2 ዜና መዋዕል 27

27 ¹ኢዮአታም በነገሠ ጊዜ ሃያ አምስት ዓመቱ ነበር፤ በኢየሩሳሌምም ዐሥራ ስድስት ዓመት ነገሠ። እናቱ የሳዶቅ ልጅ ይሩሳ ነበረች። ²አባቱ ዖዝያ እንዳደረገ፣ በአባታችን ፊት መልካም የሆነውን አደረገ፤ ነገር ግን ወደ አባታችን ቤተ መቅደስ አልገባም። ሕዝቡ ግን ገና በክፋት ይሠራ ነበር። ³የአባታችንን ቤት የላይኛውን በር ሠራ፤ በዖፌል ቅጥርም ላይ ብዙ ሠራ። ^a a v3 ዖፌል ከቤተ መቅደሱ ተራራ በስተ ደቡብ በኩል የነበረ የተመሸገ ኰረብታ ሲሆን፣ የኢየሩሳሌም የውስጠኛው ከተማ ቅጥር ክፍል ነበር። ⁴በይሁዳ ተራራማ አገር ከተሞችን ሠራ፤ በጫካዎችም ምሽጎችንና ግንቦችን ሠራ። ⁵ከአሞናውያን ንጉሥ ጋራ ተዋግቶ አሸነፋቸው። በዚያም ዓመት አሞናውያን ሰባት ሺህ አምስት መቶ ፓውንድ ብር፣ አምሳ ሺህ መስፈሪያ ስንዴና አምሳ ሺህ መስፈሪያ ገብስ ሰጡት፤ በሁለተኛውና በሦስተኛው ዓመትም እንዲሁ አደረጉ። ⁶ስለዚህ ኢዮአታም ምግባሩን በአባቱ ፊት ስላቀና ኀያል ሆነ። ⁷የቀሩት የኢዮአታም ሥራዎች፣ ጦርነቶቹ ሁሉና ተግባሮቹ በእስራኤልና በይሁዳ ነገሥታት መጽሐፍ ተጽፈዋል። ⁸በነገሠ ጊዜ ሃያ አምስት ዓመቱ ነበር፤ በኢየሩሳሌምም ዐሥራ ስድስት ዓመት ነገሠ። ⁹ኢዮአታምም ከአባቶቹ ጋራ አንቀላፋ፤ በዳዊት ከተማ ቀበሩት፤ ልጁ አካዝም በእርሱ ፋንታ ነገሠ።