ପିତା ମାର୍ଗ ପରିଷ୍କାର କରନ୍ତି

ଇସ୍ରାଏଲକୁ ଜାତିମାନଙ୍କ ଯଜ୍ଞବେଦି ଭାଙ୍ଗିବାକୁ ଓ ଅନ୍ତର୍ବିବାହ ମନା କରିବାକୁ କୁହାଯାଏ, କାରଣ ବିପଦ ହେଉଛି ହୃଦୟ ବିମୁଖ ହେବା। ଏବଂ ସେମାନେ ପ୍ରଭାବଶାଳୀ ହେବାରୁ ମନୋନୀତ ହୋଇ ନ ଥିଲେ: ସେମାନେ ସମସ୍ତ ଜାତିଙ୍କ ମଧ୍ୟରେ ସବୁଠାରୁ ଅଳ୍ପ ଥିଲେ। ଆମ୍ଭମାନଙ୍କ ପିତା ସେମାନଙ୍କ ଉପରେ ତାଙ୍କ ପ୍ରେମ ସ୍ଥାପନ କଲେ ଏବଂ ତାଙ୍କ ଶପଥ ପାଳନ କଲେ। ଏହା ହିଁ କାରଣ।

ଅଧ୍ୟାୟ 7।

ଯେତେବେଳେ ତୁମ୍ଭର ପିତା ତୁମ୍ଭକୁ ଯେଉଁ ଦେଶ ଅଧିକାର କରିବା ନିମନ୍ତେ ତୁମ୍ଭେ ପ୍ରବେଶ କରୁଅଛ, ସେଠାକୁ ଆଣନ୍ତି, ପୁଣି ତୁମ୍ଭ ସମ୍ମୁଖରୁ ଅନେକ ଜାତିଙ୍କୁ, ଅର୍ଥାତ୍‌ ହିତ୍ତୀୟ, ଗିର୍ଗାଶୀୟ, ଇମୋରୀୟ, କିଣାନୀୟ, ପରିଷୀୟ, ହିବ୍ବୀୟ ଓ ଯିବୂଷୀୟ, ଏହି ତୁମ୍ଭଠାରୁ ବୃହତ୍‌ ଓ ବଳବାନ୍‌ ସାତ ଜାତିଙ୍କୁ ତଡ଼ିଦିଅନ୍ତି, ଯେତେବେଳେ ତୁମ୍ଭର ପିତା ସେମାନଙ୍କୁ ତୁମ୍ଭ ହସ୍ତରେ ସମର୍ପଣ କରିବେ ଓ ତୁମ୍ଭେ ସେମାନଙ୍କୁ ପରାସ୍ତ କରିବ, ସେତେବେଳେ ତୁମ୍ଭେ ସେମାନଙ୍କୁ ସମ୍ପୂର୍ଣ୍ଣ ବିନାଶ ନିମନ୍ତେ ସମର୍ପିତ କରିବ। ସେମାନଙ୍କ ସହିତ କୌଣସି ନିୟମ ସ୍ଥାପନ କର ନାହିଁ, କିଅବା ସେମାନଙ୍କ ପ୍ରତି କୃପା ଦେଖାଅ ନାହିଁ। ପୁଣି ସେମାନଙ୍କ ସହିତ ବିବାହ-ସମ୍ବନ୍ଧ କର ନାହିଁ; ତୁମ୍ଭର କନ୍ୟାମାନଙ୍କୁ ସେମାନଙ୍କ ପୁତ୍ରମାନଙ୍କୁ ଦିଅ ନାହିଁ, କିଅବା ତୁମ୍ଭ ପୁତ୍ରମାନଙ୍କ ନିମନ୍ତେ ସେମାନଙ୍କ କନ୍ୟାମାନଙ୍କୁ ଗ୍ରହଣ କର ନାହିଁ। କାରଣ ସେମାନେ ତୁମ୍ଭ ସନ୍ତାନମାନଙ୍କୁ ମୋʼ ପଶ୍ଚାଦ୍‌ଗମନରୁ ବିମୁଖ କରି ଅନ୍ୟ ଦେବତାମାନଙ୍କର ସେବା କରିବାକୁ ପ୍ରବର୍ତ୍ତାଇବେ; ତହିଁରେ ତୁମ୍ଭମାନଙ୍କ ବିରୁଦ୍ଧରେ ଆମ୍ଭମାନଙ୍କ ପିତାଙ୍କ କ୍ରୋଧ ପ୍ରଜ୍ଵଳିତ ହେବ ଓ ସେ ତୁମ୍ଭକୁ ଶୀଘ୍ର ବିନାଶ କରିବେ। ମାତ୍ର ତୁମ୍ଭେ ସେମାନଙ୍କ ପ୍ରତି ଏହି କର୍ମ କରିବ: ସେମାନଙ୍କ ଯଜ୍ଞବେଦିସବୁ ଭାଙ୍ଗି ପକାଅ, ସେମାନଙ୍କ ପୂଜାସ୍ତମ୍ଭସବୁ ଚୂର୍ଣ୍ଣ କର, ସେମାନଙ୍କ ଆଶେରା ମୂର୍ତ୍ତିସବୁ କାଟି ପକାଅ ଓ ସେମାନଙ୍କ ଖୋଦିତ ପ୍ରତିମାସବୁ ଅଗ୍ନିରେ ଦଗ୍ଧ କର। ଯେଣୁ ତୁମ୍ଭେ ତୁମ୍ଭ ପିତାଙ୍କ ଉଦ୍ଦେଶ୍ୟରେ ଏକ ପବିତ୍ର ଲୋକ ଅଟ; ତୁମ୍ଭର ପିତା ଆପଣା ନିଜ ଲୋକ ହେବା ନିମନ୍ତେ, ଆପଣା ଅମୂଲ୍ୟ ସମ୍ପତ୍ତି ହେବା ନିମନ୍ତେ ପୃଥିବୀର ସମସ୍ତ ଲୋକଙ୍କ ମଧ୍ୟରୁ ତୁମ୍ଭକୁ ମନୋନୀତ କରିଅଛନ୍ତି। ତୁମ୍ଭେ ଅନ୍ୟ ଲୋକଙ୍କ ଅପେକ୍ଷା ସଂଖ୍ୟାରେ ଅଧିକ ଥିବା ହେତୁ ତୁମ୍ଭର ପିତା ତୁମ୍ଭକୁ ପ୍ରେମ କରି ମନୋନୀତ କଲେ ନାହିଁ—ତୁମ୍ଭେ ତ ସମସ୍ତ ଲୋକଙ୍କ ମଧ୍ୟରେ ସବୁଠାରୁ ଅଳ୍ପସଂଖ୍ୟକ ଥିଲ। ମାତ୍ର ତୁମ୍ଭର ପିତା ତୁମ୍ଭକୁ ପ୍ରେମ କରିବା ହେତୁ ଓ ତୁମ୍ଭ ପିତୃପୁରୁଷଙ୍କ ନିକଟରେ କରିଥିବା ଆପଣା ଶପଥ ରକ୍ଷା କରିବା ହେତୁ, ସେ ବଳବାନ୍‌ ହସ୍ତ ଦ୍ଵାରା ତୁମ୍ଭକୁ ବାହାର କରି ଆଣିଲେ ଓ ମିସରର ରାଜା ଫାରୋର ହସ୍ତରୁ, ଦାସଗୃହରୁ ତୁମ୍ଭକୁ ମୁକ୍ତ କଲେ। ଏଣୁ ଜାଣ, ତୁମ୍ଭର ପିତା ହିଁ ଆମ୍ଭମାନଙ୍କ ପିତା, ସେହି ବିଶ୍ଵସ୍ତ ଜଣ, ଯେ ଆପଣାକୁ ପ୍ରେମ କରୁଥିବା ଓ ଆପଣା ଆଜ୍ଞା ପାଳନ କରୁଥିବା ଲୋକମାନଙ୍କ ପ୍ରତି ସହସ୍ର ପୁରୁଷ ପର୍ଯ୍ୟନ୍ତ ନିୟମ ଓ ବିଶ୍ଵସ୍ତ ପ୍ରେମ ରକ୍ଷା କରନ୍ତି, ମାତ୍ର ଆପଣା ଘୃଣାକାରୀମାନଙ୍କୁ ସେମାନଙ୍କ ମୁଖ ଆଗରେ ପ୍ରତିଫଳ ଦେଇ ବିନାଶ କରନ୍ତି; ସେ ଆପଣା ଘୃଣାକାରୀକୁ ତାହାର ମୁଖ ଆଗରେ ପ୍ରତିଫଳ ଦେବାକୁ ବିଳମ୍ବ କରନ୍ତି ନାହିଁ। ଅତଏବ ମୁଁ ଆଜି ତୁମ୍ଭକୁ ଯେଉଁ ଆଜ୍ଞା—ବିଧି ଓ ଶାସନ—ଦେଉଅଛି, ତାହା ପାଳନ କର ଓ ତାହା ସଫଳ କର।

