Ana, Anababa na Ambuya
Ana, abereki, akapolo na mabwana onsene asapaswa fala, mabwana mbakumbuswa kuti iwo ana Bwana wawo. Buluka penepo pyakuvala pya nkhondo pya Baba wathu: undimomwene, ulungami, kukhala akukonzeka, cikhulupiro, cipulumuso, fala — thangwi anyankhondo andimomwene si anthu ali pamaso pako tayu. Paulu asaphemba anthu kumphembera toera iye akhale wakukhwimisa ntima.
6 1Ana, bverani anyakubalanu mwa Mbuya, thangwi pyenepi ndi pyakulungama.
2“Lemedza babako na maiko” (uyu ndi ntemo wakutoma wa cipikirwa), 3“toera pikuendere mwadidi, pontho ukhale na umaso wautali pa dziko.”
4Anababa, lekani kuipisa ana anu ntima; mbamuakuzeni mu masandiko na mapfundzisiro a Mbuya.
5Abandazi, bverani ambuya anu a pa dziko ino mwaulemu na kutetemera, na ntima wadidi, ninga munacitira kuna Kirixtu. 6Tayu basi toera kukomeresa anthu pakati panakuonani iwo, mbwenye ninga abandazi a Kirixtu akucita cifuno ca Baba wathu kubulukira muntima, 7mbamutumikira na ntima wadidi, ninga kuna Mbuya, tayu kuna anthu, 8mukudziwa kuti m'bodzi na m'bodzi anadzatambira kuna Mbuya pinthu pyadidi pinacita iye, khala ndi bandazi peno wa ufulu.
9Ambuya, acitireni pibodzi pyene; lekani kuaopswa, mukudziwa kuti Mbuya wawo pabodzi na wanu ali kudzulu, pontho Iye nkhabe kusankhula anthu.
Pida Pyonsene pya Nkhondo pya Baba
10Pakumalisa, khalani akuwanga mwa Mbuya na mu mphambvu yace ikulu. 11Bvalani pida pyonsene pya nkhondo pya Baba wathu, toera mukwanise kulimira mano akunyengeza a Dyabu. a a v11 Pida pya nkhondo pinalongwa pano nee ndi pya nyankhondo ene, mbwenye ndi pida pya nkhondo pya Baba wathu ene, pyakupaswa ana ace toera ntsiku ya nkhondo. 12Nkhondo yathu nkhabe kumenyana na manyama na ciropa, mbwenye isamenyana na atongi na anyaudindo, na mphambvu za cidima ca dziko ino, na nzimu zakuipa ziri m'mbuto za kudzulu. 13Na tenepo, bvalani pida pyonsene pya nkhondo pya Baba wathu, toera mukwanise kulimira mu ntsiku yakuipa, pontho mbamuima mwakuwanga pakumala kucita pyonsene. 14Na tenepo imani, mwamala kumanga nsinga wa undimo n'ciuno mwanu, mbamubvala cida ca pa cifuwa ca kulungama, 15na miyendo yanu yakudzikhunganya kumwaza Mphangwa Zadidi za ntendere. 16Kusonkhana na pyonsene, kwatani cishango ca cikhulupiro, cinakwanisa kudzimya miseu yonsene ya moto ya nyakuipa. 17Kwatani cisoti ca upulumuki na supada ya Nzimu Wakucena — Fala ya Baba wathu. 18Phembani mwa Nzimu Wakucena ndzidzi onsene, na maphembero onsene na maphembo onsene. Khalani maso pa pyenepi mwakupirira, mbamuphemberera anthu onsene akucena a Mulungu, 19pontho mundiphemberere ine — toera ndipaswe mafala pandifungula mulomo wanga, toera kudziwisa mwakuwanga cibisobiso ca Mphangwa Zadidi, 20thangwi ya penepi ine ndine nthumwa ndiri mu maunyolo, toera kuilonga mwakuwanga ninga munafunika ine kulonga.
Mwanyikiro Yakumalisa
21Toera imwembo mudziwe kuti ndiri tani na pinacita ine, Tikiko, m'bale wakufunwa na ntumiki wakukhulupirika mwa Mbuya, anakupangani pyonsene. 22Ndantumiza iye kuna imwe thangwi ya penepi: toera mudziwe kuti tiri tani, pontho iye awangise mitima yanu.
23Ntendere na kufuna kwakudzala na cikhulupiro kuna abale, kubulukira kuna Baba wathu na Mbuya Yezu Kirixtu. 24Kukoma ntima kukhale na onsene anafuna Mbuya wathu Yezu Kirixtu na kufuna kwakukhonda kumala.
