1 ዜና መዋዕል 26

26 ¹የደጅ ጠባቂዎች ክፍሎች ይህ ነበር፦ ከቆራሆች ወገን፣ ከአሳፍ ልጆች የሆነው የቆሬ ልጅ ሜሰሌምያ። ²ሜሰሌምያ ልጆች ነበሩት፤ በኵር ዘካርያስ፣ ሁለተኛው ይድያኤል፣ ሦስተኛው ዘባድያ፣ አራተኛው ያትኒኤል፣ ³አምስተኛው ዔላም፣ ስድስተኛው ይሆሐናን፣ ሰባተኛው ኤልዩሆዔናይ ነበሩ። ⁴ዖቤድ ኤዶምም ልጆች ነበሩት፤ በኵር ሸማያ፣ ሁለተኛው ይሆዛባድ፣ ሦስተኛው ዮአሕ፣ አራተኛው ሳካር፣ አምስተኛው ናትናኤል፣ ⁵ስድስተኛው ዓሚኤል፣ ሰባተኛው ይሳኮር፣ ስምንተኛው ጴዩልታይ ነበሩ፤ አባታችን ባርኮት ነበርና። ⁶ልጁ ሸማያም በአባታቸው ቤተ ሰብ ላይ የተሾሙ ልጆች ነበሩት፤ እነርሱ ኀያላን ጀግኖች ነበሩና። ⁷የሸማያ ልጆች፦ ዖትኒ፣ ሬፋኤል፣ ዖቤድና ኤልዛባድ ነበሩ፤ ወንድሞቻቸው ኤሊሁና ሰማክያም የተዋጣላቸው ሰዎች ነበሩ። ⁸እነዚህ ሁሉ ከዖቤድ ኤዶም ልጆች ነበሩ፤ እነርሱ፣ ልጆቻቸውና ወንድሞቻቸው ለሥራው የበረቱና የተዋጣላቸው ነበሩ፤ ከዖቤድ ኤዶም ስድሳ ሁለት ነበሩ። ⁹ሜሰሌምያ የተዋጣላቸው ልጆችና ወንድሞች ነበሩት፤ በጠቅላላው ዐሥራ ስምንት ነበሩ። ¹⁰ከምራሪ ልጆች የሆነው ሖሳም ልጆች ነበሩት፤ አለቃው ሺምሪ ነበር፤ በኵር ባይሆንም አባቱ አለቃ አደረገው። ¹¹ሁለተኛው ኬልቅያስ፣ ሦስተኛው ጠበልያ፣ አራተኛው ዘካርያስ ነበር፤ የሖሳ ልጆችና ወንድሞች በጠቅላላው ዐሥራ ሦስት ነበሩ።

¹²እነዚህ በአለቆች የተመደቡ የደጅ ጠባቂዎች ክፍሎች እንደ ወንድሞቻቸው በአባታችን ቤት ያገለግሉ ነበር። ¹³ታናሽም ታላቅም እንደ ቤተ ሰባቸው ለእያንዳንዱ ደጅ ዕጣ ተጣጣሉ። ¹⁴የምሥራቅ ዕጣ ለሰሌምያ ወጣ። ጠቢብ አማካሪ ለሆነው ለልጁ ለዘካርያስም ዕጣ ተጣጣሉ፤ ዕጣውም ወደ ሰሜን ወጣ። ¹⁵ለዖቤድ ኤዶም የደቡብ ዕጣ ወጣ፤ ለልጆቹም መዛግብት ቤት ወጣ። ¹⁶ለሱፊምና ለሖሳ የምዕራብ ዕጣ ወጣ፤ ወደ ላይ በሚወጣው መንገድ ላይ ካለው ከሰሌከት ደጅ ጋራ ነበር፤ ጠባቂም ለጠባቂ ትይዩ ነበር። ¹⁷በምሥራቅ ስድስት ሌዋውያን ይቆሙ ነበር፤ በሰሜን በየዕለቱ አራት፣ በደቡብ በየዕለቱ አራት፣ በመዛግብት ቤትም ሁለት ሁለት ሆነው ይቆሙ ነበር። ¹⁸በምዕራብ በኩል ባለው ዐደባባይ፦ በመንገዱ አራት፣ በዐደባባዩም ሁለት ነበሩ። ¹⁹ከቆራሆችና ከምራራውያን ወገን የደጅ ጠባቂዎች ክፍሎች እነዚህ ነበሩ።

