1 ዜና መዋዕል 1

1 ¹አዳም፣ ሴት፣ ኤኖስ፣ ²ቃይናን፣ መላልኤል፣ ያሬድ፣ ³ሄኖክ፣ ማቱሳላ፣ ላሜሕ፣ ⁴ኖኅ፣ ሴም፣ ካም፣ ያፌት።

⁵የያፌት ልጆች፦ ጎሜር፣ ማጎግ፣ ማዳይ፣ ያዋን፣ ቶቤል፣ ሞሳሕ፣ ቲራስ። ⁶የጎሜር ልጆች፦ አስከናዝ፣ ዲፋት፣ ቶጋርማ። ⁷የያዋን ልጆች፦ ኤሊሳ፣ ተርሴስ፣ ኪቲም፣ ሮዳኒም።

⁸የካም ልጆች፦ ኩሽ፣ ምጽራይም፣ ፉጥ፣ ከነዓን። ⁹የኩሽ ልጆች፦ ሳባ፣ ኤውላጥ፣ ሳብታ፣ ራዕማ፣ ሳብካ። የራዕማ ልጆች፦ ሳባና ዳዳን። ¹⁰ኩሽ ናምሩድን ወለደ፤ እርሱም በምድር ላይ ኀያል ለመሆን የመጀመሪያው ነበር። ¹¹ምጽራይም ሉዳውያንን፣ ዐናማውያንን፣ ለሃባውያንን፣ ናፍታማውያንን፣ ¹²ጲያትሮሳውያንን፣ ፍልስጥኤማውያን የወጡባቸውን ከስሉሃውያንን፣ ከፍታራውያንን ወለደ። ¹³ከነዓን በኵር ልጁን ሲዶናን፣ ኬጥንም፣ ¹⁴ኢያቡሳውያንንም፣ አሞራውያንን፣ ጌርጌሳውያንን፣ ¹⁵ኤዊያውያንን፣ አርካውያንን፣ ሲናውያንን፣ ¹⁶አራዳውያንን፣ ጸማራውያንን፣ ሐማታውያንን ወለደ።

¹⁷የሴም ልጆች፦ ኤላም፣ አሱር፣ አርፋክስድ፣ ሉድ፣ አራም፤ የአራም ልጆችም፦ ዑፅ፣ ሑል፣ ጌቴር፣ ሞሳሕ። ¹⁸አርፋክስድ ሳላን ወለደ፤ ሳላም ዔቦርን ወለደ። ¹⁹ዔቦር ሁለት ልጆች ነበሩት፤ ምድር በእርሱ ዘመን ስለ ተከፋፈለች የአንዱ ስም ፋሌቅ ተባለ፤ የወንድሙም ስም ዮቅጣን ነበር። ²⁰ዮቅጣን አልሞዳድን፣ ሣሌፍን፣ አሰርሞትን፣ ያራሕን፣ ²¹አዶራምን፣ ኡዛልን፣ ዲቅላን፣ ²²ዔባልን፣ አቢማኤልን፣ ሳባን፣ ²³ኦፊርን፣ ኤውላጥን፣ ዮባብን ወለደ። እነዚህ ሁሉ የዮቅጣን ልጆች ነበሩ። ²⁴ሴም፣ አርፋክስድ፣ ሳላ፣ ²⁵ዔቦር፣ ፋሌቅ፣ ራግው፣ ²⁶ሴሮህ፣ ናኮር፣ ታራ፣ ²⁷አብራም፣ እርሱም አብርሃም ነው።

የአብ ተስፋ በአብርሃም በኩል

²⁸የአብርሃም ልጆች፦ ይስሐቅና እስማኤል። ²⁹የትውልዳቸው መዝገብ ይህ ነው፦ የእስማኤል በኵር ልጅ ናባዮት፤ ቀጥሎም ቄዳር፣ አድብኤል፣ ሚብሳም፣ ³⁰ሚስማ፣ ዱማ፣ ማሳ፣ ሐዳድ፣ ቴማ፣ ³¹የጡር፣ ናፊስ፣ ቄድማ። እነዚህ የእስማኤል ልጆች ናቸው።

