யோசுவா 21

21 ¹அப்பொழுது லேவியரின் வம்சத் தலைவர்கள் ஆசாரியனாகிய எலெயாசாரிடத்திலும், நூனின் குமாரனாகிய யோசுவாவினிடத்திலும், இஸ்ரவேல் கோத்திரங்களின் வம்சத் தலைவர்களிடத்திலும் வந்து, ²கானான் தேசத்திலுள்ள சீலோவிலே அவர்களை நோக்கி: “நாங்கள் குடியிருக்கும்படியான பட்டணங்களையும், எங்கள் மிருகஜீவன்களுக்கான வெளிநிலங்களையும் எங்களுக்குக் கொடுக்கவேண்டுமென்று எங்கள் பிதா மோசேயின் மூலமாய்க் கட்டளையிட்டாரே” என்றார்கள்.

³அப்படியே இஸ்ரவேல் புத்திரர் எங்கள் பிதாவின் கட்டளையின்படி, தங்கள் சுதந்தரத்திலிருந்து இந்தப் பட்டணங்களையும் அவைகளின் வெளிநிலங்களையும் லேவியருக்குக் கொடுத்தார்கள். ⁴கோகாத்தியரின் வம்சங்களுக்குச் சீட்டு விழுந்தது. லேவியருக்குள் இருந்த ஆசாரியனாகிய ஆரோனின் சந்ததியாருக்கு யூதா, சிமியோன், பென்யமீன் கோத்திரங்களிலிருந்து பதின்மூன்று பட்டணங்கள் சீட்டினால் கிடைத்தன. ⁵மீதியான கோகாத்தியருக்கு எப்பிராயீம் கோத்திரத்தின் வம்சங்களிலிருந்தும், தாண் கோத்திரத்திலிருந்தும், மனாசேயின் பாதிக் கோத்திரத்திலிருந்தும் பத்துப் பட்டணங்கள் சீட்டினால் கிடைத்தன. ⁶கெர்சோனின் சந்ததியாருக்கு இசக்கார் கோத்திரத்தின் வம்சங்களிலிருந்தும், ஆசேர் கோத்திரத்திலிருந்தும், நப்தலி கோத்திரத்திலிருந்தும், பாசானிலுள்ள மனாசேயின் பாதிக் கோத்திரத்திலிருந்தும் பதின்மூன்று பட்டணங்கள் சீட்டினால் கிடைத்தன. ⁷மெராரியின் சந்ததியாருக்கு அவர்களுடைய வம்சங்களின்படி ரூபன் கோத்திரத்திலிருந்தும், காத் கோத்திரத்திலிருந்தும், செபுலோன் கோத்திரத்திலிருந்தும் பன்னிரண்டு பட்டணங்கள் கிடைத்தன. ⁸இப்படியே எங்கள் பிதா மோசேயின் மூலமாய்க் கட்டளையிட்டிருந்தபடியே, இஸ்ரவேல் புத்திரர் இந்தப் பட்டணங்களையும் அவைகளின் வெளிநிலங்களையும் லேவியருக்குச் சீட்டுப்போட்டுக் கொடுத்தார்கள். ⁹யூதா, சிமியோன் கோத்திரங்களிலிருந்து அவர்கள் கொடுத்த பட்டணங்கள் இங்கே பெயர்வழியாகக் குறிக்கப்பட்டவைகள்: ¹⁰முதலாவது சீட்டு தங்களுக்கு விழுந்தபடியால், லேவியரின் கோகாத்திய வம்சங்களைச் சேர்ந்த ஆரோனின் சந்ததியாருக்கு இவைகள் கிடைத்தன. ¹¹யூதாவின் மலைநாட்டிலுள்ள கீரியாத்அர்பாவையும், அதாவது எப்ரோனையும், அதைச் சுற்றியிருந்த வெளிநிலங்களையும் அவர்களுக்குக் கொடுத்தார்கள் (அர்பா ஏனாக்கின் தகப்பன்). ¹²ஆனாலும் அந்தப் பட்டணத்தின் வயல்களையும் அதன் கிராமங்களையும் எப்புன்னேயின் குமாரனாகிய காலேபுக்கு அவனுடைய சுதந்தரமாய்க் கொடுத்திருந்தார்கள். ¹³ஆசாரியனாகிய ஆரோனின் சந்ததியாருக்கு, கொலைசெய்தவனுக்கு அடைக்கலப் பட்டணமாகிய எப்ரோனையும் அதன் வெளிநிலங்களையும், லிப்னாவையும் அதன் வெளிநிலங்களையும், ¹⁴யாத்தீரையும் அதன் வெளிநிலங்களையும், எஸ்தெமோவாவையும் அதன் வெளிநிலங்களையும், ¹⁵ஓலோனையும் அதன் வெளிநிலங்களையும், தெபீரையும் அதன் வெளிநிலங்களையும், ¹⁶ஆயீனையும், யுத்தாவையும், பெத்செமேசையும் அவைகளின் வெளிநிலங்களோடேகூடக் கொடுத்தார்கள்; இந்த இரண்டு கோத்திரங்களிலிருந்து ஒன்பது பட்டணங்கள். ¹⁷பென்யமீன் கோத்திரத்திலிருந்து: கிபியோனையும் அதன் வெளிநிலங்களையும், கேபாவையும் அதன் வெளிநிலங்களையும், ¹⁸ஆனதோத்தையும் அதன் வெளிநிலங்களையும், அல்மோனையும் அதன் வெளிநிலங்களையும் கொடுத்தார்கள்; நான்கு பட்டணங்கள். ¹⁹ஆசாரியராகிய ஆரோனின் சந்ததியாரின் பட்டணங்கள் எல்லாம் அவைகளின் வெளிநிலங்களோடேகூடப் பதின்மூன்று பட்டணங்களாயிருந்தன.

²⁰மீதியான கோகாத்திய லேவிய வம்சங்களுக்கு எப்பிராயீம் கோத்திரத்திலிருந்து சீட்டுவழியாய்ப் பட்டணங்கள் கிடைத்தன. ²¹எப்பிராயீமின் மலைநாட்டிலே கொலைசெய்தவனுக்கு அடைக்கலப் பட்டணமாகிய சீகேமையும் அதன் வெளிநிலங்களையும், கேசேரையும் அதன் வெளிநிலங்களையும் அவர்களுக்குக் கொடுத்தார்கள். ²²கிப்சாயீமையும் அதன் வெளிநிலங்களையும், பெத்எரோனையும் அதன் வெளிநிலங்களையும் கொடுத்தார்கள்; நான்கு பட்டணங்கள். ²³தாண் கோத்திரத்திலிருந்து: எல்தெக்கேயையும் அதன் வெளிநிலங்களையும், கிபேத்தோனையும் அதன் வெளிநிலங்களையும், ²⁴ஆயலோனையும் அதன் வெளிநிலங்களையும், காத்ரிம்மோனையும் அதன் வெளிநிலங்களையும் கொடுத்தார்கள்; நான்கு பட்டணங்கள். ²⁵மனாசேயின் பாதிக் கோத்திரத்திலிருந்து: தானாகையும் அதன் வெளிநிலங்களையும், காத்ரிம்மோனையும் அதன் வெளிநிலங்களையும் கொடுத்தார்கள்; இரண்டு பட்டணங்கள். ²⁶மீதியான கோகாத்திய வம்சங்களுக்கு இவை எல்லாம் அவைகளின் வெளிநிலங்களோடேகூடப் பத்துப் பட்டணங்களாயிருந்தன.

²⁷கெர்சோனின் லேவிய வம்சங்களுக்கு மனாசேயின் பாதிக் கோத்திரத்திலிருந்து: கொலைசெய்தவனுக்கு அடைக்கலப் பட்டணமாகிய பாசானிலுள்ள கோலானையும் அதன் வெளிநிலங்களையும், பெயேஸ்திராவையும் அதன் வெளிநிலங்களையும் கொடுத்தார்கள்; இரண்டு பட்டணங்கள். ²⁸இசக்கார் கோத்திரத்திலிருந்து: கீஷியோனையும் அதன் வெளிநிலங்களையும், தாபிராத்தையும் அதன் வெளிநிலங்களையும், ²⁹யர்மூத்தையும் அதன் வெளிநிலங்களையும், என்கன்னீமையும் அதன் வெளிநிலங்களையும் கொடுத்தார்கள்; நான்கு பட்டணங்கள். ³⁰ஆசேர் கோத்திரத்திலிருந்து: மீஷாலையும் அதன் வெளிநிலங்களையும், அப்தோனையும் அதன் வெளிநிலங்களையும், ³¹எல்காத்தையும் அதன் வெளிநிலங்களையும், ரேகோபையும் அதன் வெளிநிலங்களையும் கொடுத்தார்கள்; நான்கு பட்டணங்கள். ³²நப்தலி கோத்திரத்திலிருந்து: கொலைசெய்தவனுக்கு அடைக்கலப் பட்டணமாகிய கலிலேயாவிலுள்ள கேதேசையும் அதன் வெளிநிலங்களையும், அம்மோத்தோரையும் அதன் வெளிநிலங்களையும், கர்த்தானையும் அதன் வெளிநிலங்களையும் கொடுத்தார்கள்; மூன்று பட்டணங்கள். ³³கெர்சோனியரின் பட்டணங்கள் எல்லாம் அவர்களுடைய வம்சங்களின்படி அவைகளின் வெளிநிலங்களோடேகூடப் பதின்மூன்று பட்டணங்களாயிருந்தன.

