መዝሙር 136 FHB Father's Heart Bible™

136 ¹ንኣቦና ኣመስግንዎ፥ ንሱ ሰናይ እዩ እሞ፤ ምሕረቱ ንዘለኣለም እዩ እሞ። ²ነቲ ኣብ ልዕሊ ኵሎም ኣቦታት ዘሎ ኣቦና ኣመስግንዎ፥ ምሕረቱ ንዘለኣለም እዩ እሞ። ³ነቲ ጐይታ ጐይቶት ኣመስግንዎ፥ ምሕረቱ ንዘለኣለም እዩ እሞ።

⁴ነቲ በይኑ ዓበይቲ ተኣምራት ዝገብር፥ ምሕረቱ ንዘለኣለም እዩ እሞ። ⁵ነቲ ንሰማያት ብጥበብ ዝገበረ፥ ምሕረቱ ንዘለኣለም እዩ እሞ። ⁶ነቲ ንምድሪ ኣብ ልዕሊ ማያት ዝዘርግሐ፥ ምሕረቱ ንዘለኣለም እዩ እሞ። ⁷ነቲ ዓበይቲ ብርሃናት ዝገበረ፥ ምሕረቱ ንዘለኣለም እዩ እሞ። ⁸ንፀሓይ ኣብ ልዕሊ መዓልቲ ኽትገዝእ፥ ምሕረቱ ንዘለኣለም እዩ እሞ። ⁹ንወርሕን ከዋኽብትን ኣብ ልዕሊ ለይቲ ኽገዝኡ፥ ምሕረቱ ንዘለኣለም እዩ እሞ።

¹⁰ነቲ ንግብፂ ብበዅሮም ዝወቕዐ፥ ምሕረቱ ንዘለኣለም እዩ እሞ፥ ¹¹ንእስራኤል ከዓ ካብ ማእኸሎም ዘውፅኦም፥ ምሕረቱ ንዘለኣለም እዩ እሞ፥ ¹²ብሓያል ኢድን ብዝርግሕቲ ቕልፅምን፥ ምሕረቱ ንዘለኣለም እዩ እሞ።

¹³ነቲ ቀይሕ ባሕሪ ንኽልተ ዝመቐሎ፥ ምሕረቱ ንዘለኣለም እዩ እሞ፥ ¹⁴ንእስራኤል ከዓ ብማእኸል እቲ ባሕሪ ዘሕለፈ፥ ምሕረቱ ንዘለኣለም እዩ እሞ፥ ¹⁵ንፈርዖንን ሰራዊቱን ግና ናብ ቀይሕ ባሕሪ ዝፀራረጎም፥ ምሕረቱ ንዘለኣለም እዩ እሞ።

¹⁶ነቲ ንህዝቡ ብምድረ በዳ ዝመርሐ፥ ምሕረቱ ንዘለኣለም እዩ እሞ።

¹⁷ነቲ ንዓበይቲ ነገስታት ዝወቕዐ፥ ምሕረቱ ንዘለኣለም እዩ እሞ፥ ¹⁸ንሓያላት ነገስታት ከዓ ዝቐተለ፥ ምሕረቱ ንዘለኣለም እዩ እሞ። ¹⁹ንሴዎን ንጉስ ኣሞራውያን፥ ምሕረቱ ንዘለኣለም እዩ እሞ፥ ²⁰ንዓግውን ንጉስ ባሳን፥ ምሕረቱ ንዘለኣለም እዩ እሞ፥ ²¹ንምድሮም ከዓ ርስቲ ኽኸውን ዝሃበ፥ ምሕረቱ ንዘለኣለም እዩ እሞ። ²²ርስቲ ንእስራኤል ባርያኡ፥ ምሕረቱ ንዘለኣለም እዩ እሞ።

²³ነቲ ምስ ተዋረድና ዝዘከረና፥ ምሕረቱ ንዘለኣለም እዩ እሞ፥ ²⁴ካብ ፀላእትና ከዓ ዘናገፈና፥ ምሕረቱ ንዘለኣለም እዩ እሞ፥ ²⁵ነቲ ንዅሉ ህያው ፍጡር መግቢ ዝህብ፥ ምሕረቱ ንዘለኣለም እዩ እሞ።

²⁶ነቲ ኣቦ ሰማይ ኣመስግንዎ፥ ምሕረቱ ንዘለኣለም እዩ እሞ።