የአባታችን ገንዘብ ያዦች፣ ሹማምትና ዳኞች

²⁰ሌዋዊው አኪያም የአባታችንን ቤት መዛግብትና የተቀደሱትን ስጦታዎች መዛግብት ይቆጣጠር ነበር። ²¹የሊዳን ልጆች፣ ለሊዳን የሆኑ ጌራሳውያን፣ የጌራሳዊው የሊዳን የቤተ ሰብ አለቆች፦ ይሒኤሊ ነበር። ²²የይሒኤሊ ልጆች ዜታምና ወንድሙ ኢዮኤል የአባታችንን ቤት መዛግብት ይቆጣጠሩ ነበር። ²³ከዓምራማውያን፣ ከይስዓራውያን፣ ከኬብሮናውያንና ከዑዝኤላውያን ወገን፦ ²⁴የሙሴ ልጅ የሆነው የጌርሶም ልጅ ሸቡኤል በመዛግብቱ ላይ ዋና ኀላፊ ነበር። ²⁵በኤሊዔዘር በኩል ዘመዶቹ፦ ልጁ ረአብያ፣ የእርሱም ልጅ ይሻያ፣ የእርሱም ልጅ ዮራም፣ የእርሱም ልጅ ዚክሪ፣ የእርሱም ልጅ ሸሎሚት ነበሩ። ²⁶ሸሎሚትና ወንድሞቹ ንጉሥ ዳዊት፣ የቤተ ሰብ አለቆች፣ የሺህ አለቆችና የመቶ አለቆች፣ የሰራዊትም አዛዦች የቀደሷቸውን የስጦታ መዛግብት ሁሉ ይቆጣጠሩ ነበር። ²⁷በጦርነት ከተገኘው ምርኮ ውስጥ የአባታችንን ቤት ለመጠገን ስጦታ ቀደሱ። ²⁸ባለ ራእዩ ሳሙኤል፣ የቂስ ልጅ ሳኦል፣ የኔር ልጅ አበኔር፣ የጽሩያም ልጅ ኢዮአብ የቀደሱትን ሁሉ፣ የተቀደሰውን ነገር ሁሉ ሸሎሚትና ወንድሞቹ ይቆጣጠሩ ነበር።

²⁹ከይስዓራውያን ወገን ክናንያና ልጆቹ የእስራኤልን የውጭ ጒዳዮች እንደ ሹማምትና እንደ ዳኞች ሆነው ያስተዳድሩ ነበር። ³⁰ከኬብሮናውያን ወገን ሐሻብያና ዘመዶቹ፣ ዐንድ ሺህ ሰባት መቶ የተዋጣላቸው ሰዎች፣ ለአባታችን ሥራ ሁሉና ለንጉሡ አገልግሎት ከዮርዳኖስ በስተ ምዕራብ ያለውን እስራኤልን ይቆጣጠሩ ነበር። ³¹ከኬብሮናውያን መካከል እንደ ቤተ ሰባቸው የትውልድ መዝገብ ይሪያ አለቃ ነበር። በዳዊት በአርባኛው ዓመት ፍለጋ ተደርጎ በገለዓድ ባለው በያዔዜር በመካከላቸው የተዋጣላቸው ሰዎች ተገኙ። ³²የይሪያ ዘመዶች ሁለት ሺህ ሰባት መቶ የተዋጣላቸው ሰዎች፣ የቤተ ሰብ አለቆች ነበሩ። ንጉሥ ዳዊትም ለአባታችንና ለንጉሡ ጒዳይ ሁሉ በሮቤላውያን፣ በጋዳውያንና በምናሴ ነገድ እኩሌታ ላይ ሾማቸው።