ኢያሱ 21

21 ¹የሌዋውያን የቤተ ሰብ አለቆች ወደ ካህኑ አልዓዛር፣ ወደ ነዌ ልጅ ኢያሱና ወደ እስራኤል ነገዶች የቤተ ሰብ አለቆች ቀረቡ። ²በከነዓን ምድር በሴሎ ሆነው እንዲህ አሏቸው፤ “አባታችን በሙሴ በኩል የምንኖርባቸውን ከተሞች፣ ለከብቶቻችንም የግጦሽ መሬታቸውን እንድንሰጥ አዝዟል።”

³ስለዚህ እስራኤላውያን በአባታችን ትእዛዝ ከራሳቸው ርስት እነዚህን ከተሞች ከግጦሽ መሬታቸው ጋር ለሌዋውያን ሰጡ። ⁴ዕጣው ለቀዓታውያን የቤተ ሰብ ወጣ። ከሌዋውያን መካከል የነበሩት የካህኑ የአሮን ዝርያዎች ከይሁዳ፣ ከስምዖንና ከብንያም ነገዶች ዐሥራ ሦስት ከተሞች በዕጣ ተቀበሉ። ⁵የቀሩት ቀዓታውያን ከኤፍሬም ነገድ፣ ከዳን ነገድና ከግማሹ የምናሴ ነገድ የቤተ ሰብ ዐሥር ከተሞች በዕጣ ተቀበሉ። ⁶የጌድሶን ዝርያዎች ከይሳኮር ነገድ፣ ከአሴር ነገድ፣ ከንፍታሌም ነገድና በባሳን ካለው ከግማሹ የምናሴ ነገድ የቤተ ሰብ ዐሥራ ሦስት ከተሞች በዕጣ ተቀበሉ። ⁷የሜራሪ ዝርያዎች እንደየቤተ ሰባቸው ከሮቤል ነገድ፣ ከጋድ ነገድና ከዛብሎን ነገድ ዐሥራ ሁለት ከተሞች ተቀበሉ። ⁸ስለዚህ እስራኤላውያን አባታችን በሙሴ በኩል ባዘዘው መሠረት እነዚህን ከተሞች ከግጦሽ መሬታቸው ጋር በዕጣ ለሌዋውያን ሰጡ። ⁹ከይሁዳና ከስምዖን ነገዶች እዚህ የተጠቀሱትን ከተሞች ሰጡ፤ ¹⁰እነዚህም ለሌዋውያን ከቀዓታውያን የቤተ ሰብ ለሆኑት ለአሮን ዝርያዎች ደረሱ፤ ምክንያቱም የመጀመሪያው ዕጣ የወጣው ለእነርሱ ነበር። ¹¹በይሁዳ ተራራማ አገር ያለውን ቂርያት አርባን፣ ይኸውም ኬብሮንን፣ በዙሪያው ካለው የግጦሽ መሬት ጋር ሰጧቸው (አርባ የዔናቅ አባት ነበር)። ¹²የከተማዋን እርሻዎችና መንደሮች ግን ለዮፎኔ ልጅ ለካሌብ ርስት አድርገው ሰጥተውት ነበር። ¹³ለካህኑ ለአሮን ዝርያዎች ነፍስ ለገደለ ሰው መማጸኛ የሆነችውን ኬብሮንን ከግጦሽ መሬቷ ጋር፣ ልብናንም ከግጦሽ መሬቷ ጋር ሰጡ። ¹⁴ያቲርን ከግጦሽ መሬቷ ጋር፣ አሺቴሞአን ከግጦሽ መሬቷ ጋር፣ ¹⁵ሆሎንን ከግጦሽ መሬቷ ጋር፣ ዳቢርን ከግጦሽ መሬቷ ጋር፣ ¹⁶ዓይንን፣ ዩጣንና ቤትሳሚስን እያንዳንዳቸውን ከግጦሽ መሬታቸው ጋር ሰጡ፤ ከእነዚህ ከሁለቱ ነገዶች ዘጠኝ ከተሞች። ¹⁷ከብንያም ነገድ፦ ገባዖንን ከግጦሽ መሬቷ ጋር፣ ጌባን ከግጦሽ መሬቷ ጋር፣ ¹⁸ዓናቶትን ከግጦሽ መሬቷ ጋር፣ ዓልሞንንም ከግጦሽ መሬቷ ጋር ሰጡ፤ አራት ከተሞች። ¹⁹የካህናቱ የአሮን ዝርያዎች ከተሞች ሁሉ ከግጦሽ መሬታቸው ጋር ዐሥራ ሦስት ከተሞች ነበሩ።

²⁰የቀሩት የቀዓታውያን የሌዋ ቤተ ሰቦች የተመደቡላቸውን ከተሞች ከኤፍሬም ነገድ ተቀበሉ። ²¹በኤፍሬም ተራራማ አገር ነፍስ ለገደለ ሰው መማጸኛ የሆነችውን ሴኬምን ከግጦሽ መሬቷ ጋር፣ ጌዤርንም ከግጦሽ መሬቷ ጋር ሰጧቸው። ²²ቂብሳይምን ከግጦሽ መሬቷ ጋር፣ ቤትሆሮንንም ከግጦሽ መሬቷ ጋር ሰጡ፤ አራት ከተሞች። ²³ከዳን ነገድ፦ ኤልቴቄን ከግጦሽ መሬቷ ጋር፣ ጌብቶንን ከግጦሽ መሬቷ ጋር፣ ²⁴አያሎንን ከግጦሽ መሬቷ ጋር፣ ጌትሬሞንንም ከግጦሽ መሬቷ ጋር ሰጡ፤ አራት ከተሞች። ²⁵ከግማሹ የምናሴ ነገድ፦ ታዕናቅን ከግጦሽ መሬቷ ጋር፣ ጌትሬሞንንም ከግጦሽ መሬቷ ጋር ሰጡ፤ ሁለት ከተሞች። ²⁶እነዚህ ሁሉ ለቀሩት የቀዓታውያን ቤተ ሰቦች ከግጦሽ መሬታቸው ጋር ዐሥር ከተሞች ነበሩ።

