1 ዜና መዋዕል 28

28 ¹ዳዊትም የእስራኤልን አለቆች ሁሉ በኢየሩሳሌም ሰበሰበ፤ የነገዶቹን አለቆች፣ ንጉሡን የሚያገለግሉትን የየክፍሉ አዛዦች፣ የሺህ አለቆችና የመቶ አለቆች፣ የንጉሡንና የልጆቹን ንብረትና ከብት ሁሉ የሚጠብቁ መጋቢዎች፣ ከቤተ መንግሥት ሹማምንት፣ ኀያላን ሰዎችና ጀግኖች ተዋጊዎች ሁሉ ጋራ ሰበሰበ። ²ንጉሥ ዳዊትም ቆሞ እንዲህ አለ፤ “ወንድሞቼና ሕዝቤ ሆይ፣ ስሙኝ። ለአባታችን ኪዳን ታቦት፣ ለእግሮቹም መረገጫ የሚሆን ማረፊያ ቤት ልሠራ በልቤ ነበር፤ ለመሥራትም ተዘጋጀሁ። ³አባታችን ግን፣ ‘ደም ያፈሰስህ የጦር ሰው ስለ ሆንህ ለስሜ ቤት አትሠራም’ አለኝ። ⁴ነገር ግን የእስራኤል አባታችን ከአባቴ ቤት ሁሉ መርጦ በእስራኤል ላይ ለዘላለም እንድነግሥ አደረገኝ፤ አባታችን ይሁዳን ለመሪነት መርጧልና፣ በይሁዳም ቤት ውስጥ የአባቴን ቤት መረጠ፤ ከአባቴም ልጆች መካከል በመላው እስራኤል ላይ ንጉሥ ሊያደርገኝ ወደደ። ⁵ከልጆቼም ሁሉ መካከል — አባታችን ብዙ ልጆች ሰጥቶኛልና — ልጄ ሰሎሞንን በእስራኤል ላይ በአባታችን መንግሥት ዙፋን እንዲቀመጥ መረጠው። ⁶እንዲህም አለኝ፤ ‘ልጅህ ሰሎሞን ቤቴንና አደባባዮቼን ይሠራል፤ ልጄ ይሆን ዘንድ መርጬዋለሁና፤ እኔም አባት እሆነዋለሁ።’ ⁷ትእዛዞቼንና ፍርዶቼን ለመጠበቅ ዛሬ እንደሚያደርገው ጸንቶ ቢኖር፣ መንግሥቱን ለዘላለም አጸናለሁ።

⁸“እንግዲህ አሁን በእስራኤል ሁሉ ፊት፣ በአባታችን ጉባኤ ፊት፣ እርሱም እየሰማ፣ ይህችን መልካም ምድር እንድትወርሱ፣ ከእናንተም በኋላ ለልጆቻችሁ ለዘላለም እንድታወርሱ የአባታችሁን ትእዛዝ ሁሉ ጠብቁ፤ ፈልጉም። ⁹አንተም ልጄ ሰሎሞን ሆይ፣ የአባትህን አምላክ እወቅ፤ በፍጹም ልብና በፈቃደኛ አእምሮም አገልግለው፤ አባታችን ልብን ሁሉ ይመረምራልና፣ የሐሳብንም አሳብ ሁሉ ያስተውላል። ብትሻው ታገኘዋለህ፤ ብትተወው ግን ለዘላለም ይጥልሃል። ¹⁰አሁንም ተመልከት፤ አባታችን መቅደስ የሚሆን ቤት ትሠራ ዘንድ መርጦሃልና። በርታ፤ አድርግም።”

