ንደገታት ኣቦና ዝተሸሙ ሓለውቲ ኣፍ ደገ

ሓለውቲ ኣፍ ደገ ብዕፃ ናብ ነፍሲ ወከፍ ወገን ቤት ኣቦና ተመደቡ፥ እቶም ሓያላት ደቂ ዖቤድ ኤዶም ድማ ንስራሕ ክኢላታት ሰባት ኮይኖም ተቘፅሩ። ካልኦት ነቲ ዝተቐደሰ መዝገብን ምርኮ ውግእን ይከታተሉ፥ ገሊኦም ድማ ሹመኛታትን ፈረድትን ኮይኖም ይልኣኹ።

ምዕራፍ 26።

ናይ ሓለውቲ ኣፍ ደገ ክፍሊ ኸምዙይ ነበረ፦ ካብ ደቂ ቆሬ መሰለምያ ወዲ ቆሬ፥ ካብ ደቂ ኣሳፍ። መሰለምያ ድማ ኣወዳት ነበርዎ፦ ዘካርያስ በዅሪ፥ የዲኤል ካልኣይ፥ ዘባድያ ሳልሳይ፥ የትኒኤል ራብዓይ፥ ዔላም ሓምሻይ፥ ዮሃናን ሻድሻይ፥ ኤልዮዔናይ ሻብዓይ። ዖቤድ ኤዶም ድማ ኣወዳት ነበርዎ፦ ሳማያ በዅሪ፥ ዮዛባድ ካልኣይ፥ ዮኣሕ ሳልሳይ፥ ሳካር ራብዓይ፥ ናትናኤል ሓምሻይ፥ ዓሚኤል ሻድሻይ፥ ይሳኮር ሻብዓይ፥ ፐዑልታይ ሻምናይ፤ ኣቦና ባሪኽዎ ነበረ እሞ። ነቲ ወዱ ሳማያ ድማ፥ ኣብ ልዕሊ ቤት ኣቦኦም ዝገዝኡ ኣወዳት ተወለዱሉ፤ ጀጋኑ ሓያላት ስለ ዝነበሩ። ደቂ ሳማያ፦ ዖትኒ፥ ራፋኤል፥ ዖቤድ፥ ኤልዛባድ፤ ኣሕዋቶም ኤሊሁን ሰማክያን ክኢላታት ሰባት ነበሩ። እዚኣቶም ኵሎም ካብ ደቂ ዖቤድ ኤዶም ነበሩ፤ ንሳቶምን ደቆምን ኣሕዋቶም፥ ንስራሕ ሓያላትን ክኢላታት ነበሩ፤ ካብ ዖቤድ ኤዶም ድማ ስሳን ክልተን ነበሩ። መሰለምያ ድማ ኣወዳትን ኣሕዋቱን ክኢላታት ሰባት ነበርዎ፤ ብድምር ዓሰርተ ሸሞንተ ነበሩ። ካብ ደቂ ሜራሪ ዝኾነ ሖሳ ድማ ኣወዳት ነበርዎ፦ ሺምሪ እቲ ሓለቓ፤ በዅሪ እኳ እንተ ዘይነበረ፥ ኣቦኡ ሓለቓ ገበሮ። ሒልቅያ ካልኣይ፥ ጠባልያ ሳልሳይ፥ ዘካርያስ ራብዓይ፤ ደቂ ሖሳን ኣሕዋቶም ብድምር ዓሰርተ ሰለስተ ነበሩ።

እዚኣቶም ክፍሊ ሓለውቲ ኣፍ ደገ፥ ብሓለቓታቶም ዝተሸሙ፥ ከምቶም ኣሕዋቶም ኣብ ቤት ኣቦና የገልግሉ ነበሩ። ንነፍሲ ወከፍ ደገ ድማ፥ ንእሽቶ ይኹን ዓብዪ ማዕረ፥ በብማይ ቤቶም ዕፃ ኣውደቑ። እቲ ናይ ምብራቕ ዕፃ ድማ ንሸለምያ በፅሖ። ንወዱ ዘካርያስ፥ ለባም ኣማኻሪ፥ ዕፃ ኣውደቑሉ፤ ዕፅኡ ድማ ናብ ሰሜን ወፀ። ንዖቤድ ኤዶም ድማ ናይ ደቡብ በፅሖ፤ ንደቁ ኸዓ እቲ መኽዘን በፅሖም። ንሹፒምን ንሖሳን ድማ ናይ ምዕራብ በፅሖም፤ ምስቲ ኣብቲ ዓቐበት መንገዲ ዘሎ ደገ ሻለኸት፥ ዘብዐኛ ኣብ መንፅር ዘብዐኛ። ብወገን ምብራቕ ሽዱሽተ ሌዋዊን ይቖሙ ነበሩ፥ ብወገን ሰሜን በብመዓልቱ ኣርባዕተ፥ ብወገን ደቡብ በብመዓልቱ ኣርባዕተ፥ ኣብቲ መኽዘን ድማ ክልተ ክልተ። ኣብቲ ብወገን ምዕራብ ዘሎ ኣፀድ ድማ፥ ኣብ መንገዲ ኣርባዕተ፥ ኣብቲ ኣፀድ ከዓ ክልተ። እዚኣቶም ካብ ደቂ ቆሬን ካብ ሜራራውያን ዝኾኑ ክፍሊ ሓለውቲ ኣፍ ደገ እዮም።

