدیم.
