Vanamati Vakagadzwa Kushumira Baba
Vaimbi vanodaidzirwa kubasa raBaba vedu sevarwi: vaimbi mazana maviri nemakumi masere nevasere vakadzidziswa pasi paAsafi, Jedhutuni naHemani, uye kuridza kwavo kunonzi kuprofita. Zvikwata zvavo zvinosarudzwawo nemijenya, mudzidzisi nomudzidzi zvakafanana — unyanzvi hunogadza mwero, asi mukana unogadza nguva.
25 1Dhavhidhi navakuru vehondo vakatsaura vamwe vavanakomana vaAsafi, vaHemani, navaJedhutuni kuti vashumire, avo vaiprofita nembira, nemitengeranwa, namakandira. Uwandu hwavo, maererano nebasa, hwaiva: 2Vanakomana vaAsafi: Zakuri, Josefa, Netaniya, naAsharera, ivo vanakomana vaAsafi—vachitungamirirwa naAsafi, vachiprofita vachitungamirirwa namambo. 3Vanakomana vaJedhutuni: Gedharia, Zeri, Jeshaya, Shimei, Hashabhia, naMatitia—vatanhatu, vachitungamirirwa nababa vavo Jedhutuni, vakaprofita nembira, vachivonga nokurumbidza Baba vedu. 4VaHemani, vanakomana vaHemani: Bhukia, Matania, Uzieri, Shebhueri, Jerimoti, Hanania, Hanani, Eriata, Gidhariti, Romamti-ezeri, Joshibhekasha, Maroti, Hotiri, naMahazioti. 5Ava vose vaiva vanakomana vaHemani, muoni wamambo, vakapiwa kubudikidza neshoko raBaba vedu kuti vasimudzire Hemani. Baba vedu vakapa Hemani vanakomana vane gumi navana navanasikana vatatu. 6Ava vose vaitungamirirwa nababa vavo pakuimba muimba yaBaba vedu, namakandira, nemitengeranwa, nembira pakushumira kweimba yaBaba vedu; Asafi, Jedhutuni, naHemani vaitungamirirwa namambo. 7Uwandu hwavo, pamwe nehama dzavo dzakadzidziswa kuimbira Baba vedu—vose vari nyanzvi—hwaiva mazana maviri namakumi masere navasere. 8Vakakanda mijenya pamusoro pamabasa avo, vaduku navakuru zvakafanana, mudzidzisi nomudzidzi zvakafanana.
9Mujenya wokutanga wakabudira Asafi, kuna Josefa; wechipiri, Gedharia nehama dzake navanakomana vake, gumi navaviri. 10Wechitatu kuna Zakuri, vanakomana vake nehama dzake, gumi navaviri; 11wechina kuna Izri, vanakomana vake nehama dzake, gumi navaviri; 12wechishanu kuna Netaniya, vanakomana vake nehama dzake, gumi navaviri; 13wechitanhatu kuna Bhukia, vanakomana vake nehama dzake, gumi navaviri; 14wechinomwe kuna Jesarera, vanakomana vake nehama dzake, gumi navaviri; 15wechisere kuna Jeshaya, vanakomana vake nehama dzake, gumi navaviri; 16wechipfumbamwe kuna Matania, vanakomana vake nehama dzake, gumi navaviri; 17wegumi kuna Shimei, vanakomana vake nehama dzake, gumi navaviri; 18wegumi nomumwe kuna Azareri, vanakomana vake nehama dzake, gumi navaviri; 19wegumi navaviri kuna Hashabhia, vanakomana vake nehama dzake, gumi navaviri; 20wegumi navatatu kuna Shubhaeri, vanakomana vake nehama dzake, gumi navaviri; 21wegumi navana kuna Matitia, vanakomana vake nehama dzake, gumi navaviri; 22wegumi navashanu kuna Jeremoti, vanakomana vake nehama dzake, gumi navaviri; 23wegumi navatanhatu kuna Hanania, vanakomana vake nehama dzake, gumi navaviri; 24wegumi navanomwe kuna Joshibhekasha, vanakomana vake nehama dzake, gumi navaviri; 25wegumi navasere kuna Hanani, vanakomana vake nehama dzake, gumi navaviri; 26wegumi navapfumbamwe kuna Maroti, vanakomana vake nehama dzake, gumi navaviri; 27wemakumi maviri kuna Eriata, vanakomana vake nehama dzake, gumi navaviri; 28wemakumi maviri nomumwe kuna Hotiri, vanakomana vake nehama dzake, gumi navaviri; 29wemakumi maviri navaviri kuna Gidhariti, vanakomana vake nehama dzake, gumi navaviri; 30wemakumi maviri navatatu kuna Mahazioti, vanakomana vake nehama dzake, gumi navaviri; 31wemakumi maviri navana kuna Romamti-ezeri, vanakomana vake nehama dzake, gumi navaviri.