ሓለውቲ መዛግብን ሹማምትን ፈረድትን ኣቦና

ኣኪያ እቲ ሌዋዊ ድማ፥ ኣብ ልዕሊ መዛግብ ቤት ኣቦናን ኣብ ልዕሊ መዛግብ እቲ ዝተቐደሰ መባእን ይኣሊ ነበረ። ደቂ ላዳን፥ እቶም ናይ ላዳን ዝኾኑ ጌርሾናውያን፥ ሓለቓታት ማይ ቤት ላዳን ጌርሾናዊ፦ የሕኤሊ። ደቂ የሕኤሊ፥ ዜታምን ኢዩኤል ሓዉን ድማ፥ ኣብ ልዕሊ መዛግብ ቤት ኣቦና ይኣልዩ ነበሩ። ካብ ዓምራማውያን፥ ካብ ይስሃራውያን፥ ካብ ኬብሮናውያን፥ ካብ ዑዝኤላውያን፦ ሸቡኤል ወዲ ጌርሳም ወዲ ሙሴ ድማ፥ ኣብ ልዕሊ እቶም መዛግብ ሓለቓ ሹም ነበረ። ኣዝማዱ ኸዓ ብኤልኤዘር፦ ወዱ ረሃብያ፥ ወዱ የሻያ፥ ወዱ ኢዮራም፥ ወዱ ዝክሪ፥ ወዱ ሰሎሚት። ሰሎሚትን ኣሕዋቱን ድማ፥ ንጉስ ዳዊትን ሓለቓታት ማይ ቤትን ኣሕሉቕ ሽሕን ኣሕሉቕ ሚእትን ሓለቓ ሰራዊትን ዝቐደስዎ ዅሉ መዛግብ መባእ ይኣልዩ ነበሩ። ካብቲ ኣብ ውግኣት ዝዘመትዎ ምርኮ ድማ፥ ቤት ኣቦና ንምዕዛዝ መባእ ቀደሱ። ሳሙኤል እቲ ረኣዪ፥ ሳኦል ወዲ ቂስ፥ ኣበኔር ወዲ ኔር፥ ኢዮኣብ ወዲ ፅሩያን ዝቐደስዎ ዅሉ፥ ዝኾነ ዝተቐደሰ ነገር ኵሉ፥ ሰሎሚትን ኣሕዋቱን ይኣልይዎ ነበሩ።

ካብ ይስሃራውያን ድማ፥ ከናንያን ደቁን፥ ንደገ ወፃኢ ዝኾነ ናይ እስራኤል ነገር ሹማምትን ፈረድትን ኮይኖም የመሓድሩ ነበሩ። ካብ ኬብሮናውያን ድማ፥ ሃሻብያን ኣዝማዱን፥ ሽሕን ሸውዓተ ሚእትን ክኢላታት ሰባት፥ ንዅሉ ስራሕ ኣቦናን ንኣገልግሎት ንጉስን ኣብ ምዕራብ ዮርዳኖስ ዝነበረ እስራኤል ይኣልዩ ነበሩ። ካብ ኬብሮናውያን ድማ፥ ከም ዝኽሪ ማይ ቤቶም፥ የሪያ ሓለቓ ነበረ። ኣብ መበል ኣርብዓ ዓመት ዳዊት ድማ፥ ኣብ ያዕዘር ናይ ገለዓድ፥ ተደልዮም ካብኣቶም ክኢላታት ሰባት ተረኽቡ። ኣዝማድ የሪያ ድማ፥ ክልተ ሽሕን ሸውዓተ ሚእትን ክኢላታት ሰባት፥ ሓለቓታት ማይ ቤት ነበሩ። ንጉስ ዳዊት ከዓ፥ ንዅሉ ነገር ኣቦናን ንጉስን፥ ኣብ ልዕሊ ሮቤላውያንን ጋዳውያንን ፍርቂ ነገድ ምናሴን ሸመሎም።