³⁴மீதியான லேவியராகிய மெராரிய வம்சங்களுக்கு செபுலோன் கோத்திரத்திலிருந்து: யோக்நேயாமையும் அதன் வெளிநிலத்தையும், கர்த்தாவையும் அதன் வெளிநிலத்தையும், ³⁵திம்னாவையும் அதன் வெளிநிலங்களையும், நாஹலாலையும் அதன் வெளிநிலங்களையும் கொடுத்தார்கள்; நான்கு பட்டணங்கள். ³⁶ரூபன் கோத்திரத்திலிருந்து: பேசேரையும் அதன் வெளிநிலங்களையும், யாத்சாவையும் அதன் வெளிநிலங்களையும், ^a a v36 36, 37-ஆம் வசனங்கள் அநேக எபிரெய கையெழுத்துப் பிரதிகளில் காணப்படவில்லை, ஆனால் மற்றவைகளிலும் பூர்வ கிரேக்க மொழிபெயர்ப்பிலும் காணப்படுகின்றன. ³⁷கெதேமோத்தையும் அதன் வெளிநிலங்களையும், மேவாத்தையும் அதன் வெளிநிலங்களையும் கொடுத்தார்கள்; நான்கு பட்டணங்கள். ³⁸காத் கோத்திரத்திலிருந்து: கொலைசெய்தவனுக்கு அடைக்கலப் பட்டணமாகிய கீலேயாத்திலுள்ள ராமோத்தையும் அதன் வெளிநிலங்களையும், மகனாயீமையும் அதன் வெளிநிலங்களையும், ³⁹எஸ்போனையும் அதன் வெளிநிலங்களையும், யாசேரையும் அதன் வெளிநிலங்களையும் கொடுத்தார்கள்; மொத்தம் நான்கு பட்டணங்கள். ⁴⁰மீதியான லேவிய வம்சங்களாகிய மெராரியின் வம்சங்களுக்குரிய பட்டணங்கள் எல்லாம் சீட்டுவழியாய்ப் பன்னிரண்டாயிருந்தன.

⁴¹இஸ்ரவேல் புத்திரரின் சுதந்தரத்திற்குள் இருந்த லேவியரின் பட்டணங்கள் எல்லாம் அவைகளின் வெளிநிலங்களோடேகூட நாற்பத்தெட்டு. ⁴²இந்தப் பட்டணங்களில் ஒவ்வொன்றுக்கும் அதைச் சுற்றிலும் தன்னுடைய சொந்த வெளிநிலங்கள் இருந்தன; அவைகள் எல்லாவற்றிற்கும் இப்படியே இருந்தது.

⁴³இப்படியே எங்கள் பிதா இஸ்ரவேலருடைய முற்பிதாக்களுக்கு ஆணையிட்டுக் கொடுத்த தேசம் முழுவதையும் அவர்களுக்குக் கொடுத்தார்; அவர்கள் அதைச் சுதந்தரித்துக்கொண்டு அதிலே குடியேறினார்கள். ⁴⁴எங்கள் பிதா அவர்களுடைய முற்பிதாக்களுக்கு ஆணையிட்டபடியே, சுற்றிலும் அவர்களுக்கு இளைப்பாறுதலைக் கட்டளையிட்டார்; அவர்களுடைய சத்துருக்கள் ஒருவரும் அவர்களுக்கு முன்பாக நிற்கக்கூடாதிருந்தார்கள்; அவர்களுடைய சத்துருக்கள் எல்லாரையும் எங்கள் பிதா அவர்கள் கையில் ஒப்புக்கொடுத்தார். ⁴⁵எங்கள் பிதா இஸ்ரவேல் குடும்பத்தாருக்கு வாக்குத்தத்தம்பண்ணிய எல்லா நன்மைகளிலும் ஒன்றும் தவறிப்போகவில்லை; எல்லாம் நிறைவேறின.