¹¹ዳዊትም ለልጁ ለሰሎሞን የቤተ መቅደሱን መመላለሻ፣ ሕንጻዎቹን፣ መዛግብቱን፣ ሰገነቶቹን፣ የውስጥ ክፍሎቹንና የስርየት መክደኛ ክፍልን ንድፍ ሰጠው፤ ^a a v11 የስርየት መክደኛ የኪዳኑ ታቦት ከጥሩ ወርቅ የተሠራ መክደኛ ሲሆን፣ የእግዚአብሔር መገኘት በሚኖርበት በቅድስተ ቅዱሳን ውስጥ ይቀመጥ ነበር። ¹²ስለ አባታችን ቤት አደባባዮች፣ በዙሪያው ስላሉ ክፍሎች ሁሉ፣ ስለ ቤቱ መዛግብትና ስለ ተቀደሱት ስጦታዎች መዛግብት በልቡ ያሰበውን ሁሉ ንድፍም ሰጠው፤ ¹³ስለ ካህናትና ሌዋውያን ክፍሎች፣ በአባታችን ቤት ስለሚደረግ የአገልግሎት ሥራ ሁሉ፣ በቤቱም ውስጥ ስለሚያገለግሉ ዕቃዎች ሁሉ ንድፍ ሰጠው። ¹⁴ለእያንዳንዱ ዓይነት አገልግሎት ለሚሆን ለእያንዳንዱ የወርቅ ዕቃ በሚዛን ወርቅ ሰጠ፤ ለእያንዳንዱ ዓይነት አገልግሎት ለሚሆን ለእያንዳንዱ የብር ዕቃም በሚዛን ብር ሰጠ። ¹⁵ለወርቅ መቅረዞችና ለወርቅ መብራቶቻቸው የሚሆነውን ሚዛን፣ ለእያንዳንዱ የወርቅ መቅረዝና ለመብራቶቹ የሚሆነውን የወርቅ ሚዛን፣ ለእያንዳንዱ የብር መቅረዝና ለመብራቶቹም እንደ እያንዳንዱ መቅረዝ አገልግሎት የሚሆነውን የብር ሚዛን ሰጠ። ¹⁶ለእያንዳንዱ የገጸ ኅብስት ጠረጴዛ የሚሆነውን የወርቅ ሚዛን፣ ለብር ጠረጴዛዎችም የሚሆነውን ብር ሰጠ። ^b b v16 የገጸ ኅብስት (የመሥዋዕት ኅብስት ተብሎም ይጠራል) በቤተ መቅደሱ ውስጥ በጠረጴዛ ላይ በእግዚአብሔር ፊት የሚቀርቡ፣ በየሰንበቱም በካህናት የሚለወጡ ዐሥራ ሁለት የተቀደሱ እንጀራዎች ነበሩ። ¹⁷ሹካዎቹን፣ ሳሕኖቹንና ማሰሮዎቹን ከጥሩ ወርቅ፣ ለእያንዳንዱ የወርቅ ዝርግ ሳሕን የሚሆነውን ሚዛን፣ ለእያንዳንዱ የብር ዝርግ ሳሕንም የሚሆነውን ሚዛን ሰጠ፤ ¹⁸ለዕጣን መሠውያ የሚሆነውን የነጠረ ወርቅ በሚዛን፣ ለሠረገላውም ንድፍ የሚሆነውን ወርቅ ሰጠ — ይኸውም ክንፎቻቸውን ዘርግተው የአባታችንን የኪዳን ታቦት የሚሸፍኑ ኪሩቤል ናቸው። ¹⁹ዳዊትም፣ “ይህ ሁሉ የንድፉን ዝርዝር ሁሉ እንዳስተውል ካደረገኝ ከአባታችን እጅ በጽሑፍ የተሰጠኝ ነው” አለ።

²⁰ዳዊትም ልጁን ሰሎሞንን እንዲህ አለው፤ “በርታ፤ አይዞህ፤ ሥራውንም አከናውን። አባቴ ከአንተ ጋራ ነውና አትፍራ፤ አትጨነቅም። ለአባታችን ቤት አገልግሎት የሚሆነው ሥራ ሁሉ እስኪፈጸም ድረስ አይተውህም፤ አይጥልህም። ²¹እነሆ፣ ካህናትና ሌዋውያን ለአባታችን ቤት አገልግሎት ሁሉ ተዘጋጅተው በየክፍላቸው ተከፍለዋል። ጠቢብና ፈቃደኛ ሰው ሁሉ በማናቸውም ሥራ አብሮህ ይሆናል፤ ሹማምንቱና ሕዝቡ ሁሉ ፈጽመው ለትእዛዝህ ተገዢዎች ናቸው።”