Yongmenyin Tenladak aser Tzüyim Tulu

Asen Tebu ki asoshi oset yanglu: yongmenyin tenladak ka, kübok noklang ana nung ayuba Tzüyim tulu, shitoktsü asoshi susa ter aser milendong ter, langbangtem, aser sangratsü makok hon oset. Yongmenyin kanga aju asünung temezüng mezüng makok, aser oset ajaki tenladak dang anishi.

Chapter 4.

Pai yongmenyin agi tenladak ka metong nung süklep metsü, lenten nung süklep metsü aser ali nungi süklep ter yanglu. Pai temuluba yongmenyin agi Tzüyim ka longlonga yanglu: tatem külen nungi tatem külen süklep ter, ali nungi süklep pungu, aser aji meketa süklep semer liasü. Kübok süklep tashi, nashi pungchi noksatem iba meketa liasü, Tzüyim meketa süklep ka tashi tenet-tenet ama, meso taren ana agi idak den ka küma liasü. Tzüyim aji nashi pungchi terana manung noktak, nashi pungchi asem anüdoklentip tsütsü, nashi pungchi asem anüolen tsütsü, nashi pungchi asem anüolentip tsütsü, nashi pungchi asem anüdoklen tsütsü; itemji tzüyimji manung yua, aser item ajak techimilenbo telunglen liasü. Süngtsüng nung teka ka lema, ayongbangji labu naro noksa ama, marok amai; idakji mori tatakzük meyi noklang ka ser tenet amok liasü.

Pai shitoktsü asoshi susa ter yanglu, pungu anüolentip, pungu anüdoklentip, tarongba tenla asoshi ayuba nembangtsü asoshi; saka Tzüyimji putirtem shitoktsü asoshi liasü.

Pai ozüng nung aliba ama hon milendong ter yanglu, tenla ki anüolentip pungu, aser anüdoklentip pungu toktsü. Pai langbang ter yanglua tenla ki nung ayu—pungu anüolentip, pungu anüdoklentip—aser hon susa noklang ka yanglu.

Pai putirtem kilempok, kilempok tulu, aser iba kishitem yanglu, aser iba kishitem yongmenyin agi yanglok. Pai Tzüyimji ki anüolentip len, anüdoklen kinüklen toktsü.

Hurami po, tateptsü aser susatem yanglu. Anungji Hurami Solomon chuba asoshi Tebu ki nung pei inyakba mapa ajakji renem:

tongshi ana; tongshi manung aliba susa mesüka yangluba tongshibang noksa ana; aji tongshibang noksa nembangtsü temechiba ana; temechiba ana asoshiji jarem noklang pezü; taren shia nung jarem noklang ka ka, tongshibang noksa aser susa nembangtsü asoshi; nüktangtem aser nüktang manung aliba susatem; Tzüyim ka aser iba kübok nashi pungchi terana. Po, tateptsü, shijok aser iba osettsüset ajakji Huram-abii Tebu ki asoshi Solomon chuba nem oset yongmenyin agi yanglua liasü. Yordan lenten nung, Sukkot aser Zereda tsüngda nung chubai itemji ali po nung mulua yanglu. Solomoni item ajak koda jenti yanglu nung yongmenyin osetji onsara asü nung idangtsü asoshi mebushiteti liasü.

Anungji Solomoni Tebu kidang aliba oset ajak yanglu: hon tenladak, aser Tebu jakdang ayuba amtsük den langbangtem, hon temeja agi milendongtem aser iba milentem, ozüng nung aliba ama temeshitiba taktang madang arongtsü asoshi; hon naro milen, milentem, aser mijepru (itemji hon temeja agi liasü); hon temeja agi: misü endokba, susa, su, miteptsü susa, aser tenla ki kishitem—temeshitiba Taktangi aiba telungba kishitem, aser tenla ki kishitem.