Salmo 136

136 ¹Pasalamati ang atong Amahan, kay siya maayo; kay ang iyang gugmang walay paglubad molungtad sa kahangtoran. ²Pasalamati ang atong Amahan nga labaw sa tanang amahan, kay ang iyang gugmang walay paglubad molungtad sa kahangtoran. ³Pasalamati ang Magmamando sa mga magmamando, kay ang iyang gugmang walay paglubad molungtad sa kahangtoran.

⁴Ngadto kaniya nga mao lamang ang nagbuhat sa dagkong mga katingalahan, kay ang iyang gugmang walay paglubad molungtad sa kahangtoran. ⁵Ngadto kaniya nga nagbuhat sa kalangitan pinaagi sa kaalam, kay ang iyang gugmang walay paglubad molungtad sa kahangtoran. ⁶Ngadto kaniya nga nagbukhad sa yuta ibabaw sa katubigan, kay ang iyang gugmang walay paglubad molungtad sa kahangtoran. ⁷Ngadto kaniya nga nagbuhat sa dagkong mga suga, kay ang iyang gugmang walay paglubad molungtad sa kahangtoran. ⁸Ang adlaw aron magmando sa maadlaw, kay ang iyang gugmang walay paglubad molungtad sa kahangtoran. ⁹Ang bulan ug ang mga bituon aron magmando sa kagabhion, kay ang iyang gugmang walay paglubad molungtad sa kahangtoran.

¹⁰Ngadto kaniya nga mihampak sa Ehipto pinaagi sa ilang mga panganay, kay ang iyang gugmang walay paglubad molungtad sa kahangtoran, ¹¹ug nagpagawas sa Israel gikan kanila, kay ang iyang gugmang walay paglubad molungtad sa kahangtoran, ¹²pinaagi sa kusgang kamot ug tinuy-od nga bukton, kay ang iyang gugmang walay paglubad molungtad sa kahangtoran.

¹³Ngadto kaniya nga mibahin sa Pulang Dagat, kay ang iyang gugmang walay paglubad molungtad sa kahangtoran, ¹⁴ug mitultol sa Israel latas sa taliwala niini, kay ang iyang gugmang walay paglubad molungtad sa kahangtoran, ¹⁵apan mibanlas kang Paraon ug sa iyang kasundalohan ngadto sa Pulang Dagat, kay ang iyang gugmang walay paglubad molungtad sa kahangtoran.

¹⁶Ngadto kaniya nga mitultol sa iyang katawhan latas sa kamingawan, kay ang iyang gugmang walay paglubad molungtad sa kahangtoran.

¹⁷Ngadto kaniya nga mihampak sa dagkong mga hari, kay ang iyang gugmang walay paglubad molungtad sa kahangtoran, ¹⁸ug mipatay sa gamhanang mga hari, kay ang iyang gugmang walay paglubad molungtad sa kahangtoran. ¹⁹Si Sihon nga hari sa mga Amorihanon, kay ang iyang gugmang walay paglubad molungtad sa kahangtoran, ²⁰ug si Og nga hari sa Basan, kay ang iyang gugmang walay paglubad molungtad sa kahangtoran, ²¹ug mihatag sa ilang yuta ingon nga panulondon, kay ang iyang gugmang walay paglubad molungtad sa kahangtoran. ²²Usa ka panulondon ngadto sa Israel nga iyang sulugoon, kay ang iyang gugmang walay paglubad molungtad sa kahangtoran.

²³Nga nahinumdom kanato sa dihang gipaubos kita, kay ang iyang gugmang walay paglubad molungtad sa kahangtoran, ²⁴ug nagluwas kanato gikan sa atong mga kaaway, kay ang iyang gugmang walay paglubad molungtad sa kahangtoran, ²⁵nga naghatag ug pagkaon sa matag buhing binuhat, kay ang iyang gugmang walay paglubad molungtad sa kahangtoran.

²⁶Pasalamati ang Amahan sa langit, kay ang iyang gugmang walay paglubad molungtad sa kahangtoran.