³²የአብርሃም ቁባት ኬጡራ ዘምራንን፣ ዮቅሻንን፣ ሜዳንን፣ ምድያንን፣ እሽባቅን፣ ሱሐን ወለደች። የዮቅሻን ልጆች፦ ሳባና ዳዳን። ³³የምድያን ልጆች፦ ጌፋ፣ ዔፌር፣ ሄኖሕ፣ አቢዳ፣ ኤልዳዓ። እነዚህ ሁሉ የኬጡራ ልጆች ነበሩ።

³⁴አብርሃም ይስሐቅን ወለደ። የይስሐቅ ልጆች፦ ዔሳውና እስራኤል።

የዔሳው ልጆች

³⁵የዔሳው ልጆች፦ ኤሊፋዝ፣ ራጉኤል፣ ይዑስ፣ ይዕላም፣ ቆራ። ³⁶የኤሊፋዝ ልጆች፦ ቴማን፣ ኦማር፣ ጸፊ፣ ጋዕታም፣ ቄናዝ፣ ቲምናና ዓማሌቅ። ³⁷የራጉኤል ልጆች፦ ነሃት፣ ዛራ፣ ሻማ፣ ሚዛ።

³⁸የሴይር ልጆች፦ ሎጣን፣ ሦባል፣ ጽብዖን፣ ዓና፣ ዲሶን፣ ኤጼር፣ ዲሳን። ³⁹የሎጣን ልጆች፦ ሖሪና ሆማም፤ የሎጣንም እኅት ቲምና ነበረች። ⁴⁰የሦባል ልጆች፦ ዓልያን፣ ማናሃት፣ ዔባል፣ ሸፊ፣ ዖናም። የጽብዖን ልጆች፦ አያህና ዓና። ⁴¹የዓና ልጅ፦ ዲሶን። የዲሶን ልጆች፦ ሐምራን፣ እሽባን፣ ይትራን፣ ከራን። ⁴²የኤጼር ልጆች፦ ቢልሃን፣ ዛዓዋን፣ ያዓቃን። የዲሳን ልጆች፦ ዑፅና አራን።

⁴³እስራኤላውያንን የሚገዛ ንጉሥ ሳይኖር በፊት በኤዶም ምድር የነገሡ ነገሥታት እነዚህ ናቸው፦ የቢዖር ልጅ ቤላ፤ የከተማውም ስም ዲንሐባ ነበር። ⁴⁴ቤላ በሞተ ጊዜ ከባሶራ የመጣው የዛራ ልጅ ዮባብ በእርሱ ፈንታ ነገሠ። ⁴⁵ዮባብ በሞተ ጊዜ ከቴማናውያን ምድር የመጣው ሐሳም በእርሱ ፈንታ ነገሠ። ⁴⁶ሐሳም ሞተ፤ በሞዓብ አገር ምድያንን ያሸነፈው የበዳድ ልጅ ሐዳድ በእርሱ ፈንታ ነገሠ፤ የከተማውም ስም ዓዊት ነበር። ⁴⁷ሐዳድ በሞተ ጊዜ ከማስሬቃ የመጣው ሳምላ በእርሱ ፈንታ ነገሠ። ⁴⁸ሳምላ በሞተ ጊዜ በወንዙ ዳር ከምትገኘው ሮብሆት የመጣው ሳኦል በእርሱ ፈንታ ነገሠ። ⁴⁹ሳኦል በሞተ ጊዜ የዓክቦር ልጅ ብዔልሃናን በእርሱ ፈንታ ነገሠ። ⁵⁰ብዔልሃናን ሞተ፤ ሐዳድ በእርሱ ፈንታ ነገሠ። የከተማውም ስም ፓዒ ነበር፤ ሚስቱም የሜዛሃብ ልጅ የሆነችው የማጥሬድ ልጅ ሜጤቤል ነበረች። ⁵¹ሐዳድም ሞተ። የኤዶም የጎሳ አለቆች እነዚህ ነበሩ፦ አለቃ ቲምና፣ አለቃ ዓልያ፣ አለቃ የቴት፣ ⁵²አለቃ ኦሆሊባማ፣ አለቃ ኤላ፣ አለቃ ፊኖን፣ ⁵³አለቃ ቄናዝ፣ አለቃ ቴማን፣ አለቃ ሚብጻር፣ ⁵⁴አለቃ መግዲኤል፣ አለቃ ዒራም። እነዚህ የኤዶም የጎሳ አለቆች ነበሩ።