ତୁମ୍ଭେ ଏହିସବୁ ଶାସନ ଶୁଣି ପାଳନ ଓ ପାଳନ କରିବା ହେତୁ, ତୁମ୍ଭର ପିତା ତୁମ୍ଭ ପିତୃପୁରୁଷଙ୍କ ନିକଟରେ ଯାହା ଶପଥ କରିଥିଲେ, ସେହି ନିୟମ ଓ ବିଶ୍ଵସ୍ତ ପ୍ରେମ ତୁମ୍ଭ ପ୍ରତି ରକ୍ଷା କରିବେ। ସେ ତୁମ୍ଭକୁ ପ୍ରେମ କରିବେ, ଆଶୀର୍ବାଦ କରିବେ ଓ ବହୁସଂଖ୍ୟକ କରିବେ—ତୁମ୍ଭ ଉଦରର ଫଳ ଓ ତୁମ୍ଭ ଭୂମିର ଫଳ, ଅର୍ଥାତ୍‌ ଶସ୍ୟ, ନୂତନ ଦ୍ରାକ୍ଷାରସ ଓ ତୈଳ, ତୁମ୍ଭ ଗୋରୁପଲର ବୃଦ୍ଧି ଓ ତୁମ୍ଭ ମେଷପଲର ଛୁଆ, ଯେଉଁ ଦେଶ ତୁମ୍ଭକୁ ଦେବାକୁ ସେ ତୁମ୍ଭ ପିତୃପୁରୁଷଙ୍କ ନିକଟରେ ଶପଥ କଲେ, ସେହି ଦେଶରେ ଆଶୀର୍ବାଦ କରିବେ। ତୁମ୍ଭେ ସମସ୍ତ ଲୋକଙ୍କ ଅପେକ୍ଷା ଅଧିକ ଆଶୀର୍ବାଦପ୍ରାପ୍ତ ହେବ; ତୁମ୍ଭ ମଧ୍ୟରେ ପୁରୁଷ ହେଉ କି ସ୍ତ୍ରୀ ହେଉ, କେହି ବନ୍ଧ୍ୟା ହେବ ନାହିଁ, କିଅବା ତୁମ୍ଭ ପଶୁମାନେ ହେବେ ନାହିଁ। ତୁମ୍ଭର ପିତା ତୁମ୍ଭଠାରୁ ସମସ୍ତ ବ୍ୟାଧି ଦୂର କରିବେ; ତୁମ୍ଭର ଜ୍ଞାତ ମିସରର ଯେଉଁ ମନ୍ଦ ରୋଗସବୁ, ତହିଁ ମଧ୍ୟରୁ କୌଣସିଟି ତୁମ୍ଭ ଉପରେ ନ ରଖି ତୁମ୍ଭର ସମସ୍ତ ଘୃଣାକାରୀଙ୍କ ଉପରେ ରଖିବେ। ତୁମ୍ଭର ପିତା ତୁମ୍ଭକୁ ଯେଉଁସବୁ ଲୋକଙ୍କୁ ସମର୍ପଣ କରିବେ, ସେମାନଙ୍କୁ ବିନାଶ କର। ସେମାନଙ୍କ ପ୍ରତି ଦୟା କର ନାହିଁ, କିଅବା ସେମାନଙ୍କ ଦେବତାମାନଙ୍କର ସେବା କର ନାହିଁ—ତାହା ତୁମ୍ଭ ପ୍ରତି ଫାନ୍ଦ ସ୍ଵରୂପ ହେବ। ଯଦି ତୁମ୍ଭେ ମନେ ମନେ କହିବ, ‘ଏହି ଜାତିମାନେ ମୋʼ ଅପେକ୍ଷା ଅଧିକ ବଳବାନ୍‌; ମୁଁ କିପରି ସେମାନଙ୍କୁ ତଡ଼ିଦେଇ ପାରିବି?’ ତେବେ ସେମାନଙ୍କୁ ଭୟ କର ନାହିଁ। ତୁମ୍ଭର ପିତା ଫାରୋ ଓ ସମସ୍ତ ମିସର ପ୍ରତି ଯାହା କଲେ, ତାହା ଉତ୍ତମ ରୂପେ ସ୍ମରଣ କର: ତୁମ୍ଭ ଚକ୍ଷୁ ଯେଉଁ ମହା ପରୀକ୍ଷା, ଚିହ୍ନ ଓ ଅଦ୍ଭୁତ କର୍ମ, ପୁଣି ଯେଉଁ ବଳବାନ୍‌ ହସ୍ତ ଓ ବିସ୍ତାରିତ ବାହୁ ଦ୍ଵାରା ତୁମ୍ଭର ପିତା ତୁମ୍ଭକୁ ବାହାର କରି ଆଣିଲେ, ତାହା ଦେଖିଲା। ତୁମ୍ଭେ ଯେଉଁ ସମସ୍ତ ଲୋକଙ୍କୁ ଭୟ କରୁଅଛ, ସେମାନଙ୍କ ପ୍ରତି ତୁମ୍ଭର ପିତା ସେହିପରି କରିବେ। ଆହୁରି ତୁମ୍ଭ ପିତା ସେମାନଙ୍କ ମଧ୍ୟକୁ ବିରୁଡ଼ି ପଠାଇବେ, ଯେପର୍ଯ୍ୟନ୍ତ ତୁମ୍ଭଠାରୁ ଅବଶିଷ୍ଟ ଓ ଲୁଚିଥିବା ଲୋକମାନେ ବିନଷ୍ଟ ନ ହୁଅନ୍ତି। ସେମାନଙ୍କ ସକାଶୁ ଉଦ୍‌ବିଗ୍ନ ହୁଅ ନାହିଁ, କାରଣ ତୁମ୍ଭର ପିତା, ସେହି ମହାନ୍‌ ଓ ଭୟାବହ ଆମ୍ଭମାନଙ୍କ ପିତା, ତୁମ୍ଭ ମଧ୍ୟରେ ଅଛନ୍ତି। ତୁମ୍ଭର ପିତା ତୁମ୍ଭ ସମ୍ମୁଖରୁ ଏହି ଜାତିମାନଙ୍କୁ ଅଳ୍ପ ଅଳ୍ପ କରି ତଡ଼ିଦେବେ। ତୁମ୍ଭେ ସେମାନଙ୍କୁ ଶୀଘ୍ର ସମାପ୍ତ କରିପାରିବ ନାହିଁ, ନୋହିଲେ ବନ୍ୟ ପଶୁମାନେ ତୁମ୍ଭ ବିରୁଦ୍ଧରେ ବୃଦ୍ଧି ପାଇବେ। ତୁମ୍ଭର ପିତା ସେମାନଙ୍କୁ ତୁମ୍ଭ ହସ୍ତରେ ସମର୍ପଣ କରିବେ ଓ ଯେପର୍ଯ୍ୟନ୍ତ ସେମାନେ ବିନଷ୍ଟ ନ ହୁଅନ୍ତି, ସେପର୍ଯ୍ୟନ୍ତ ସେମାନଙ୍କୁ ମହା ବ୍ୟାକୁଳତାରେ ପକାଇ ଆଲୋଡ଼ିତ କରିବେ। ସେ ସେମାନଙ୍କ ରାଜାମାନଙ୍କୁ ତୁମ୍ଭ ହସ୍ତରେ ସମର୍ପଣ କରିବେ ଓ ତୁମ୍ଭେ ଆକାଶ ତଳୁ ସେମାନଙ୍କ ନାମ ଲୋପ କରିବ। ତୁମ୍ଭେ ସେମାନଙ୍କୁ ବିନାଶ ନ କରିବା ପର୍ଯ୍ୟନ୍ତ କେହି ତୁମ୍ଭ ସମ୍ମୁଖରେ ଠିଆ ହୋଇପାରିବ ନାହିଁ। ସେମାନଙ୍କ ଦେବତାମାନଙ୍କ ଖୋଦିତ ପ୍ରତିମାସବୁ ଅଗ୍ନିରେ ଦଗ୍ଧ କର। ତହିଁ ଉପରିସ୍ଥ ରୂପା କି ସୁନା ଲୋଭ କର ନାହିଁ, କିଅବା ତାହା ଆପଣା ନିମନ୍ତେ ଗ୍ରହଣ କର ନାହିଁ, ନୋହିଲେ ତଦ୍ଵାରା ତୁମ୍ଭେ ଫାନ୍ଦରେ ପଡ଼ିବ—କାରଣ ତାହା ତୁମ୍ଭ ପିତାଙ୍କ ପ୍ରତି ଘୃଣ୍ୟ। ପୁଣି ଘୃଣ୍ୟ ବସ୍ତୁ ଆପଣା ଗୃହକୁ ଆଣ ନାହିଁ, ନୋହିଲେ ତାହା ପରି ତୁମ୍ଭେ ବିନାଶ ନିମନ୍ତେ ସମର୍ପିତ ହେବ। ତାହା ସମ୍ପୂର୍ଣ୍ଣ ଘୃଣା କର ଓ ଜଘନ୍ୟ ଜ୍ଞାନ କର, କାରଣ ତାହା ବିନାଶ ନିମନ୍ତେ ସମର୍ପିତ।