Tebui Tanendak Ozüng Agü
Kidong shiai sentep süki jakdang, len shia kidong asem, Levitem tsüngda nung, pei anendak tsütsü aser pei apuso tataren agü. Iba meketba prok tatemzükba masü, saka anasa alitsü: nisung ajaki pei Tebu parnok tsüngda nung aliba dak len kangshia anentsü.
2 1Tebui Mosa aser Aron dang ashi,
2“Israel nungertemi nisung shia pei nisan den, pei tebu kibong tongtiba den, sentep süki jakdang meketa, parnok anentsüla.
3“Anüdoklen tsütsü, anogo adok tsütsü: Yihuda nunger tanendak, pei nisan kübok, par telok tatongi anentsü. Yihuda nunger tanishir Amminadab jabaso Nashon liasü. 4Pa telok, parnok züngdangba, meyirijang neter pezü noklang trok liasü.
5“Pa anasa anenba Issakar kidong; Issakar chirtem tanishir Zuar jabaso Nethanel liasü. 6Pa telok, parnok züngdangba, meyirijang tenemer pezü noklang pezü liasü.
7“Idangji Zebulun kidong; Zebulun chirtem tanishir Helon jabaso Eliab liasü. 8Pa telok, parnok züngdangba, meyirijang tenemer tenet noklang pezü liasü.
9“Yihuda tanendak nung parnok ajak züngdangba, par telok tatongi, meyirijang noklang ka ser tir trok, noklang pezü liasü. Parnok tamasa apusotsü.
10“Anüolentip tsütsü: Reuben nunger tanendak nisan, par telok tatongi. Reuben nunger tanishir Shedeur jabaso Elizur liasü. 11Pa telok, parnok züngdangba, meyirijang lir trok noklang pungu liasü.
12“Pa anasa anenba Simeon kidong; Simeon nunger tanishir Zurishaddai jabaso Shelumiel liasü. 13Pa telok, parnok züngdangba, meyirijang tenemer tuku noklang asem liasü.
14“Idangji Gad kidong: Gad nunger tanishir Deuel jabaso Eliasaf liasü. 15Pa telok, parnok züngdangba, meyirijang lir-pungu noklang trok ser tenem liasü.
16“Reuben tanendak nung parnok ajak züngdangba, par telok tatongi, meyirijang noklang ka ser tenem ka, noklang pezü ser tenem liasü. Parnok tanabuba apusotsü.
17“Idangji sentep süki, Levitem tanendak den, tanendaktem tiyong nung apusotsü. Parnok anenba ama, nisung shia pei alidak nung, pei nisan kübok, parnok apusotsü.
18“Anüolen tsütsü: Efraim nunger tanendak nisan, par telok tatongi; Efraim nunger tanishir Ammihud jabaso Elishama liasü. 19Pa telok, parnok züngdangba, meyirijang lir noklang pungu liasü.
20“Pa anasa Manase kidong; pei tanishir Pedahzur jabaso Gamaliel liasü. 21Pa telok, parnok züngdangba, meyirijang semer ana noklang ana liasü.
22“Idangji Benjamin kidong; pei tanishir Gideon jabaso Abidan liasü. 23Pa telok, parnok züngdangba, meyirijang semer pungu noklang pezü liasü.
24“Efraim tanendak nung parnok ajak züngdangba, par telok tatongi, meyirijang noklang ka ser ti, noklang ka liasü. Parnok tasembuba apusotsü.
25“Anüdoklentip tsütsü Dan nunger tanendak nisan noktaktsü, par telok tatongi. Dan nunger tanishir Ammishaddai jabaso Ahiezer liasü. 26Pa telok, parnok züngdangba, meyirijang roker ana noklang tenet liasü.
27“Pa anasa anenba Asher kidong; pei tanishir Okran jabaso Pagiel liasü. 28Pa telok, parnok züngdangba, meyirijang lir ka noklang pungu liasü.
29“Idangji Naftali kidong; Naftali nunger tanishir Enan jabaso Ahira liasü. 30Pa telok, parnok züngdangba, meyirijang tenemer asem noklang pezü liasü.
31“Dan tanendak nung parnok ajak züngdangba, meyirijang noklang ka ser tenem tenet, noklang trok liasü. Parnok tatembuba, pei nisan kübok, apusotsü.”
32Itemji Israel nungertem pei kinunger shia züngdangba lir; tanendak ajak par telok tatongi, meyirijang noklang trok ser asem, noklang pungu ser tenem liasü. 33Saka Tebui Mosa dang melaba ama, Levitembo Israel nungertem rongnung mezüngsem.
34Anungji Tebui Mosa dang melaba ajak Israel nungertemi inyak. Yamaji parnoki pei nisan kübok anen; aser nisung shia pei kidong, pei kinunger tatongi, yamaji parnok apuso.