Solomonei Chem Dangbü hoba Haoeibü Sangle Tetenbü
Chem dangbü po saoche denan phaia, Solomonei sangnyu shuong kümetkei, jouan kibü Kananbü mütshuong aaothua khangbü lekei, Israel shousi shuong sepai hoba leiyeibü thüka phokei, hoba ungshedbou shuong si Levi shuong Dawid phanga shuonga settikei. Ezion-gebera ka shipan hon longtikei, hoba seneibü Bou chem shanga kümsilei wankei.
8 1Po saoche denga, Solomonei seneibü Bou chem hoba haoei lolo chem dangkei, 2Solomonei Huramei hao la kubü sangnyu shuong kümetkei, hoba khünei Israel shousi shuong settikei.
3Kheijinei Solomonei Hamath-zoba khulimbo angkei hoba kho thükkei. 4Haoei khübükei Tamar hoba Hamat ka haoei dangbü thanshang sangnyu pendou dangkei. 5Tokei haoei Beth-Horon Sangkhu hoba Beth-Horon Sangyou kümthang, bakou hoba ngok yoan kailepbü sangnyu kümetkei, 6Baalath, Solomoneibü on thanshang sangnyu pendou, haoeibü kailong hoba kolia setbü sangnyu, hoba Jerusalem, Lebanon si haoeibü kaangbüsekbü pendoua dangla mangsühbü pendou haoei dangkei.
7Hitbü, Amorbü, Perizbü, Hivbü, hoba Jebusbü ka aoyou, Israelbü aying mütshuong tou lulu kikei, 8Haoeneibü thensilen kaonyeka tou lulu kibü, Israelbüei amautilabü shuong, haoen ka tat sühko Solomonei aaothua kibü khangbü lekei. 9Lausikei Solomonei Israel shousi shuong aaothua kibü khangbü alekei; haoen kho sepai shuong, haoeibü leiyeibü thüka lajamleibou, hoba haoeibü kailong hoba kolia setbü thüka lajamleibou kikei. 10Solomon Chobaeibü kongnyu leiyeibü shuong habü ho kikei; müt 250ei mütshuong to limbo kümbei.
11Solomonei Farao nashou Dawid Sang ka haoei sao la dangbü chem to leian loukei, hoba laukei, “Kü yak che ongkei Israel Choba Dawideibü chema akilabü, aishanga seneibü Bou Busen danjungbü kaoen pendou saopobü ki.”
12Kheijinei Solomonei chemsophang thedanga haoei dangbü lemshang thüka seneibü Bou la juokbü lembü kukei, 13chaangbou weko ngühkhüm song tegü, Mosaei sakkubü tegü—Nounyet shuong, lit haanbü shuong, hoba po weko lem sem, kho tokai ajinbü wentek lem, balelem hoba Sukkotbü Lem—shuonga haoei juokbü lembü kukei.
14Haobou Dawideibü matjem tegü, haoei ungshedbou shuong khangenla shanga haoeneibü mütli phokukei, hoba Levibü shuong la, chaangbou weko song tegü, nyen sangla hoba ungshedbou shuong thedanga khangenla shanga haoeneibü mütli phokukei, hoba koukhüm lombou shuong la bakou weko haoeneibü mütli phokukei; aishanga seneibü Bou müt Dawidei kho sakkubü kikei. 15Haoenei Chobaei ungshedbou shuong hoba Levibü shuong la sakkubü ngühkhüm, thanshang sühko, tegütham kümbei.
16Seneibü Bou chem sengan phokubü chalou ka kho wanbü sühko, Solomoneibü kümsilei pendou wankei; hoba seneibü Bou chem maisho kümsembei.
17Kheijinei Solomon Edom kaoa, yungnyu peiko kibü Ezion-geber hoba Eloth to haukei. 18Hobaje Huramei haoeibü sambü shuong danko, yungnyu ngean kibü longleibü shuong yoa, hao la long shuong hautikei; hoba haoen Solomoneibü sambü shuong yoa Ofir to longchema haukei, hon seret khujin bang atbü anthüknyet sungan, kho Solomon Choba jungto sungbakei.
