Marubhumi te Phul Phulibo
Morubhumi ke nijei khushi koribole koi. Hath kopi thaka aru mon chinta thaka manuh khan ke kotha to eitu ase: taikhan laga Pitri nijei ahi ase. Andha laga chokhu khuli jai, langra khan jopiye, jolonta balu pora pani ulai, aru ekta sapha rasta ghor tak jai, jun te murkho khan bhi bhatki napare.
35 1Jongol aru sukha mati khushi hobo; marubhumi tu anondo koribo aru phul nisena phulibo. 2Eitu bisi phulibo aru khushi aru gana logote anondo koribo. Lebanon laga mahima eitu ke dibo, Carmel aru Sharon laga sundorta bhi dibo. Tarkhan amar Pitri laga mahima dikhibo, amar Pitri laga mohanta dikhibo. a a v2 Lebanon, Carmel aru Sharon tu purana Israel laga desh-jaga khan asele, jun khan ghono jongol, bhal phol diya mati-pahar aru prakritik sundorta nimite naam-dak thakise — sundorta laga misal kotha hoi jaise.
3Komjur hath khan ke takot dibi, aru kapi thaka athuni khan ke mojbut koribi. 4Chinta kora mon thaka manuh khan ke kobi, “Takot koribi; bhoi nakoribi! Sabi, tumar Pitri niyai loi kene ahhibo, amar Pitri laga badla loi kene. Tar ahhi kene tumikhan ke bachabo.”
5Tetiya andha manuh khan laga suku khulibo, aru bihira khan laga kan khuli jabo. b b v5 Jitia Baptizma-diya John tu bondi-ghor pora Jisu he ahhibole thaka Ekjon ase na nai koi kene hudise, Jisu pora eitu kotha khan loi kene jawab dise — andha dikhi ase, bihira huni ase, lengra ghupi ase — Tai laga changai kora kaam tu Pitri pora bahut din age te vachan diya udhar laga ahhise bisaye dikhai dise (Matthew 11:5; Luke 7:22). 6Tetiya lengra manuh horin nisena ghupibo, aru gunga laga jiba khushi pora gana koribo. Kilemane jongol te pani ulai ahhibo, aru marubhumi te pani-suti khan bohi ahhibo. 7Jui-jui baluka tu ekta pukhuri hoi jabo, aru suka mati pani laga suti hobo; siyal khan kun jaga te ghumai thake, ta te ghas nol aru khagri hoi jabo.
8Aru ta te ekta dangor rasta thakibo, ekta rasta, aru eitu ke Pobitrota laga Rasta koi kene matibo. Letera manuh khan eitu te safar nakoribo; rasta te bera manuh nimite eitu ase— murkho manuh khan bhi bhul rasta te najabo. 9Ta te singho ekta bhi nathakibo, aru kun khai-pela hinsro janwar bhi eitu te safar nakoribo; tarkhan ke ta te napabo. Kintu mukti pua manuh khan ta te beraibo, 10aru amar Pitri pora mukti pua manuh khan wapas ahhibo. Tarkhan gana kori kene Zion te ahhibo, tarkhan laga matha uporte ananta khushi thakibo; anondo aru khushi pora taikhan ke dhori lobo, aru mon-dukh aru suk-saas polai jabo.