1ይ ዜና 25 FHB Father's Heart Bible™

25 ¹ዳዊትን ኣሕሉቕ ሰራዊትን ድማ ካብ ደቂ ኣሳፍን ሄማንን ይዱቱንን ገሊኣቶም ንኣገልግሎት ፈለዩ፤ እዚኣቶም ከዓ ብመሰንቆን በገናን ፀናፅልን ዝንበዩ ነበሩ። ብዝሕታቶም ድማ ከከም ስራሖም ከምዙይ ነበረ፦ ²ደቂ ኣሳፍ፦ ዛኩር፥ ዮሴፍ፥ ናታንያ፥ ኣሳሬላ፥ ደቂ ኣሳፍ እዮም፤ ብትእዛዝ ኣሳፍ፥ ከምቲ ንጉስ ዝኣዘዞ ድማ እናተነበዩ። ³ደቂ ይዱቱን፦ ጌዳልያ፥ ፀሪ፥ ይሻያ፥ ሰሜኢ፥ ሓሻብያ፥ ማቲትያ፥ ሽዱሽተ እዮም፤ ብኣቦኦም ይዱቱን እናተመርሑ፥ ንኣቦና እናመስገኑን እናወደሱን ብመሰንቆ ተነበዩ። ⁴ካብ ሄማን፥ ደቂ ሄማን፦ ቡቅያ፥ ማታንያ፥ ዑዝኤል፥ ሸቡኤል፥ የሪሞት፥ ሓናንያ፥ ሃናኒ፥ ኤልያታ፥ ጊዳልቲ፥ ሮማምቲዔዘር፥ ዮሽበቃሻ፥ ማሎቲ፥ ሆቲር፥ ማሃዝዮት እዮም። ⁵እዚኣቶም ኵሎም ደቂ ሄማን፥ ናይ ንጉስ ራእይ ነጋሪ እዮም፤ ንሄማን ንምልዓል ብቓል ኣቦና እተውሃቡ እዮም። ኣቦና ድማ ንሄማን ዓሰርተ ኣርባዕተ ኣወዳትን ሰለስተ ኣጓላትን ሃቦ። ⁶እዚኣቶም ኵሎም ኣብ ቤት ኣቦና ንመዝሙር ብትእዛዝ ኣቦኦም ነበሩ፤ ብፀናፅልን በገናን መሰንቆን ንኣገልግሎት ቤት ኣቦና የገልግሉ ነበሩ፤ ኣሳፍን ይዱቱንን ሄማንን ድማ ብትእዛዝ ንጉስ ነበሩ። ⁷ብዝሒ እዚኣቶም፥ ምስቶም ንኣቦና ኽዝምሩ እተላመዱ ኣሕዋቶም፥ ኵሎም ጥበበኛታት፥ ክልተ ሚእትን ሰማንያን ሸሞንተን ነበረ። ⁸ንሓላፍነቶም ድማ፥ ንእሽተይ ኾነ ዓቢይ፥ መምህር ኾነ ተምሃራይ ማዕረ ኾይኖም፥ ዕፃ ኣውደቑ።

⁹እቲ ቐዳማይ ዕፃ ንኣሳፍ ንዮሴፍ በፅሐ፤ እቲ ኻልኣይ ድማ ንጌዳልያ፥ ንሱን ኣሕዋቱን ደቁን፥ ዓሰርተ ኽልተ ኮኑ። ¹⁰እቲ ሳልሳይ ንዛኩር፥ ደቁን ኣሕዋቱን፥ ዓሰርተ ኽልተ ኮኑ፤ ¹¹እቲ ራብዓይ ንይፅሪ፥ ደቁን ኣሕዋቱን፥ ዓሰርተ ኽልተ ኮኑ፤ ¹²እቲ ሓምሻይ ንናታንያ፥ ደቁን ኣሕዋቱን፥ ዓሰርተ ኽልተ ኮኑ፤ ¹³እቲ ሻድሻይ ንቡቅያ፥ ደቁን ኣሕዋቱን፥ ዓሰርተ ኽልተ ኮኑ፤ ¹⁴እቲ ሻውዓይ ንየሳሬላ፥ ደቁን ኣሕዋቱን፥ ዓሰርተ ኽልተ ኮኑ፤ ¹⁵እቲ ሻምናይ ንይሻያ፥ ደቁን ኣሕዋቱን፥ ዓሰርተ ኽልተ ኮኑ፤ ¹⁶እቲ ታሽዓይ ንማታንያ፥ ደቁን ኣሕዋቱን፥ ዓሰርተ ኽልተ ኮኑ፤ ¹⁷እቲ ዓስራይ ንሰሜኢ፥ ደቁን ኣሕዋቱን፥ ዓሰርተ ኽልተ ኮኑ፤ ¹⁸እቲ መበል ዓሰርተ ሓደ ንዓዛርኤል፥ ደቁን ኣሕዋቱን፥ ዓሰርተ ኽልተ ኮኑ፤ ¹⁹እቲ መበል ዓሰርተ ኽልተ ንሓሻብያ፥ ደቁን ኣሕዋቱን፥ ዓሰርተ ኽልተ ኮኑ፤ ²⁰እቲ መበል ዓሰርተ ሰለስተ ንሸቡኤል፥ ደቁን ኣሕዋቱን፥ ዓሰርተ ኽልተ ኮኑ፤ ²¹እቲ መበል ዓሰርተ ኣርባዕተ ንማቲትያ፥ ደቁን ኣሕዋቱን፥ ዓሰርተ ኽልተ ኮኑ፤ ²²እቲ መበል ዓሰርተ ሓሙሽተ ንየሪሞት፥ ደቁን ኣሕዋቱን፥ ዓሰርተ ኽልተ ኮኑ፤ ²³እቲ መበል ዓሰርተ ሽዱሽተ ንሓናንያ፥ ደቁን ኣሕዋቱን፥ ዓሰርተ ኽልተ ኮኑ፤ ²⁴እቲ መበል ዓሰርተ ሸውዓተ ንዮሽበቃሻ፥ ደቁን ኣሕዋቱን፥ ዓሰርተ ኽልተ ኮኑ፤ ²⁵እቲ መበል ዓሰርተ ሸሞንተ ንሃናኒ፥ ደቁን ኣሕዋቱን፥ ዓሰርተ ኽልተ ኮኑ፤ ²⁶እቲ መበል ዓሰርተ ትሽዓተ ንማሎቲ፥ ደቁን ኣሕዋቱን፥ ዓሰርተ ኽልተ ኮኑ፤ ²⁷እቲ መበል ዕስራ ንኤልያታ፥ ደቁን ኣሕዋቱን፥ ዓሰርተ ኽልተ ኮኑ፤ ²⁸እቲ መበል ዕስራን ሓደን ንሆቲር፥ ደቁን ኣሕዋቱን፥ ዓሰርተ ኽልተ ኮኑ፤ ²⁹እቲ መበል ዕስራን ክልተን ንጊዳልቲ፥ ደቁን ኣሕዋቱን፥ ዓሰርተ ኽልተ ኮኑ፤ ³⁰እቲ መበል ዕስራን ሰለስተን ንማሃዝዮት፥ ደቁን ኣሕዋቱን፥ ዓሰርተ ኽልተ ኮኑ፤ ³¹እቲ መበል ዕስራን ኣርባዕተን ንሮማምቲዔዘር፥ ደቁን ኣሕዋቱን፥ ዓሰርተ ኽልተ ኮኑ።