Me basika na mukanda
Dibuku

Bayimbidi Yina ba Soolaka samu na Kisalu ya Tata

Bansambi, ba bakaka bawu samu na kisalu ya Tata ya beto bonso basoldati: miyimbidi nkama zole na makumi nana na nana (288) yina ba longokaka, na lutwadusu ya Asafi, Yedutuni mpe Emani, mpe kusika ya bawu ba ke bokila yawu kubikula. Ba bulaka mpe zeke samu na ntangu ya kisalu ya bawu, mulongi mpe mulongoki mutindu mosi — mayela ke tula kitezo, kasi zeke ke tula ntangu ya kisalu.

Kapu 25.

Davidi na bamfumu ya binwani tulaka na lweka ndambu ya bana ya Asafi, Emani, mpe Yedutuni samu na kisalu, bayina vwandaka tutuka na bansambi, matuutu, mpe bangongi. Lutangu ya bawu, na kisalu ya bawu, vwandaka mutindu yayi: Bana ya Asafi: Zakule, Yosefi, Netania, Asarela, bana ya Asafi, na lutwadusu ya Asafi, yina vwandaka tutuka na lutwadusu ya ntinu. Bana ya Yedutuni: Ngedalia, Zeli, Yesaya, Simeyi, Asabia, Matatia, bawu sambanu, na lutwadusu ya tata ya bawu Yedutuni, bawu vwandaka tutuka na nsambi, na kupesa matondo mpe na kukembila Tata. Na Emani, bana ya Emani: Bukia, Matania, Uzyele, Sebuele, Yelimote, Anania, Anani, Eliata, Ngidaleti, Lomameti-ezele, Yosebekasa, Maloti, Otire, Mayaziote. Bawu yayi nyonso vwandaka bana ya Emani, muntu ya ntinu yina ke talaka mambu, bawu ba pesaka na nzila ya mambu ya Tata samu na kunanguna Emani. Tata pesaka Emani bana kumi na yiya ya babakala mpe bana tatu ya bakento. Bawu yayi nyonso vwandaka na lutwadusu ya tata ya bawu samu na mukunga na yinzo ya Tata, na bangongi, matuutu, mpe bansambi samu na kisalu ya yinzo ya Tata. Asafi, Yedutuni, mpe Emani vwandaka na lutwadusu ya ntinu. Lutangu ya bawu, kintwadi na bampangi ya bawu yina ba longisaka na kuyimbila samu na Tata, bawu nyonso ya ndwenga, vwandaka nkama zole na makumi nana na nana (288). Mpe bawu bulaka dzeke samu na kisalu ya bawu, muntu ya fyoti na muntu ya nene kaka mutindu mosi, mulongisi na mulongoki kaka mutindu mosi.

Dzeke ya ntete basikaka samu na Asafi, na Yosefi. Ya zole, Ngedalia kintwadi na bampangi mpe bana ya yandi, kumi na zole. Ya tatu na Zakule, bana ya yandi mpe bampangi ya yandi, kumi na zole. ya yiya na Izeli, bana ya yandi mpe bampangi ya yandi, kumi na zole. ya tanu na Netania, bana ya yandi mpe bampangi ya yandi, kumi na zole. ya sambanu na Bukia, bana ya yandi mpe bampangi ya yandi, kumi na zole. ya nsambwadi na Yesarela, bana ya yandi mpe bampangi ya yandi, kumi na zole. ya nana na Yesaya, bana ya yandi mpe bampangi ya yandi, kumi na zole. ya yivwa na Matania, bana ya yandi mpe bampangi ya yandi, kumi na zole. ya kumi na Simeyi, bana ya yandi mpe bampangi ya yandi, kumi na zole. ya kumi na mosi na Azarele, bana ya yandi mpe bampangi ya yandi, kumi na zole. ya kumi na zole na Asabia, bana ya yandi mpe bampangi ya yandi, kumi na zole. ya kumi na tatu na Subaele, bana ya yandi mpe bampangi ya yandi, kumi na zole. ya kumi na yiya na Matatia, bana ya yandi mpe bampangi ya yandi, kumi na zole. ya kumi na tanu na Yelemote, bana ya yandi mpe bampangi ya yandi, kumi na zole. ya kumi na sambanu na Anania, bana ya yandi mpe bampangi ya yandi, kumi na zole. ya kumi na nsambwadi na Yosebekasa, bana ya yandi mpe bampangi ya yandi, kumi na zole. ya kumi na nana na Anani, bana ya yandi mpe bampangi ya yandi, kumi na zole. ya kumi na yivwa na Maloti, bana ya yandi mpe bampangi ya yandi, kumi na zole. ya makumi zole na Eliata, bana ya yandi mpe bampangi ya yandi, kumi na zole. ya makumi zole na mosi na Otire, bana ya yandi mpe bampangi ya yandi, kumi na zole. ya makumi zole na zole na Ngidaleti, bana ya yandi mpe bampangi ya yandi, kumi na zole. ya makumi zole na tatu na Mayaziote, bana ya yandi mpe bampangi ya yandi, kumi na zole. ya makumi zole na yiya na Lomameti-ezele, bana ya yandi mpe bampangi ya yandi, kumi na zole.