1 ዜና መዋዕል 25

25 ¹ዳዊትና የሠራዊቱ አለቆች ከአሳፍ፣ ከሔማንና ከይዱቶን ልጆች አንዳንዶቹን፣ በበገና፣ በመሰንቆና በጸናጽል ትንቢት ለሚናገሩት፣ ለአገልግሎት ለዩ። በሥራቸው መሠረት ቍጥራቸው እንዲህ ነበር፦ ²የአሳፍ ልጆች፦ ዛኩር፣ ዮሴፍ፣ ናትናያ፣ አሻሬላ፤ የአሳፍ ልጆች በአሳፍ መሪነት ሥር ነበሩ፤ እርሱም በንጉሡ መሪነት ሥር ትንቢት ይናገር ነበር። ³የይዱቶን ልጆች፦ ጎዶልያ፣ ዝሪ፣ የሻያ፣ ሺሚ፣ ሐሻብያ፣ መቲትያ፤ ስድስት ሆነው በአባታቸው በይዱቶን መሪነት ሥር አባታችንን እያመሰገኑና እያወደሱ በበገና ትንቢት ተናገሩ። ⁴ከሔማን ወገን፤ የሔማን ልጆች፦ ቡኪያ፣ መታንያ፣ ዑዝኤል፣ ሽቡኤል፣ ይሪሞት፣ ሐናንያ፣ ሐናኒ፣ ኤልያታ፣ ጊዳልቲ፣ ሮማምቲ ዔዘር፣ ዮሽበቃሻ፣ መሎቲ፣ ሆቲር፣ መሃዝዮት። ⁵እነዚህ ሁሉ የንጉሡ ባለ ራእይ የሔማን ልጆች ነበሩ፤ ሔማንን ከፍ ለማድረግ በአባታችን ቃል የተሰጡ ነበሩ። አባታችን ለሔማን ዐሥራ አራት ወንዶች ልጆችና ሦስት ሴቶች ልጆች ሰጠው። ⁶እነዚህ ሁሉ በአባታቸው መሪነት ሥር ሆነው በአባታችን ቤት ለመዝሙር፣ በጸናጽል፣ በመሰንቆና በበገና ለአባታችን ቤት አገልግሎት ተመደቡ፤ አሳፍ፣ ይዱቶንና ሔማን በንጉሡ መሪነት ሥር ነበሩ። ⁷ከዘመዶቻቸው ጋር ለአባታችን ለመዘመር የሠለጠኑት፣ ሁሉም የተካኑ፣ ቍጥራቸው ሁለት መቶ ሰማንያ ስምንት ነበር። ⁸ታናሹም ታላቁም፣ መምህሩም ተማሪውም እኩል ሆነው ለተግባራቸው ዕጣ ተጣጣሉ።

⁹የመጀመሪያው ዕጣ ለአሳፍ ወገን፣ ለዮሴፍ ወጣ፤ ሁለተኛው ለጎዶልያ ደረሰ፤ እርሱና ወንድሞቹ ልጆቹም ዐሥራ ሁለት ነበሩ። ¹⁰ሦስተኛው ለዛኩር ደረሰ፤ ልጆቹና ወንድሞቹ ዐሥራ ሁለት ነበሩ፤ ¹¹አራተኛው ለዪዝሪ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹²አምስተኛው ለናትናያ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹³ስድስተኛው ለቡኪያ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁴ሰባተኛው ለየሳሬላ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁵ስምንተኛው ለየሻያ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁶ዘጠነኛው ለመታንያ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁷ዐሥረኛው ለሺሚ ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁸ዐሥራ አንደኛው ለአዛርኤል ደረሰ፤ ልጆቹና ወንድሞቹ ዐሥራ ሁለት ነበሩ፤ ¹⁹ዐሥራ ሁለተኛው ለሐሻብያ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁰ዐሥራ ሦስተኛው ለሹባኤል ደረሰ፤ ልጆቹና ወንድሞቹ ዐሥራ ሁለት ነበሩ፤ ²¹ዐሥራ አራተኛው ለመቲትያ ደረሰ፤ ልጆቹና ወንድሞቹ ዐሥራ ሁለት ነበሩ፤ ²²ዐሥራ አምስተኛው ለይሪሞት ደረሰ፤ ልጆቹና ወንድሞቹ ዐሥራ ሁለት ነበሩ፤ ²³ዐሥራ ስድስተኛው ለሐናንያ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁴ዐሥራ ሰባተኛው ለዮሽበቃሻ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁵ዐሥራ ስምንተኛው ለሐናኒ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁶ዐሥራ ዘጠነኛው ለመሎቲ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁷ሃያኛው ለኤልያታ ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁸ሃያ አንደኛው ለሆቲር ደረሰ፤ ልጆቹና ወንድሞቹ ዐሥራ ሁለት ነበሩ፤ ²⁹ሃያ ሁለተኛው ለጊዳልቲ ደረሰ፤ ልጆቹና ወንድሞቹ ዐሥራ ሁለት ነበሩ፤ ³⁰ሃያ ሦስተኛው ለመሃዝዮት ደረሰ፤ ልጆቹና ወንድሞቹ ዐሥራ ሁለት ነበሩ፤ ³¹ሃያ አራተኛው ለሮማምቲ ዔዘር ደረሰ፤ ልጆቹና ወንድሞቹ ዐሥራ ሁለት ነበሩ።