1 Thotrinchān 1

1 ¹Adam, Seth, Enosh, ²Kenan, Ma-halalel, Jared, ³Enoch, Methuselah, Lamech, ⁴Noah, Shem, Ham, kala Japheth.

⁵Gomer, Magog, Madai, Javan, Tubal, Meshech kala Tiras chi Japhethwui naomayarabing hoi. ⁶Gomerwui naotunbing: Ashkenaz, Diphath kala Togarmah. ⁷Javanwui naotunbing: Elishah, Tarshish, Kittim, kala Rodanim.

⁸Hamwui naotunbing: Cush, Mizraim, Put kala Canaan. ⁹Cushwui naotunbing: Seba, Havilah, Sabta, Raamah kala Sabteca. Raamahwui naotunbing: Sheba eina Dedan. ¹⁰Cushna Nimrodli pharai; ana okathuili miwui ngachaili kapanga kharena. ¹¹Mizraimna Ludim, Anamim, Lehabim, Naph-tuhim, ¹²Pathrusim, Casluhim (Philistinenaobing awui eina shoka), eina Caphtorimwui avāva̱na. ¹³Canaanna naochizai Sidonli pharai, kala Hethli, ¹⁴kala Jebusbing, Amorbing, Girgashbing, ¹⁵Hivbing, Arkbing, Sinbing, ¹⁶Arvadbing, Zemarbing kala Hamatshina.

¹⁷Shemwui naotunbing: Elam, Asshur, Arpachshad, Lud kala Aram; kala Aramwui naotunbing: Uz, Hul, Gether kala Meshech. ¹⁸Arpachshadna Shelahli pharai; kala Shelahna Eberli pharai. ¹⁹Eberna naomayara khani pharai. Awui atamli okathui chi ngayarkhaihaowa, chiwui vang akhali Peleg hoi, kala achinā chi Joktan hoi. ²⁰Joktanna Almodad, Sheleph, Hazarmaveth, Jerah, ²¹Hadoram, Uzal, Diklah, ²²Ebal, Abima-el, Sheba, ²³Ophir, Havilah, kala Jobab. Saikora hi Joktanwui naosera. ²⁴Shem, Arpachshad, Shelah, ²⁵Eber, Peleg, Reu, ²⁶Serug, Nahor, Terah, ²⁷Abram, chiya Abraham.

Avāwui Tuingashit Abrahamwui Eina

²⁸Abrahamwui naomayarabing: Isaac eina Ishmael. ²⁹Hi athumwui naotunbingna: Ishmaelwui naochizai Nebaioth; kala chiwui thili Kedar, Adbeel, Mibsam, ³⁰Mishma, Dumah, Massa, Hadad, Tema, ³¹Jetur, Naphish, kala Kedemah. Athum hi Ishmaelwui naomayarabingna.

³²Abrahamwui ashāmva̱ Keturahna Zimran, Jokshan, Medan, Midian, Ishbak, eina Shuah pharai. Jokshanwui naomayarabing: Sheba eina Dedan. ³³Midianwui naomayarabing: Ephah, Epher, Hanok, Abida, eina Eldaah. Hi saikora Keturahwui naongarāsera.

³⁴Abrahamna Isaacli pharai. Isaacwui naomayarabing: Esau eina Israel.

Esauwui Naomayarabing

³⁵Esauwui naomayarabing: Eliphaz, Reuel, Jeush, Jalam, eina Corah. ³⁶Teman, Omar, Zephi, Gatam, Kenaz, Timna kala Amalek chi Eliphazwui naomayarabing hoi. ³⁷Reuelwui naomayarabing: Nahath, Zerah, Shammah, kala Mizzah.

³⁸Seirwui naomayarabing: Lotan, Shobal, Zibeon, Anah, Dishon, Ezer, eina Dishan. ³⁹Hori kala Homam chi Lotanwui naomayarabing hoi; kala Timna chi Lotanwui azarva̱na. ⁴⁰Shobalwui naomayarabing: Alian, Manahath, Ebal, Shephi, eina Onam. Zibeonwui naomayarabing: Aiah eina Anah. ⁴¹Anahwui naomayarabing: Dishon. Dishonwui naomayarabing: Hamran, Eshban, Ithran, kala Kheran. ⁴²Ezerwui naomayarabing: Bilhan, Zaavan, eina Jaakan. Dishanwui naomayarabing: Uz eina Aran.

⁴³Israelnaobingli awunga khipānakha mamungranglakha Edom ramli mungkasa awungabing chi hina: Beorwui naomayara Bela, kala awui keinung aming Dinhabah hoi. ⁴⁴Bela thihaida, awui pamli Bozrahwui Zerahwui naomayara Jobabna munga. ⁴⁵Jobab thihaoda, awui pamli Teman ngaleiwui Hushamna munga. ⁴⁶Husham thihaida Moab ngaleili Midianli khayuiya Bedadwui naomayara Hadadna awui pamli munga; awui keinung aming Avith hoi. ⁴⁷Hadad thihaida awui pamli Masrekahwui Samlahna munga. ⁴⁸Samlah thihaida awui pamli Kongrei khalei Rehobothwui Shaulna munga. ⁴⁹Shaul thihaida awui pamli Achborwui naomayara Baal-hananna munga. ⁵⁰Baal-hanan thihaida awui pamli Hadadna munga; kala awui keinungwui aming Pai hoi; Mezahabwui naongalāva̱ Matredwui naongalāva̱ Mehetabel chi apreiva̱wui mingna. ⁵¹Hadad thihaowa. Edomwui khararabing chiya Timna, Aliah, Jetheth, ⁵²Oholibamah, Elah, Pinon, ⁵³Kenaz, Teman, Mibzar, ⁵⁴Magtiel, kala Iram hina. Hibing hi Edomwui khararabingna.