Numeros 2

2 ¹Unya misulti ang atong Amahan kang Moises ug kang Aaron, nga nag-ingon:

²“Magkampo ang mga Israelita, ang matag usa ubos sa iyang kaugalingong bandera, uban sa mga bandila sa mga balay sa ilang mga katigulangan; mag-atubang sila sa tolda nga tagboanan sa tanang palibot niini, didto sila magkampo.

³“Sa sidlakan, dapit sa subangan sa adlaw: ang kampo ni Juda, sumala sa ilang mga pundok, ubos sa iyang bandera. Ang pangulo sa katawhan ni Juda: si Nason nga anak ni Aminadab. ⁴Ang iyang pundok, kadtong giihap, mikabat sa 74,600.

⁵“Nagkampo tapad kaniya: ang tribo ni Isacar; ang pangulo sa mga anak ni Isacar mao si Natanael nga anak ni Zuar. ⁶Ang iyang pundok, kadtong giihap, mikabat sa 54,400.

⁷“Unya ang tribo ni Zabulon; ang pangulo sa mga anak ni Zabulon: si Eliab nga anak ni Helon. ⁸Ang iyang pundok, kadtong giihap, mikabat sa 57,400.

⁹“Ang tanang giihap sa kampo ni Juda: 186,400, sumala sa ilang mga pundok. Sila ang mauna paglakaw.

¹⁰“Sa habagatang bahin: ang bandera sa kampo ni Ruben, sumala sa mga pundok. Ang pangulo sa katawhan ni Ruben: si Elizur nga anak ni Sedeur. ¹¹Ang iyang pundok, kadtong giihap, mikabat sa 46,500.

¹²“Nagkampo tapad kaniya: ang tribo ni Simeon; ang pangulo sa katawhan ni Simeon, si Selumiel nga anak ni Zurisadai. ¹³Ang iyang pundok, kadtong giihap, mikabat sa 59,300.

¹⁴“Unya ang tribo ni Gad: ang pangulo sa katawhan ni Gad, si Eliasaf nga anak ni Deuel. ¹⁵Ang iyang pundok, kadtong giihap, mikabat sa 45,650.

¹⁶“Ang mga giihap sa kampo ni Ruben, sumala sa ilang mga pundok: 151,450. Sila ang ikaduha nga molakaw.

¹⁷“Unya molakaw ang tolda nga tagboanan, uban sa kampo sa mga Levita sa taliwala sa mga kampo. Molakaw sila sumala sa han-ay sa ilang pagkampo, ang matag usa sa iyang dapit, ubos sa ilang mga bandera.

¹⁸“Sa kasadpang bahin: ang bandera sa kampo ni Efraim, sumala sa ilang mga pundok; ang pangulo sa katawhan ni Efraim mao si Elisama nga anak ni Amiud. ¹⁹Ang iyang pundok, kadtong giihap, mikabat sa 40,500.

²⁰“Tapad kaniya: ang tribo ni Manases, nga gipangunahan ni Gamaliel nga anak ni Pedazur. ²¹Ang iyang pundok, kadtong giihap, mikabat sa 32,200.

²²“Unya ang tribo ni Benjamin, nga gipangunahan ni Abidan nga anak ni Gideoni. ²³Ang iyang pundok, kadtong giihap, mikabat sa 35,400.

²⁴“Ang tanang giihap sa kampo ni Efraim: 108,100, sumala sa ilang mga pundok. Sila ang ikatulo nga molakaw.

²⁵“Ang bandera sa kampo ni Dan anaa sa amihanang bahin, sumala sa mga pundok. Si Ahiezer nga anak ni Amisadai mangulo sa katawhan ni Dan. ²⁶Ang iyang pundok, kadtong giihap, mikabat sa 62,700.

²⁷“Nagkampo tapad niini: ang tribo ni Aser, ang iyang pangulo si Pagiel nga anak ni Ocran. ²⁸Ang iyang pundok, kadtong giihap, mikabat sa 41,500.

²⁹“Unya ang tribo ni Neptali; ang pangulo ni Neptali mao si Ahira nga anak ni Enan. ³⁰Ang iyang pundok, kadtong giihap, mikabat sa 53,400.

³¹“Ang tanang giihap sa kampo ni Dan: 157,600. Sila ang kataposang molakaw, sumala sa ilang mga bandera.”

³²Mao kini ang mga Israelita nga giihap sumala sa ilang mga kabanay, ang tanang pundok sa mga kampo: 603,550. ³³Apan ang mga Levita wala iapil sa pag-ihap uban sa mga Israelita, sumala sa gisugo sa atong Amahan kang Moises.

³⁴Busa gibuhat sa mga Israelita ang tanang gisugo sa atong Amahan kang Moises. Busa nagkampo sila sumala sa ilang mga bandera, ug mao usab nga milakaw sila, ang matag usa sumala sa iyang kabanay, sumala sa pamilya sa iyang mga katigulangan.