زمونږ پلار د رحبعام جنګ بندوى
رحبعام یو لښکر راټولوي چې شمال بېرته ونیسي او د زموږ پلار په کلام ودرول کیږي: دا له ما څخه و، کور ته ولاړ شئ. هغه پر ځای یې د یهودا ښارونه ټینګوي، او هغه کاهنان او لاویان چې د یربعام د خوسیو بتخانو له امله شړل شوي وو هغه ته راځي، او درې کاله پاچاهي پیاوړې کوي.
11 1رحبعام يروشلم ته راغلو او د يهوداه او بنيامين کورنۍ يې راجمع کړه — يو لک اتيا زره غوره شوى جنګيالى — دې دپاره چې د اِسرائيل خلاف جنګ وکړى او بادشاهى بيا رحبعام ته راوګرځوى. 2خو د زمونږ پلار کلام سمعياه، د زمونږ پلار بنده، ته راغلو چې،
3”د سليمان زوئ رحبعام، د يهوداه بادشاه، او يهوداه او بنيامين کښې ټول اِسرائيل ته ووايه چې، 4زمونږ پلار داسې فرمائى: پورته مۀ ځئ او د خپلو وروڼو خلاف جنګ مۀ کوئ. هر يو مو خپل کور ته لاړ شئ، ځکه چې دا کار زما له طرفه وشو.“ نو هغوئ د زمونږ پلار په خبرو عمل وکړو او د يربعام خلاف د پرمختګ نه راوګرځېدل.
رحبعام يهوداه مضبوطوى
5رحبعام په يروشلم کښې اوسېدو او په يهوداه کښې يې د دفاع دپاره ښارونه جوړ کړل. 6هغۀ بيت لحم، عيتام او تقوع جوړ کړل، 7بيت صور، سوکوه، عدُلام، 8جات، مريسه، زيف، 9ادورائيم، لکيس، عزيقه، 10صُرعه، ايالون او حبرون — دا په يهوداه او بنيامين کښې مضبوط ښارونه وُو. 11هغۀ قلعې مضبوطې کړې او په هغو کښې يې کماندار مقرر کړل، او د خوراک، تيلو او مے ذخيرې يې هم کښېښودلې. 12په هر ښار کښې يې ډالونه او نېزې کښېښودلې او هغه يې ډېر مضبوط کړل. نو يهوداه او بنيامين د هغۀ پاتې شول.
13هغه اِمامان او لاويان چې په ټول اِسرائيل کښې وُو، د خپلو ټولو علاقو نه هغۀ ته راغلل، 14ځکه چې لاويانو خپل څرځايونه او ملکيت پرېښودل او يهوداه او يروشلم ته لاړل، ځکه چې يربعام او د هغۀ زامنو هغوئ د زمونږ پلار د اِمامت د خدمت نه منع کړل. 15او هغۀ د اوچتو ځايونو دپاره، د ګډو د بتانو او د سخو د هغه بتانو دپاره چې هغۀ جوړ کړى وُو، خپل اِمامان مقرر کړل. 16د اِسرائيل د هرې قبيلې نه هغه کسان چې خپل زړۀ يې د زمونږ پلار، د اِسرائيل د خُدائ پاک، په لټون کښې ايښے وو، د لاويانو پسې يروشلم ته راغلل، دې دپاره چې زمونږ پلار، د خپلو پلرونو خُدائ پاک ته، قربانۍ وکړى. 17هغوئ د يهوداه بادشاهى مضبوطه کړه او د سليمان زوئ رحبعام يې درې کاله مدد وکړو، ځکه چې هغوئ درې کاله د داؤد او سليمان په لار روان وُو.
د رحبعام کورنۍ
18رحبعام د محلت سره وادۀ وکړو چې هغه د داؤد د زوئ يريموت لور وه او د ابيحيل، د يسى د زوئ الياب د لور، لور وه. 19هغې د هغۀ دپاره زامن وزېږول: يعوس، سمرياه او زاهم. 20د هغې نه پس يې د معکه، د ابى سلوم د لور، سره وادۀ وکړو، چې هغې د هغۀ دپاره ابياه، عتى، زيزا او سلومت وزېږول. 21رحبعام د ابى سلوم لور معکه د خپلو نورو ټولو ښځو او داشتو نه زياته خوښوله، ځکه چې د هغۀ اتلس ښځې، شپېتې داشتې، اته ويشت زامن او شپېته لوڼه وې. 22رحبعام د معکه زوئ ابياه د خپلو وروڼو په مينځ کښې مشر مقرر کړو، ځکه چې هغۀ غوښتل چې هغه بادشاه کړى. 23هغۀ په عقلمندۍ سره عمل وکړو او خپل ځنې زامن يې د يهوداه او بنيامين په هره علاقه کښې، په هر مضبوط ښار کښې خواره کړل، او هغوئ ته يې ډېر خوراک ورکړو او د هغوئ دپاره يې ډېرې ښځې لټولې.