²⁷ከግማሹ የምናሴ ነገድ ለጌድሶን የሌዋ ጎሳዎች፦ ነፍስ ለገደለ ሰው መማጸኛ የሆነችውን በባሳን ያለችውን ጎላንን ከግጦሽ መሬቷ ጋር፣ ብዔሽትራንም ከግጦሽ መሬቷ ጋር ሰጡ፤ ሁለት ከተሞች። ²⁸ከይሳኮር ነገድ፦ ቂስዮንን ከግጦሽ መሬቷ ጋር፣ ዳብራትን ከግጦሽ መሬቷ ጋር፣ ²⁹ያርሙትን ከግጦሽ መሬቷ ጋር፣ ዔንጋኒምንም ከግጦሽ መሬቷ ጋር ሰጡ፤ አራት ከተሞች። ³⁰ከአሴር ነገድ፦ ሚሳልን ከግጦሽ መሬቷ ጋር፣ ዓብዶንን ከግጦሽ መሬቷ ጋር፣ ³¹ኬልቃትን ከግጦሽ መሬቷ ጋር፣ ራኣብንም ከግጦሽ መሬቷ ጋር ሰጡ፤ አራት ከተሞች። ³²ከንፍታሌም ነገድ፦ ነፍስ ለገደለ ሰው መማጸኛ የሆነችውን በገሊላ ያለችውን ቄዴስን ከግጦሽ መሬቷ ጋር፣ ሃሞትዶርን ከግጦሽ መሬቷ ጋር፣ ካርታንንም ከግጦሽ መሬቷ ጋር ሰጡ፤ ሦስት ከተሞች። ³³የጌድሶናውያን ከተሞች ሁሉ እንደየቤተ ሰባቸው ከግጦሽ መሬታቸው ጋር ዐሥራ ሦስት ከተሞች ነበሩ።

³⁴ለቀሩት ሌዋውያን ለሜራሪ ጎሳዎች ከዛብሎን ነገድ ሰጡ፦ ዮቅንዓምን ከግጦሽ መሬቷ ጋር፣ ቀርታን ከግጦሽ መሬቷ ጋር፣ ³⁵ዲምናን ከግጦሽ መሬቷ ጋር፣ ናሃላልንም ከግጦሽ መሬቷ ጋር ሰጡ፤ አራት ከተሞች። ³⁶ከሮቤል ነገድ፦ ቤጸርን ከግጦሽ መሬቷ ጋር፣ ያሳን ከግጦሽ መሬቷ ጋር፣ ^a a v36 ቍጥር 36-37 ከብዙ የዕብራይስጥ ቅጆች ጠፍተዋል፤ ነገር ግን በሌሎቹና በጥንታዊው የግሪክ ትርጒም ውስጥ ይገኛሉ። ³⁷ቄዴሞትን ከግጦሽ መሬቷ ጋር፣ ሜፋትንም ከግጦሽ መሬቷ ጋር ሰጡ፤ አራት ከተሞች። ³⁸ከጋድ ነገድ፦ ነፍስ ለገደለ ሰው መማጸኛ የሆነችውን በገለዓድ ያለችውን ራሞትን ከግጦሽ መሬቷ ጋር፣ ማሃናይምንም ከግጦሽ መሬቷ ጋር ሰጡ። ³⁹ሔሴቦንን ከግጦሽ መሬቷ ጋር፣ ኢያዜርንም ከግጦሽ መሬቷ ጋር ሰጡ፤ በአጠቃላይ አራት ከተሞች። ⁴⁰ለሜራሪ ቤተ ሰቦች፣ ለቀሩት የሌዋ ቤተ ሰቦች የተሰጡት ከተሞች ሁሉ በዕጣ ዐሥራ ሁለት ሆኑ።

⁴¹በእስራኤላውያን ርስት ውስጥ ያሉት የሌዋውያን ከተሞች ሁሉ ከግጦሽ መሬታቸው ጋር አርባ ስምንት ነበሩ። ⁴²ከእነዚህ ከተሞች እያንዳንዷ በዙሪያዋ የራሷ የግጦሽ መሬት ነበራት፤ ይህም ለሁሉም እውነት ነበር።

⁴³ስለዚህ አባታችን ለአባቶቻቸው የማለውን ምድር ሁሉ ለእስራኤል ሰጠ፤ እነርሱም ወርሰው በዚያ ተቀመጡ። ⁴⁴አባታችን ለአባቶቻቸው እንደ ማለው በየአቅጣጫው ዕረፍት ሰጣቸው። ከጠላቶቻቸውም አንድ እንኳ ሊቋቋማቸው አልቻለም፤ አባታችን ጠላቶቻቸውን ሁሉ በእጃቸው ሰጠ። ⁴⁵አባታችን ለእስራኤል ቤት ከሰጠው መልካም ተስፋ ሁሉ አንዱም አልቀረም፤ ሁሉም ተፈጸመ።