Thuseibü shuongei lounyu lenbü kho damenashi
Mü awealaubü shuongei thekubü loulabü kho laka ki dogo phekei, aishanga pendou shangied tegü yingtham kida. Peterei jongaikei, kaodak kho shangied ho jeteibü ngühei yungsen louko kikei, hoba tat kho jeteibü ngühei hanbü shanga apyoan kida, hoba seneibü Bou ashemngaibou aying lausikei lounyu natenbou ki, aoeikei amaula adamei.
3 1Sanoubü jenabou shuong, ho tou ngei kan to dobü nyiboubü le ki; penyia ngei damentiko kaneibü maangpon tangbü maang thungeida. 2Saopobü thuseibü shuongei shangied lenbü ngüh shuong, hoba kaneibü youkoikjai shuong danko kubü seneibü Bunyubou hoba Khümenboueibü sakkubü kho damenashi. 3Ho shaang ngeashi: phaikabü chaloua mü awealaubü shuong jembü wanthungbü aeto nyangko, awealauko loulabü. 4Haoenei laulabü, “Haoei thekubü loulabü kho laka ki? Bousi shuong yepan phaia, kaodak yaübü khangla jaüan ai ong yingkei kho tegü pendou yingtham kida.” 5Haoenei maangangbüei ho maang teku: shangied, Boueibü ngühei müh ong kiteikei, hoba kaodak dei ka hoba dei danko kümbei, 6hoba khübü danko kho jihsiphaibü kaodak deiei nyakan maukei. 7Kho jeteibü ngühei, tat müh si kaodak wan shanga thanan phoakei, amaibü shuong matjembü hoba mautibü chalou shanga apyoan ki.
8Sanoubü jenabou shuong, ho maang teku: Bou yoa, chalou che kho po hajar tegü ki, hoba po hajar kho chalou che tegü ki. 9Atei thinei tegü Bouei jembü thekubü jungeila ashemngaida; aishanga haoei aoeikei amaulabü ayingsi pendou maangpon sepeibü to loutila wanthung, kan to lounyu natenda. a a v9 Thonshemngaibü shieibou kho sanou ki: Bouei lounyu natenda, pendou chem to loutila lam hapla shanga koukhüm khittian phoda. 10Lausikei seneibü Bunyubou Jisu chalou kho kokbü tegü loulabü: müh yeinak soubü danlabü, kümsilei shuong wana juokan tühnyinlabü, hoba kaodak si kho kümbü pendou tang khitlabü. 11Ho pendou tühnyinan maulabü shanga, kan ai yembü müt kila? Kan saopobü langkei langko, Mühghaü to khümbo takshatan kijan, 12Bou chalou loulabü kho haisühda hoba panteiko, kho chaloua müh wana juokan tühnyinlabü, hoba kümsilei shuong aubüei tühnyinlabü. 13Lausikei haoei thekubü tegü, saopobü kibü haanbü müh si haanbü kaodak shanga senei haisühda.
14Khoei, sanoubü jenabou shuong, habü shuong awailetko, sangmaia, mou aying hoba nali athebü haoei kan hapla shanga kaangkuashi. 15Seneibü sanoubü jaisina Paulei hao la kubü songsihonei kan to dobü tegü, seneibü Bunyuboueibü lounyu natenbü kho khümenbü dogo heashi, 16Haoei jembü lea pendoua ho shuong shangabü lauko kho tegü lauda. Lea phe atei ditenla sekbou ki, hoba hapbüngebü aying hoba küp ajembü shuongei, lubü Laishiba shuong to kümbü tegü, jembü mautibü shanga inletkuda. 17Khoei, sanoubü jenabou shuong, ho kan shaang ngeko, küksithang mütshuongeibü shedbüei kan asolangla hoba kaneibü kaangkhühtham loan kibü kho amaulabü shanga, aeibou maangsangko kishi. 18Seneibü Bunyubou hoba Khümenbou Jisu Khrista onou hoba hapbüngebü yemashi. Hao to tat hoba ponpen chalou shongko soneikangbü yingshi. Amen. b b v18 Le kho Jisu lolo to, Mühghaü to yingbü nyenhang kho, soneikangbü kuko thonda; Shouei Bou soneikangbü tükde hambü dogo aukada.
