መዝሙር 136

136 ¹አባታችንን አመስግኑ፤ እርሱ ቸር ነውና፤ ምሕረቱ ለዘላለም ነውና። ²ከአባቶች ሁሉ በላይ የሆነውን አባታችንን አመስግኑ፤ ምሕረቱ ለዘላለም ነውና። ³የጌቶች ጌታ የሆነውን አመስግኑ፤ ምሕረቱ ለዘላለም ነውና።

⁴እርሱ ብቻ ታላላቅ ድንቆችን ለሚያደርገው፤ ምሕረቱ ለዘላለም ነውና። ⁵ሰማያትን በጥበብ ለፈጠረው፤ ምሕረቱ ለዘላለም ነውና። ⁶ምድርን በውሆች ላይ ለዘረጋው፤ ምሕረቱ ለዘላለም ነውና። ⁷ታላላቅ ብርሃናትን ለሠራው፤ ምሕረቱ ለዘላለም ነውና። ⁸ፀሐይን በቀን ላይ እንዲሰለጥን፤ ምሕረቱ ለዘላለም ነውና። ⁹ጨረቃንና ከዋክብትን በሌሊት ላይ እንዲሰለጥኑ፤ ምሕረቱ ለዘላለም ነውና።

¹⁰ግብፅን በበኵሮቻቸው ለመታው፤ ምሕረቱ ለዘላለም ነውና፤ ¹¹እስራኤልንም ከመካከላቸው ላወጣው፤ ምሕረቱ ለዘላለም ነውና፤ ¹²በብርቱ እጅና በተዘረጋ ክንድ፤ ምሕረቱ ለዘላለም ነውና።

¹³ቀይ ባሕርን ለከፈለው፤ ምሕረቱ ለዘላለም ነውና፤ ¹⁴እስራኤልንም በመካከሉ ላሳለፈው፤ ምሕረቱ ለዘላለም ነውና፤ ¹⁵ፈርዖንንና ሠራዊቱን ግን በቀይ ባሕር ውስጥ ለጣለው፤ ምሕረቱ ለዘላለም ነውና።

¹⁶ሕዝቡን በምድረ በዳ ለመራው፤ ምሕረቱ ለዘላለም ነውና።

¹⁷ታላላቅ ነገሥታትን ለመታው፤ ምሕረቱ ለዘላለም ነውና፤ ¹⁸ኀያላን ነገሥታትንም ለገደለው፤ ምሕረቱ ለዘላለም ነውና። ¹⁹የአሞራውያንን ንጉሥ ሴዎንን፤ ምሕረቱ ለዘላለም ነውና፤ ²⁰የባሳንም ንጉሥ ዐግን፤ ምሕረቱ ለዘላለም ነውና፤ ²¹ምድራቸውንም ርስት አድርጎ ለሰጠው፤ ምሕረቱ ለዘላለም ነውና። ²²ለባሪያው ለእስራኤል ርስት አድርጎ፤ ምሕረቱ ለዘላለም ነውና።

²³በተዋረድንበት ጊዜ ያሰበን፤ ምሕረቱ ለዘላለም ነውና፤ ²⁴ከጠላቶቻችንም ያዳነን፤ ምሕረቱ ለዘላለም ነውና፤ ²⁵ለሕያው ፍጥረት ሁሉ ምግብን ለሚሰጠው፤ ምሕረቱ ለዘላለም ነውና።

²⁶የሰማዩን አባት አመስግኑ፤ ምሕረቱ ለዘላለም ነውና።